കൊളംബിയയിൽ ബസ് മറിഞ്ഞ് 20 പേർ മരിച്ചു,15 പേർക്ക് പരിക്ക്

ബൊഗട്ട: തെക്ക് പടിഞ്ഞാറൻ കൊളംബിയയിൽ ബസ് മറിഞ്ഞ് 20 പേർ മരിച്ചു.15 പേർക്ക് പരിക്കേറ്റു. തുമാകോയിൽ നിന്ന് യാത്രക്കാരുമായി പോയ ബസ് മൂടൽമഞ്ഞുള്ള പ്രദേശത്തെ വളവ് ഇറങ്ങുന്നതിനിടെ ബ്രേക്ക് നഷ്ടമായാണ് അപകടത്തിൽപെട്ടതെന്ന് പൊലീസ് പറഞ്ഞു.

മൂന്നും എട്ടും വയസ്സുള്ള കുട്ടികളും മരിച്ചവരിൽ ഉൾപ്പെടുന്നു. പൊലീസും, അഗ്നിശമനസേനയും ഒമ്പത് മണിക്കൂർ രക്ഷാപ്രവർത്തനം നടത്തിയാണ് ദൗത്യം പൂർത്തിയാക്കിയത്.