പെറുവിൽ ബസ് അപകടം; 24 പേർ മരിച്ചു

ലിമ: പെറുവിൽ ബസ് പാറക്കെട്ടിലിടിച്ച് മറിഞ്ഞ് 24 പേർ മരിച്ചു. വടക്കുപടിഞ്ഞാറൻ പെറുവിലെ ഓർഗാനോസിൽ ശനിയാഴ്ച പുലർച്ചയാണ് അപകടം. ലിമയിൽ നിന്നും തുംബെസിലേക്ക് 60 യാത്രക്കാരുമായി പോയ ബസ്സാണ് അപകടത്തിൽപ്പെട്ടത്.

'ഡെവിൾസ് കർവ്' എന്നറിയപ്പെടുന്ന സ്ഥത്താണ് അപകടമുണ്ടായതെന്ന് പ്രദേശിക മാധ്യമങ്ങൾ റിപ്പോർട്ട് ചെയ്തു. പരിക്കേറ്റവർ ആശുപത്രിയിൽ ചികിത്സയിലാണ്. യാത്രക്കാരിൽ ഹെയ്തിയിൽ നിന്നുള്ളവരും ഉൾപ്പെടുന്നതായി അധികൃതർ അറിയിച്ചു.