യു​ക്രെ​യ്നി​ൽ റ​ഷ്യ​ൻ ഷെ​ല്ലാ​ക്ര​മ​ണ​ത്തി​ൽ ഏ​ഴു​മ​ര​ണം; മ​രി​ച്ച​വ​രി​ൽ 23 ദി​വ​സം പ്രാ​യ​മാ​യ പെ​ൺ​കു​ഞ്ഞും

കി​യ​വ്: യു​​ക്രെ​യ്നി​ലെ തെ​ക്ക​ൻ ഖെ​ർ​സോ​ൻ മേ​ഖ​ല​യി​ൽ ഞാ​യ​റാ​ഴ്ച റ​ഷ്യ​ൻ ഷെ​ല്ലാ​ക്ര​മ​ണ​ത്തി​ൽ ഏ​ഴു​പേ​ർ കൊ​ല്ല​പ്പെ​ട്ടു. മ​രി​ച്ച​വ​രി​ൽ 23 ദി​വ​സം​ പ്രാ​യ​മാ​യ പെ​ൺ​കു​ഞ്ഞു​മു​ൾ​പ്പെ​ടു​മെ​ന്ന് യു​ക്രെ​യ്ൻ ആ​ഭ്യ​ന്ത​ര മ​​ന്ത്രാ​ല​യം അ​റി​യി​ച്ചു.

നൈ​പ്രോ ന​ദീ​തീ​ര​ത്തെ ശി​രോ​ക ബാ​ൽ​ക ഗ്രാ​മ​ത്തി​ൽ റ​ഷ്യ​ൻ സേ​ന ന​ട​ത്തി​യ ഷെ​ല്ലാ​ക്ര​മ​ണ​ത്തി​ലാ​ണ് ചോ​ര​പ്പൈ​ത​ലു​ൾ​പ്പെ​ടെ കു​ടും​ബം ഒ​ന്നാ​കെ കൊ​ല്ല​പ്പെ​ട്ട​ത്. ഭാ​ര്യ​യും ഭ​ർ​ത്താ​വും 12 വ​യ​സ്സു​ള്ള മ​ക​നും 23 ദി​വ​സം പ്രാ​യ​മാ​യ പെ​ൺ​കു​ഞ്ഞു​മാ​ണ് ഈ ​വീ​ട്ടി​ലു​ണ്ടാ​യി​രു​ന്ന​ത്. സ​മീ​പ ​ഗ്രാ​മ​മാ​യ സ്റ്റാ​ന​സ്ലാ​വി​ൽ ഷെ​ല്ലാ​ക്ര​മ​ണ​ത്തി​ൽ ര​ണ്ടു​പേ​ർ കൊ​ല്ല​പ്പെ​ട്ടു. ഇ​വി​ടെ ഒ​രു സ്ത്രീ​ക്ക് പ​രി​ക്കു​ണ്ട്.

നൈ​പ്രോ ന​ദി​യു​ടെ കി​ഴ​ക്ക​ൻ തീ​ര​ത്ത് റ​ഷ്യ​ൻ നി​യ​ന്ത്ര​ണ​ത്തി​ലു​ള്ള ഖെ​ർ​സോ​ൻ മേ​ഖ​ല​യു​ടെ ഭാ​ഗ​ത്ത് യു​ക്രെ​യ്ൻ സേ​ന എ​ത്തി​യെ​ന്ന അ​ഭ്യൂ​ഹ​ങ്ങ​ളെ പി​ന്തു​ണ​ക്കു​ന്ന ത​ര​ത്തി​ൽ യു​ക്രെ​യ്ൻ ഉ​പ പ്ര​തി​രോ​ധ​മ​ന്ത്രി ഹ​ന്ന മാ​ലി​യ​ർ ന​ട​ത്തി​യ പ്ര​സ്താ​വ​ന​യെ​ത്തു​ട​ർ​ന്നാ​ണ് റ​ഷ്യ​ൻ ഷെ​ല്ലാ​ക്ര​മ​ണം. ഖെ​ർ​സോ​ൻ പ്ര​വി​ശ്യ​യി​ൽ ശ​നി​യാ​ഴ്ച​യു​ണ്ടാ​യ റ​ഷ്യ​ൻ ആ​ക്ര​മ​ണ​ത്തി​ൽ മൂ​ന്നു​പേ​ർ​ക്ക് പ​രി​ക്കേ​റ്റ​താ​യി ഗ​വ​ർ​ണ​ർ ഒ​ല​ക്സാ​ണ്ട​ർ പ്രൊ​കു​ഡി​ൻ പ​റ​ഞ്ഞു.

