ബുർകിനഫാസോയിൽ തട്ടിക്കൊണ്ടുപോയ 66 പേരെയും മോചിപ്പിച്ചു

ഉവാഗദൗഗു: ദരിദ്ര ആഫ്രിക്കൻ രാജ്യമായ ബുർകിനഫാസോയിൽ തീവ്രവാദികൾ തട്ടിക്കൊണ്ടുപോയ വനിതകളും കുട്ടികളുമടക്കമുള്ള 66 പേരെ സൈന്യം മോചിപ്പിച്ചതായി റിപ്പോർട്ട്. നാല് പിഞ്ചുകുഞ്ഞുങ്ങളടക്കം 39 കുട്ടികളാണ് തട്ടിക്കൊണ്ടുപോയവരിലുള്ളത്. രാജ്യത്തിന്റെ വടക്കുള്ള സഹേൽ മേഖലയിൽ സൗം പ്രവിശ്യയിലെ അർബിന്ദ പട്ടണത്തിന് സമീപം ഭക്ഷണത്തിന് കാട്ടുപഴങ്ങൾ ശേഖരിക്കുകയായിരുന്നു ഇവർ. ഈ മാസം 12നും 13നുമാണ് സംഭവം.