ന്യൂയോർക്കിൽ അതിർത്തി ലംഘിച്ച്​ പറന്ന ചെറുവിമാനം തടഞ്ഞു

ന്യൂയോർക്​: ന്യൂയോർക്​ നഗരത്തി​െൻറ പരിധിയിൽ വിമാനങ്ങൾക്ക്​ താൽക്കാലികമായി വിലക്ക്​ ഏർപ്പെടുത്തിയ മേഖലയിലെത്തിയ യു.എസ്​ സൈനിക അക്കാദമിയുടെ ഉടമസ്​ഥതയിലുള്ള ചെറുവിമാനം തടഞ്ഞു.

യു.എസ്​ പ്രസിഡൻറ്​ ജോ ബൈഡൻ യു.എൻ പൊതുസഭയെ അഭിസംബോധന ചെയ്​ത ദിവസമായിരുന്നു​ സംഭവം. ചൊവ്വാഴ്​ച ഉച്ച​ രണ്ടുമണിക്കാണ്​ സംഭവമെന്ന്​ ഫെഡറൽ വ്യോമയാന വിഭാഗം അറിയിച്ചു. എഫ്​-16 യുദ്ധവിമാനമാണ്​​ ചെറുവിമാനം തടഞ്ഞുനിർത്തിയത്​.

തിങ്കളാഴ്​ച വൈകീട്ട്​ മുതൽ ചൊവ്വാഴ്​ച വൈകീട്ടുവരെയാണ്​ മേഖലയിൽ വിമാനങ്ങൾക്ക്​ സഞ്ചാരനിയന്ത്രണം ഏർപ്പെടുത്തിയത്​.