യു.എസ്​ പിൻമാറ്റത്തോടെ അഫ്​ഗാനിലെ സ്​ഥിതി വഷളായി -അഷ്​റഫ്​ ഗനി

കാബൂൾ: സൈന്യത്തെ പിൻവലിക്കാനുള്ള യു.എസി​െൻറ ധിറുതിപിടിച്ച തീരുമാനം അഫ്​ഗാനിസ്​താനിലെ സുരക്ഷ പ്രശ്​നം വഷളാക്കിയെന്ന്​ പ്രസിഡൻറ്​ അഷ്​റഫ്​ ഗനി. പ്രതീക്ഷിക്കാതെ നിന്ന അവസരത്തിലാണ്​ താലിബാ​െൻറ തിരിച്ചടി.

എന്നാൽ, ആറുമാസത്തിനകം സ്​ഥിതിഗതികൾ നിയന്ത്രണത്തിലാക്കുമെന്നും പാർലമെൻറിനെ അഭിസംബോധന ചെയ്യവെ ഗനി അറിയിച്ചു.

ഈ മാസം അവസാനത്തോടെ അവസാന സൈനികനെയും അഫ്​ഗാൻ മണ്ണിൽനിന്ന്​ പിൻവലിക്കാനാണ്​ യു.എസി​െൻറ തീരുമാനം. നിലവിൽ അഫ്​ഗാനിലെ മൂന്നു പ്രവിശ്യതലസ്​ഥാനങ്ങൾ താലിബാൻ കൈയടക്കിക്കഴിഞ്ഞു. താലിബാനും അഫ്​ഗാൻ സർക്കാറും തമ്മിലുള്ള സമാധാന ചർച്ചകൾ കഴിഞ്ഞ വർഷം ഖത്തറിൽ നടന്നിരുന്നുവെങ്കിലും പുരോഗതിയുണ്ടായില്ല. താലിബാ​​​െൻറ മുന്നേറ്റം ചെറുക്കാനുള്ള സുരക്ഷ പദ്ധതികളും ഗനി പാർലമെൻറിൽ അവതരിപ്പിച്ചു. എന്നാൽ ഇതി​െൻറ വിശദാംശം പുറത്തുവിട്ടിട്ടില്ല.

പടിഞ്ഞാറൻ അഫ്​ഗാനിലും തെക്കൻ മേഖലയിൽ മൂന്നു പ്രവിശ്യകളിലും സുരക്ഷ സേനയും താലിബാനും തമ്മിൽ കനത്ത​ പോരാട്ടമാണ്​ നടക്കുന്നത്​. സ്​പിൻ ബോൾഡക്​ നഗരത്തിൽ തദ്ദേശവാസികളെ പോലും വെറുതെ വിടാത്ത താലിബാൻ യുദ്ധക്കുറ്റമാണ്​ നടത്തിയതെന്ന്​ യു.എസും ബ്രിട്ടനും ആരോപിച്ചു. പാക്​-അഫ്​ഗാൻ അതിർത്തിയിലെ ഈ നഗരം താലിബാൻ പിടിച്ചെടുത്തിരുന്നു.

നിരപരാധികളെ കൂട്ടക്കൊല ചെയ്യുന്ന നടപടിയിൽ നിന്ന്​ പിൻമാറിയില്ലെങ്കിൽ രാജ്യം ഭരിക്കാനുള്ള അർഹതയും താലിബാനുണ്ടാകില്ലെന്ന്​ യു.എസും ബ്രിട്ടനും മുന്നറിയിപ്പു നൽകി. ഇവിടെ ചുരുങ്ങിയത്​ 40 പേരാണ്​ താലിബാ​െൻറ ആക്രമണത്തിൽ ​െകാല്ലപ്പെട്ടത്​.