Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightജോ ബൈഡന്​ 78; വൈറ്റ്​ ...

ജോ ബൈഡന്​ 78; വൈറ്റ്​ ഹൗസിലെത്താൻ പോകുന്നത്​ ഏറ്റവും പ്രായമേറിയ പ്രസിഡൻറ്​

text_fields
bookmark_border
Joe Biden
cancel

വാഷിങ്​ടൺ: നിയുക്​ത അമേരിക്കൻ പ്രസിഡൻറ്​ ജോ ബൈഡൻ ഇന്ന്​ 78ആം പിറന്നാൾ ആഘോഷിച്ചു. ജനുവരി 20ന്​ അദ്ദേഹം സ്ഥാനമേൽക്കുന്നതോടെ അമേരിക്കൻ ചരിത്രത്തിലെ ഏറ്റവും പ്രായമേറിയ അമേരിക്കൻ പ്രസിഡൻറ്​ എന്ന റെക്കോർഡും അദ്ദേഹത്തി​െൻറ പേരിലാകും. പ്രസിഡൻറ്​ പദവിയിലെത്തിയ ഏറ്റവും പ്രായമേറിയ വ്യക്​തി ഇതുവരെ ഡോണൾഡ്​ ട്രംപായിരുന്നു. സത്യപ്രതിജ്ഞ ചെയ്യുമ്പോൾ 70 വയസായിരുന്നു ട്രംപി​െൻറ പ്രായം.

തെരഞ്ഞെടുപ്പ്​ പ്രചാരണങ്ങളിൽ തന്നെക്കാൾ നാല്​ വയസ്സ്​ കൂടുതലുള്ള ബൈഡനെ ട്രംപ് പലപ്പോഴായി​ കടന്നാക്രമിച്ചത്​ പ്രായം എടുത്തുപറഞ്ഞുകൊണ്ടായിരുന്നു. ബൈഡനെ 'ഉറക്കംതൂങ്ങി ജോ' എന്ന ഇരട്ടപ്പേരിലായിരുന്നു ട്രംപ്​ അഭിസംബോധന ചെയ്യാറുള്ളത്​. എന്നാൽ, പ്രായം ഒരുപാടായെങ്കിലും അമേരിക്കയെ നയിക്കുന്നതിന്​ തനിക്ക്​ അതൊരു തടസ്സമല്ലെന്നാണ്​ ബൈഡൻ പറയുന്നത്​. ഇപ്പോഴും പൂർണ്ണ ആരോഗ്യവാനാണെന്നും അദ്ദേഹം പറഞ്ഞു.

1980ൽ ഒാഫീസിലെത്തിയ റൊണാൾഡ്​ റീഗനായിരുന്നു ട്രംപിന്​ മുമ്പ്​ ഏറ്റവും പ്രായമേറിയ അമേരിക്കൻ പ്രസിഡൻറ്​. 69 വയസായിരുന്നു അദ്ദേഹത്തിന്​. 43ആം വയസിൽ പ്രസിഡൻറായ ജോൺ എഫ്​. കെന്നഡിയാണ്​ തെരഞ്ഞെടുക്കപ്പെട്ട​ ഏറ്റവും പ്രായം കുറഞ്ഞ പ്രസിഡൻറ്​​. 1963 നവംബർ 22ന്​ അദ്ദേഹം കൊല്ലപ്പെടു​േമ്പാൾ അദ്ദേഹത്തിന്​ 46 വയസായിരുന്നു. അതേസമയം, വില്യം മക്കിൻലിയുടെ മരണത്തിന്​ ശേഷം അധികാരത്തിലെത്തിയ തിയോഡോർ റൂസ്​വെൽറ്റിന്​ 42 വയസായിരുന്നു പ്രായം.

Show Full Article
TAGS:Joe Biden 
Web Title - 78-year-old Biden to be oldest US president to take office
Next Story