Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightലിബിയക്കെതിരെ ഈജിപ്ത്;...

ലിബിയക്കെതിരെ ഈജിപ്ത്; സൈനിക നീക്കത്തിന് സീസിയുടെ നിർദേശം

text_fields
bookmark_border
ലിബിയക്കെതിരെ ഈജിപ്ത്; സൈനിക നീക്കത്തിന് സീസിയുടെ നിർദേശം
cancel

കൈറോ: രാജ്യത്തിന് അകത്തും പുറത്തുമായുള്ള ഏത് സൈനിക നീക്കത്തിനും തയാറെടുക്കാൻ ഈജിപ്ത് പ്രസിഡന്‍റ് അബ്​ദുൽ ഫത്താഹ് സീസിയുടെ നിർദേശം. അയൽരാജ്യമായ ലിബിയയിലെ സംഘർഷത്തിന്‍റെ പശ്ചാത്തലത്തിൽ രാജ്യ സുരക്ഷ മുൻനിർത്തിയാണ് ഒരുക്കം നടത്താൻ സൈനിക വിഭാഗങ്ങൾക്ക് സീസി നിർദേശം നൽകിയത്.

ലിബിയയുമായി 1200 കിലോമീറ്റർ പടിഞ്ഞാറൻ അതിർത്തി പങ്കിടുന്ന ഈജിപ്തിലെ വ്യോമതാവളത്തിൽ സന്ദർശനം നടത്തവെയാണ് അബ്​ദുൽ ഫത്താഹ് സീസി ഇക്കാര്യം വ്യക്തമാക്കിയത്. പറന്നുയരുന്ന യുദ്ധവിമാനങ്ങളും ഹെലികോപ്ടറുകളും സീസി നിരീക്ഷിക്കുന്നതിന്‍റെ ദൃശ്യങ്ങളും ദേശീയ ടെലിവിഷൻ ശനിയാഴ്ച സംപ്രേക്ഷണം ചെയ്തിരുന്നു.

ലിബിയയിൽ യു.എൻ പിന്തുണയുള്ള ഭരണകൂടവും കിഴക്കൻ ലിബിയ ആസ്​ഥാനമായുള്ള ഖലീഫ ഹഫ്​തറിന്‍റെ ലിബിയൻ നാഷനൽ ആർമിയുമായുള്ള (എൽ.എൻ.എ) ഏറ്റുമുട്ടൽ തുടരുന്ന സാഹചര്യത്തിലാണ് സീസിയുെട പുതിയ തീരുമാനം.

ഹഫ്​തറിന്‍റെ ലിബിയൻ നാഷനൽ ആർമിയെ ഈജിപ്ത്, റഷ്യ, യു.എ.ഇ എന്നീ രാജ്യങ്ങൾ പിന്തുണക്കുന്നുണ്ട്. യു.എൻ പിന്തുണയുള്ള ഭരണകൂടത്തിനാണ് തുർക്കിയുടെ പിന്തുണ. തുർക്കിയുടെ പിന്തുണയിൽ 14 മാസത്തിന് ശേഷം ഹഫ്​തറിന്‍റെ ലിബിയൻ നാഷനൽ ആർമിയിൽ നിന്ന് തലസ്ഥാനമായ ട്രിപോളി ലിബിയൻ ഭരണകൂടം തിരിച്ചുപിടിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:EgyptTurkeyLibyaAbdel Fattah el-SisiKhalifa Haftar
News Summary - Abdel Fattah el-Sisi orders army to be ready for missions abroad
Next Story