ഈജിപ്​തിൽ ട്രെയിനുകൾ കൂട്ടിയിടിച്ച്​ 32 മരണം; 66 പേർക്ക്​ പരിക്ക്​

കയ്​റോ: അപ്പർ ഈജിപ്​തിലെ സൊഹാഗ്​ ഗവർണറേറ്റിൽ തഹ്​തയിലുണ്ടായ ട്രെയിൻ ദുരന്തത്തിൽ 32 മരണം. വെള്ളിയാഴ്ചയാണ്​ രണ്ടു ​ട്രെയിനുകൾ കൂട്ടിയിടിച്ചത്​. രക്ഷാ ദൗത്യം പു​േരാഗമിക്കുകയാണ്​. 2002ൽ 373 പേരുടെ ദാരുണ മരണത്തിനിടയാക്കിയ ദുരന്തത്തിനു ശേഷം രാജ്യം സാക്ഷ്യം വഹിക്കുന്ന വലിയ ​​ട്രെയിൻ അപകടമാണിത്​. അന്ന്​ നിറയെ യാത്രക്കാരുമായി പോയ ട്രെയിൻ കത്തിയമരുകയായിരുന്നു.

മോശം കാലാവസ്​ഥയിൽ സിഗ്​നൽ പ്രവർത്തിക്കാത്തതാണ്​ അപകടത്തിനിടയാക്കിയ​െതന്നാണ്​ അധികൃതരുടെ വിശദീകരണം.

ഈജിപ്​തിന്‍റെ ഓരംപറ്റി പോകുന്ന സൂയസ്​ കനാലിൽ കപ്പൽ കാറ്റിലുലഞ്ഞ്​ മണ്ണിലമർന്നത്​ രാജ്യത്തെ പ്രതിസന്ധിയുടെ മുഖത്തുനിർത്തിയ ഘട്ടത്തിലാണ്​ മറ്റൊരു വൻഅപകടം. നിരവധി ​കമ്പാർട്​മെന്‍റുകൾ തലകീഴായി മറിഞ്ഞതാണ്​ ഇത്തവണ മരണസംഖ്യ ഉയർത്തിയത്​.