ഇൻറർനെറ്റിന്​ വേഗം പോരാ; പരാതി നൽകാൻ 7.25 ലക്ഷത്തി​െൻറ പരസ്യവുമായി 90 കാരൻ

കാല​ി​േഫാർണിയ: ഇൻറർനെറ്റിന്​ വേഗം പോരെന്ന്​ പരാതി പറഞ്ഞ്​ മടുക്കാത്തവർ കുറവായിരിക്കും. പക്ഷേ, പരാതി എത്തേണ്ടിടത്ത്​ എത്തുന്നുവെന്ന്​ ഉറപ്പാക്കാൻ വൻതുക ചെലവഴിച്ച്​ പരസ്യം നൽകിയ വൃദ്ധനാണിപ്പോൾ അമേരിക്കയിൽ താരം. കാലിഫോ

ർണിയ സ്വദേശിയായ ആരോൺ ഇപ്​സ്​റ്റീൻ എന്ന 90കാരനാണ്​ മുൻനിര പത്രമായ വാൾ സ്​ട്രീറ്റ്​ ജേണലി​െൻറ ന്യൂയോർക്​ എഡീഷനിൽ 10,099 ഡോളർ (ഏകദേശം 7.25 ലക്ഷം രൂപ) നൽകി വലിയ പരസ്യം ചെയ്​തത്​. ഇൻറർനെറ്റ്​ കമ്പനിയുടെ ഓഫീസ്​ സ്​ഥിതി ചെയ്യുന്ന ന്യൂയോർക്​ നഗരത്തിൽതന്നെയായാൽ പരസ്യം കുറിക്കുകൊള്ളുമെന്നായിരുന്നു ആരോണി​െൻറ കണക്കുകൂട്ടൽ. എ.ടി ആൻറ്​ ടി എന്ന കമ്പനിയായിരുന്നു ഇൻറർനെറ്റ്​ സേവന ദാതാവ്​. 80 വർഷമായി ഇവരുടെ ടെലഫോൺ സേവനമാണ്​ ഉപയോഗിക്കുന്നതും. ഇൻറർനെറ്റ്​ തകരാർ സംബന്ധിച്ച്​ പലവുരു പരാതി നൽകിയിട്ടും എത്തേണ്ടിടത്ത്​ എത്തുന്നില്ലെന്ന്​ കണ്ടായിരുന്നു കടുത്ത നടപടി. പരസ്യത്തിലെ വരികൾ ഇങ്ങനെ:

''മിസ്​റ്റർ സ്​റ്റാൻകി, ഇലക്​ട്രോണിക്​ വാർത്താവിനിമയ രംഗത്ത്​ മേലാളരെന്ന്​ സ്വയം മേനി പറയുന്നവരാണ്​ എ.ടി. ആൻറ്​ ടി. കമ്പനി. എന്നാൽ, നോർത്ത്​ ഹോളിവുഡ്​, സി.എ 91607ൽ വസിക്കുന്നവർക്ക്​ നിർഭാഗ്യമാകാൻ അത്​ വൻദുരന്തമാണ്​. ഞങ്ങൾക്ക്​ ഏറ്റവും പുതിയ സാ​ങ്കേതികതകൾക്കൊപ്പം സഞ്ചരിക്കേണ്ടതുണ്ട്​. എ.ടി. ആൻറ്​ ടി. കമ്പനിക്ക്​ അത്​ നൽകാനാവുമെന്ന്​ ഞങ്ങ ൾ കരുതി. സെക്കൻഡിൽ 100 മെഗാബൈറ്റ്​ വരെ വേഗം കമ്പനി പരസ്യം ചെയ്യുന്നുവെങ്കിലും ലഭ്യമാകുന്ന ഏറ്റവും ഉയർന്ന വേഗം മൂന്ന്​ എം.ബി.എസ്​ മാത്രം. എതിരാളികളായ മറ്റു കമ്പനികൾക്ക്​ 200 എം.ബി.എസ്​ വരെ ഉള്ളപ്പോഴാണിത്​''..

കാലിഫോർണിയ സംസ്​ഥാനക്കാരനാണെങ്കിലും നിക്ഷേപക കമ്പനി ആസ്​ഥാനത്ത്​ വിവരം എത്താൻ പരസ്യം ന്യൂയോർകിൽ തന്നെ വരണമെന്ന്​ തീരുമാനിക്കുകയായിരുന്നു.

പരസ്യം ശരിക്കും വിജയം കണ്ടതായും ആരോൺ പറയുന്നു. പത്ര പരസ്യം കണ്ട കമ്പനി സി.ഇ.ഒ ജോൺ സ്​റ്റാൻകി നേരിട്ട്​ വിളിച്ച്​ പ്രശ്​നം അടിയന്തരമായി പരിഹരിക്കുമെന്ന്​ ഉറപ്പ്​ നൽകിയത്രെ.

സംഭവശേഷം ഇൻറർനെറ്റ്​ വേഗം കൂട്ടാൻ കണക്​റ്റിവിറ്റി ഫൈബറിലേക്ക്​ മാറിയതായും നാട്ടുകാർ പറയുന്നു. ഇത്​ കമ്പനി നേരത്തെ പദ്ധതിയിട്ടതാണെങ്കിലും നടപടി വേഗത്തിലാക്കാൻ പരസ്യം സഹായകമായ സന്തോഷത്തിലാണ്​ ആരോൺ ഇപ്​സ്​റ്റീൻ.