നൈജീരിയയിൽ ഇരട്ട ചാവേർ സ്​ഫോടനം: 10 മരണം 

കാനോ: നൈജീരിയയിൽ ഇരട്ട ചാവേർ സ്​ഫോടനത്തിൽ 10 പേർ കൊല്ലപ്പെട്ടു. 52 പേർക്ക്​ പരിക്കേറ്റു. വടക്കുകിഴക്കൻ നഗരമായ മൈദുഗുരിയിലെ മാർക്കറ്റിൽ തിരക്കുള്ള സമയത്തായിരുന്നു സ്​ഫോടനം. 13നും 15നും ഇടയിലുള്ള പെൺകുട്ടികളായിരുന്നു ചാവേറുകളെന്ന്​ ദൃക്​സാക്ഷികൾ പറഞ്ഞു. ആദ്യ സ്​ഫോടനത്തിന്​ തൊട്ടു പിന്നാലെയായിരുന്നു രണ്ടാമത്തെ സ്​ഫോടനം. കഴിഞ്ഞവർഷം നവംബർ 15ന്​ മൈദുഗുരി നഗരത്തിനടുത്തുള്ള മുനയിൽ ചാവേർ സ്​ഫോടനത്തിൽ 12പേർ കൊല്ലപ്പെട്ടിരുന്നു. അന്ന്​ രണ്ടു സ്​ത്രീകളും രണ്ടു പുരുഷന്മാരുമാണ്​ ചാവേറുകളായത്​.