പാകിസ്താനിൽ ചാ​വേർ ആക്രമണം: ഒമ്പതു പൊലീസുകാർ കൊല്ലപ്പെട്ടു

ഇസ്‍ലാമാബാദ്: തെക്കുപടിഞ്ഞാറൻ പാകിസ്താനിൽ ചാ​വേർ ആക്രമണത്തിൽ ഒമ്പതു പൊലീസുകാർ കൊല്ലപ്പെട്ടു. നിരവധി പേർക്ക് പരിക്കേറ്റു. പൊലീസ് ട്രക്കിലേക്ക് ചാവേർ മോട്ടോർ ​സൈക്കിൾ ഓടിച്ചു കയറ്റിയാണ് ആക്രമണം നടത്തിയത്.

ക്വട്ടയിൽ നിന്ന് 160 കിലോ മീുറ്റർ അകലെ സിബ്ബിയിലാണ് ആക്രമണം. ട്രക്കിന്റെ പിറകിൽ നിന്നാണ് ചാവേർ മോട്ടോർ ​സൈക്കിൾ ഇടിച്ചു കയറ്റിയതെന്ന് പൊലീസ് പറഞ്ഞു. ആക്രമണത്തിൽ പരിക്കേറ്റവരെ സമീപത്തെ ആശുപത്രിയിലേക്ക് മാറ്റി.

ഒരാഴ്ച നീണ്ട കന്നുകാലി പ്രദർശനത്തിന് സുരക്ഷ ഒരുക്കിയ ശേഷം മടങ്ങുന്ന പൊലീസുകാർക്ക് നേരെയാണ് ആക്രമണമുണ്ടായത്.