നെൽസൺ മണ്ടേലയുടെ മകൾ സിൻഡ്​സി മണ്ടേല അന്തരിച്ചു

ജോഹന്നാസ്​ബർഗ്​: ദക്ഷിണാഫ്രിക്കൻ വിമോചന നേതാവ്​ നെൽസൺ മണ്ടേലയുടെ മകൾ സിൻഡ്​സി മണ്ടേല അന്തരിച്ചു. 59 വയസായിരുന്നു. 2015മുതൽ ഡെൻമാർക്കിലെ അംബാസിഡറായി സിൻഡ്​സി പ്രവർത്തിച്ചുവരികയായിരുന്നു. 

തിങ്കളാഴ്​ച രാവിലെ ജോഹന്നാസ്​ബർഗിലെ ആശുപത്രിയിലായിരുന്നു അന്ത്യം. മരണകാരണം പുറത്തുവിട്ടിട്ടില്ല. 

ദക്ഷിണാഫ്രിക്കയിലെ വിമോചന നേതാക്കളായ നെൽസൺ ​മണ്ടേലയുടെയും വിന്നി മണ്ടേലയുടെയും മകളായ സിൻഡ്​സി മനുഷ്യാവകാശ പ്രവർത്തനങ്ങളിൽ സജീവസാന്നിധ്യമായിരുന്നു.