യു.എന്നിൽ ഗു​ട്ടെറസി​െൻറ എതിരാളിയാകാൻ ഇന്ത്യൻ വംശജ

യുനൈറ്റഡ്​ നാഷൻസ്​: യു.എൻ സെക്രട്ടറി ജനറൽ സ്​ഥാനത്തേക്ക്​ രണ്ടാമൂഴം തേടിയിറങ്ങുന്ന അ​േൻറാണിയോ ഗു​ട്ടെറസിന്​ എതിരാളിയായി മത്സരിക്കാൻ സന്നദ്ധത അറിയിച്ച്​ ഇന്ത്യൻ വംശജയായ അറോറ ആകാങ്ക്​ഷ. നിലവിൽ യുനൈറ്റഡ്​ നാഷൻസ്​ ഡെവലപ്​മെൻറ്​ പ്രോഗ്രാമി​െൻറ (യു.എൻ.ഡി.പി) ഓഡിറ്റ്​ കോ-ഓർഡിനേറ്ററാണീ 34 കാരി.

മത്സരാർഥിയാകുന്നതി​െൻറ ഭാഗമായി പ്രചാരണം തുടങ്ങിയതായും അറോറ അറിയിച്ചു. 75 വർഷമായി ഐക്യരാഷ്​ട്ര സഭക്ക്​ വാഗ്​ദാനങ്ങൾ പാലിക്കാൻ സാധിച്ചിട്ടില്ല. സംഘടനയുടെ മാനുഷിക സഹായം ഏറ്റവും കുറഞ്ഞനിലയിലാണ്​. യു.എന്നിൽ കാതലായ മാറ്റങ്ങൾ കൊണ്ടുവരുകയാണ്​ ലക്ഷ്യമെന്ന്​ അറോറ പ്രചാരണത്തി​െൻറ ഭാഗമായി പുറത്തിറക്കിയ വിഡിയോയിൽ പറയുന്നു. കഴിഞ്ഞമാസമാണ്​ ഗു​ട്ടെറസ്​ സെക്രട്ടറി ജനറൽ സ്​ഥാനത്തേക്ക്​ രണ്ടാമതും മത്സരിക്കാൻ സന്നദ്ധത അറിയിച്ചത്​. ഈ വർഷം 31നാണ്​ അദ്ദേഹത്തി​െൻറ കാലാവധി അവസാനിക്കുക.