Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഭക്ഷണമെന്ന്​​​...

ഭക്ഷണമെന്ന്​​​ വിശ്വസിപ്പിക്കാൻ അമ്മ വെള്ളത്തിൽ കല്ലിട്ട്​ അടുപ്പത്ത്​ വെക്കും; വിശന്ന്​ തളർന്ന്​​ കുട്ടികളുറങ്ങും

text_fields
bookmark_border
kenya-mother.jpg
cancel

നെയ്​റോബി: വിശന്ന്​ വലഞ്ഞ കുട്ടികൾ അടുപ്പത്ത്​ തിളച്ചു മറിയുന്ന വെള്ളത്തിലേക്ക്​ പ്രതീക്ഷയോടെ നോക്കി നിൽക്കും​. കാത്തിരിപ്പിനൊട​ുവിൽ മനസ്സും ശരീരവും തളർന്ന്​ അവർ കിടന്ന​ുറങ്ങും. അടുപ്പത്തു വെച്ച പാത്രത്തിലെ വെള്ളത്തിൽ കല്ലിൻ കഷണങ്ങളാണെന്ന സത്യമറിയാതെ... കെനിയയിൽനിന്നാണ്​ മനുഷ്യമനസാക്ഷിയെ ഞെട്ടിക്കുന്ന വാർത്ത പുറത്തു വന്നത്​. കെനിയയിലെ മൊംബാസയിലെ വിധവയായ പെനിനാഹ്​ ബഹാത്തി കിറ്റ്​​സാവോ ആണ്​ ത​​​​െൻറ മക്കളെ സമാധാനിപ്പിക്കാൻ വെള്ളത്തിൽ കല്ലിട്ട്​ അടുപ്പത്തു വെച്ചത്​. ഒന്നും രണ്ടും ദിവസമല്ല. പല ദിവസങ്ങളും ഇവർ തള്ളി നീക്കിയത്​ ഇങ്ങനെയാണ്​. 

വിശന്ന്​ തളർന്നിരിക്കുന്ന കുട്ടികൾക്ക്​ ഭക്ഷണം ഉടനെ തയാറാവുമെന്ന പ്രത്യാശ സൃഷ്​ടിക്കാനും താൽക്കാലികമായെങ്കിലും അവരുടെ മനസ്സിനെ സമാധാനപ്പെടുത്താനും മാത്രമേ ആ അമ്മ ഉദ്ദേശിച്ചു കാണുകയുള്ളൂ. കോവിഡ്​ 19 സൃഷ്​ടിച്ച ആഘാതത്തിൽ ആ അമ്മക്ക്​ അത്രയേ ചെയ്യാൻ സാധിക്കുമായിരുന്നുള്ളൂ. അമ്മ അടുപ്പത്ത്​ വെള്ളം വെച്ചിട്ടുണ്ടെങ്കിലും ഭക്ഷണം കിട്ടില്ലെന്ന്​ മുതിർന്ന കുട്ടികൾക്ക്​ അറിയാമായിരുന്നു. കിറ്റ്​​സാവോയുടെ അയൽക്കാർ ഈ ദയനീയ കാഴ്​ചക്ക്​ സാക്ഷ്യം വഹിക്കുകയും ഇവർ അറിയിച്ചതനുസരിച്ച് ഒരു​ മാധ്യമം ഈ വാർത്ത റി​േപാർട്ട്​ ചെയ്യുകയും ചെയ്​തതോടെയാണ്​ സംഭവം ലോകമറിയുന്നത്​. 

ത​​​െൻറ എട്ട്​ കുട്ടികളുമായി രണ്ട്​ മുറികളുള്ള കൊച്ചു വീട്ടിലാണ്​ ഇവർ താമസിക്കുന്നത്​. ഇവിടെ വൈദ്യുതിയോ വെള്ളമോ ഇല്ല. നിരക്ഷരയും വിധവയുമായ കിറ്റ്​സാവോ തൂപ്പു ജോലി ചെയ്​തായിരുന്നു അന്നന്നത്തെ ഭക്ഷണത്തിനുള്ള വക കണ്ടെത്തിയിരുന്നത്​. എന്നാൽ കോവിഡ്​ പടർന്നു പിടിക്കുകയും ആളുകൾ സാമൂഹ്യ അകലം പാലിക്കേണ്ട അവസ്ഥയും വന്നതോടെ ഇവരുടെ കാര്യം കഷ്​ടത്തിലാവുകയായിരുന്നു.

വാർത്ത പുറത്തു വന്നതോടെ ഇവർക്ക് വിവിധ ഭാഗങ്ങളിൽ നിന്ന്​ സഹായം എത്തിത്തുടങ്ങി. അയൽക്കാർ ഇടപെട്ട്​​ കിറ്റ്​സാവോയുടെ പേരിൽ തുടങ്ങിയ ബാങ്ക്​ അക്കൗണ്ടിലേക്ക്​ കെനിയയുടെ വിവിധ ഭാഗങ്ങളിൽ നിന്ന്​ സഹായ ധനമെത്തി. രാജ്യത്തി​​​​െൻറ വിവിധ ഭാഗങ്ങളിൽ നിന്ന്​ സഹായ വാഗ്​ദാനവുമായി നിരവധി പേരാണ്​ തന്നെ വിളിക്കുന്നതെന്ന്​ അവർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kenyapovertyworld newsmalayalam newscovid 19
News Summary - Kenya: With No Food, Woman Boils Stones To Make Kids Believe She’s Preparing Meal -world news
Next Story