നിയന്ത്രണങ്ങൾ മറികടന്ന്​ വിവാഹം; ദമ്പതികളും അതിഥികളും അറസ്​റ്റിൽ

കേപ്​ടൗൺ: വിവാഹദിനം ഒരിക്കലും മറക്കാത്ത അനുഭവമാകണമെന്ന്​ ആഗ്രഹിക്കുന്നവരാണ്​ ദമ്പതിക​ളെല്ലാം. എന്നാൽ, ആ ദിവ സം പിന്നീടൊരിക്കലും ഒാർക്കാൻ ഇഷ്​ടപ്പെടാത്ത ദിവസമായി മാറിയാൽ എങ്ങനെയുണ്ടാകും. സംഭവ ബഹുലമായ വിവാഹദിവസം സ്വപ ്​നത്തിൽ പോലും തിരിച്ച്​ വരല്ലേ എന്ന്​ ആഗ്രഹിക്കുകയാണ്​ ദക്ഷിണാഫ്രിക്കയിലെ ജബുലാനിയും നൊമ്​താൻദാസോയും. < /p>

അണിഞ്ഞൊരുങ്ങി വിവാഹ വേദിയിൽ നിൽക്കു​േമ്പാൾ ഇരച്ചെത്തുന്ന പൊലീസ്​, നവദമ്പതികളെയും അതിഥികളെയും വിവാഹ ചടങ്ങിന്​ കാർമികത്വം വഹിക്കുന്ന പുരോഹിതനെയും എല്ലാം പൊലീസ്​ അറസ്​റ്റ്​ ചെയ്​ത്​ സ്​റ്റേഷനിലെത്തിക്കുന്നു, ദിവസം മുഴുവൻ നടപടികൾക്കും ഉപദേശങ്ങൾക്കും ഒടുവിൽ പണം കെട്ടിവെച്ച്​ ജാമ്യം നേടി പുറത്ത്​ വരുന്നു.... ഇതിന്​ മാത്രം വലിയ തെറ്റാണോ വിവാഹം എന്ന്​ ചോദിക്കാൻ വര​െട്ട.

കോവിഡ്​ വ്യാപന ഭീതിയിൽ കഴിയുന്ന ദക്ഷിണാഫ്രിക്കയിലാണ്​ സംഭവം. രണ്ടാഴ്​ചയായി അവിടെ ലോക്​ഡൗണാണ്​. ആളുകൾ ഒരുമിച്ച്​ കൂടുന്ന പരിപാടികളൊന്നും നടത്തരുതെന്ന്​ കർശന നിർദേശമുണ്ട്​. അതിനിടയിലാണ്​ 48 കാരനായ ജബുലാനിയും 38 കാരിയായ നൊമ്​താൻദാസോയും ആളുകളെ ക്ഷണിച്ച്​ വിവാഹം നടത്തിയത്​.

ഏപ്രിൽ 16 ന്​ ആണ്​ ദക്ഷിണാഫ്രിക്കയിൽ ലോക്​ഡൗൺ അവസാനിക്കുക. 1700 പേർക്കാണ്​ ഇവിടെ ഇതുവരെ കോവിഡ്​ സ്​ഥിരീകരിച്ചത്​. ആളുകൾ കൂടിച്ചേരുന്ന എല്ലാ പരിപാടികൾക്കും നിയന്ത്രണം ഏർപ്പെടുത്തിയിട്ടുണ്ട്​.

നവദമ്പതികളെ കൂടാതെ പുരോഹിതനും അമ്പതോളം അതിഥികളുമാണ്​ പൊലീസി​​െൻറ പിടിയിലായത്​. അറസ്​റ്റിലായവരെല്ലാം ജാമ്യം നേടിയിട്ടുണ്ടെങ്കിലും നവദമ്പതികളുടെ മധുവിധു കാലം കോടതി നടപടികളാൽ സജീവമാകാനാണ്​ സാധ്യത.