അ​തി​നി​ടെ, രാ​ജ്യ​ത്തി​ന്റെ തെ​ക്ക​ൻ മേ​ഖ​ല​യി​ൽ മു​ന്നേ​റ്റം ന​ട​ത്തി​യ സൈ​ന്യം തെ​ക്ക​ൻ സ​പോ​ർ​ഷ്യ ​മേ​ഖ​ല​യി​ലെ നി​ർ​ണാ​യ​ക​ഗ്രാ​മം ഉ​ൾ​പ്പെ​ടെ​യു​ള്ള​വ കീ​ഴ​ട​ക്കി​യ​താ​യി യു​ക്രെ​യ്ൻ സേ​ന അ​വ​കാ​ശ​പ്പെ​ട്ടു. സ​പോ​ർ​ഷ്യ​യി​ലെ ത​ന്ത്ര​പ്ര​ധാ​ന​മാ​യ റോ​ബോ​ട്ടി​നെ മേ​ഖ​ല​യി​ൽ ഭാ​ഗി​ക​വി​ജ​യം നേ​ടി​യ​താ​യി യു​ക്രെ​യ്ൻ സേ​ന ​അ​റി​യി​ച്ചു. മെ​ലി​റ്റോ​പോ​ൾ മേ​ഖ​ല തി​രി​ച്ചു​പി​ടി​ക്കാ​ൻ തെ​ക്ക​ൻ ഭാ​ഗ​ത്തേ​ക്ക് യു​ക്രെ​യ്ൻ സൈ​ന്യ​ത്തി​ന് നീ​ങ്ങാ​നു​ള്ള നി​ർ​ണാ​യ​ക പ്ര​ദേ​ശ​മാ​ണി​ത്. ഇ​വി​ടെ ചി​ല പ്ര​ദേ​ശ​ങ്ങ​ൾ മോ​ചി​പ്പി​ച്ച​താ​യും പ്ര​തി​രോ​ധ​സേ​ന ശ്ര​മം തു​ട​രു​ക​യാ​ണെ​ന്നും യു​​ക്രെ​യ്ൻ സേ​ന​യു​ടെ തെ​ക്ക​ൻ മേ​ഖ​ല ക​മാ​ൻ​ഡ​ർ ജ​ന​റ​ൽ ഒ​ല​ക്സാ​ണ്ട​ർ ട​ർ​ണാ​വ്സ്കി പ​റ​ഞ്ഞു.

അ​തേ​സ​മ​യം, ബെ​ൽ​​ഗൊ​റോ​ഡ് മേ​ഖ​ല​യി​ൽ ര​ണ്ടും സ​മീ​പ​ത്തെ കു​ർ​സ്കി​ൽ ഒ​ന്നും വീ​തം ഡ്രോ​ണു​ക​ളെ വ്യോ​മ പ്ര​തി​രോ​ധ സം​വി​ധാ​നം വെ​ടി​വെ​ച്ച് വീ​ഴ്ത്തി​യ​താ​യി റ​ഷ്യ​ൻ സൈ​ന്യം അ​റി​യി​ച്ചു. യു​ക്രെ​യ്ൻ അ​തി​ർ​ത്തി​യോ​ട് ചേ​ർ​ന്നാ​ണ് ര​ണ്ട് പ്ര​ദേ​ശ​ങ്ങ​ളു​മു​ള്ള​ത്