യു.എസിൽ വെടിയേറ്റ് കിടപ്പിലായ ഫലസ്തീനിക്ക് പിരിച്ചെടുത്തത് 9,50,000 ഡോളർ

വാഷിങ്ടൺ: യു.എസ് നഗരമായ വെർമണ്ടിൽ വംശീയാക്രമണത്തിനിരയായ മൂന്നു ഫലസ്തീനികളിൽ പക്ഷാഘാതംവന്ന് കിടപ്പിലായ യുവാവിനായി പിരിച്ചെടുത്തത് 950,000 ഡോളർ (7.92 കോടി രൂപ). വെടിയേറ്റ് നെഞ്ചിനു താഴേക്ക് പൂർണമായി തളർന്നുപോയ ഹിശാം അവർത്തനിക്കായി കുടുംബം ശനിയാഴ്ച ആരംഭിച്ച ഓൺലൈൻ ധനശേഖരണത്തിനാണ് മികച്ച പ്രതികരണം.

കുട്ടിക്കാല സുഹൃത്തുക്കളായ കിന്നൻ അബ്ദുൽ ഹമീദ്, തഹ്സീൻ അലി അഹ്മദ് എന്നിവർക്കൊപ്പം നടക്കവെയാണ് ജാസൺ ജെ. ഈറ്റൺ എന്നയാൾ വെടിവെച്ചത്. യു.​എ​സി​ലെ വെ​ർ​മ​ണ്ട് യൂ​നി​വേ​ഴ്സി​റ്റി കാ​മ്പ​സ് പ​രി​സ​ര​ത്താ​യിരുന്നു സംഭവം. ഫ​ല​സ്തീ​നി​ വേ​ഷ​മാ​യ ക​ഫി​യ്യ ധ​രി​ച്ച് അ​റ​ബി​യി​ൽ സം​സാ​രി​ച്ച് നീ​ങ്ങു​ന്ന​തി​നി​ടെ​യാ​ണ് അ​ക്ര​മി വെ​ടി​യു​തി​ർ​ത്ത​ത്. ഓ​ടി​ര​ക്ഷ​പ്പെ​ട്ട പ്ര​തി​യെ പി​ന്തു​ട​ർ​ന്ന പൊ​ലീ​സ് ഇ​യാ​ളു​ടെ വീ​ട്ടി​ൽ​വെ​ച്ചാ​ണ് ക​സ്റ്റ​ഡി​യി​ലെ​ടു​ത്ത​ത്.