ട്രംപ്​ പരാജയം അംഗീകരിക്കേണ്ട സമയം, ഫലം മാറിമറിയാൻ യാതൊരു സാധ്യതയുമില്ല -ഒബാമ

വാഷിങ്​ടൺ: യു.എസ്​ പ്രസിഡൻറ്​ ഡോണൾഡ്​ ട്രംപ്​ ത​െൻറ പരാജയവും ​പ്രസിഡൻറായി തെരഞ്ഞെടുക്ക​െപ്പട്ട ജോ ബൈഡ​െൻറ വിജയവും അംഗീകരിക്കേണ്ട സമയമാണിതെന്ന്​ മുൻ അമേരിക്കൻ പ്രസിഡൻറ്​ ബറാക്ക് ഒബാമ. തെരഞ്ഞെടുപ്പ്​ ഫലം മാറിമറിയാൻ മറ്റു സാധ്യതകൾ ഇല്ലെന്നും ഒബാമ പറഞ്ഞു.

സി.ബി.എൻ.എസ്​ ന്യൂസിന്​ നൽകിയ അഭിമുഖത്തിലാണ്​ ഒബാമയുടെ പ്രതികരണം. ട്രംപ്​ തെര​ഞ്ഞെടുപ്പ്​ ഫലം അംഗീകരിക്കേണ്ട സമയമായി. കണക്കു​കളിലേക്ക്​ നോക്കു​േമ്പാൾ ജോ ബൈഡൻ മേൽക്കൈ നേടിയത്​ കാണാനാകും. ഈ സംസ്​ഥാനങ്ങളിൽ തെരഞ്ഞെടുപ്പ്​ ഫലം മാറിമറിയാൻ യാതൊരു സാധ്യതയുമില്ല -ഒബാമ പറഞ്ഞു.

കഴിഞ്ഞ ദിവസം ഡോണൾഡ്​ ട്രംപ്​ ജോ ​ൈബഡൻ വിജയിച്ചതായി അംഗീകരിക്കുകയും തെരഞ്ഞെടുപ്പിൽ കൃത്രിമം കാണിച്ചുവെന്ന്​ ആരോപിക്കുകയും ചെയ്​തിരുന്നു. തൊട്ടുപിന്നാലെ വ്യാജമാധ്യമങ്ങളുടെ കണ്ണിൽ മാത്രമാണ്​ ബൈഡ​ൻ വിജയിചതെന്നും ഒന്നും സമ്മതിക്കുന്നില്ലെന്നും ട്രംപ്​ ട്വിറ്ററിൽ കുറിച്ചിരുന്നു.

232 ​ഇലക്​ടറൽ വോട്ടുകൾ നേടിയ ഡോണൾഡ്​ ട്രംപ്​ ത​െൻറ പരാജയം അംഗീകരിക്കാൻ തയാറായിരുന്നില്ല. പെൻസൽവേനിയ, ​നെവാഡ, മിഷിഗൺ, ജോർജിയ, അരിസോണ എന്നിവിടങ്ങളിലെ ജോ ബൈഡ​െൻറ വിജയത്തെ വെല്ലുവിളിക്കുകയും വിസ്​കോസിനിലെ ബാലറ്റുകൾ വീണ്ടും എണ്ണണമെന്ന ആവശ്യം ഉന്നയിക്കുകയും ചെയ്​തു.

ഈ സംസ്​ഥാനങ്ങളിലെല്ലാം വോ​ട്ടെടുപ്പിൽ കൃത്രിമം നടന്നുവെന്നും തെരഞ്ഞെടുപ്പിനെ അട്ടിമറിച്ചെന്നും ട്രംപ്​ ആരോപിച്ചിരുന്നു. 538 ഇലക്​ടറൽ കോളജ്​​ വോട്ടുകളിൽ 306 ഇലക്​ടറൽ വോട്ടുകളാണ്​ ബൈഡ​ൻ നേടിയത്​. 270 നേടിയാൽ ​പ്രസിഡൻറ്​ സ്​ഥാനത്തേക്ക്​​ തെരഞ്ഞെടുക്ക​െപ്പടും.