പാകിസ്താനിൽ മിനിബസ് കൊക്കയിൽ വീണ് 11 കുട്ടികൾ ഉൾപ്പെടെ 20 മരണം

ഇസ്‍ലാമാബാദ്: ദക്ഷിണ പാകിസ്താനിൽ മിനിബസ് കൊക്കയിൽ വീണ് 11 കുട്ടികൾ ഉൾപ്പെടെ 20 പേർ മരിച്ചു. രണ്ടിനും എട്ടിനും ഇടയിൽ പ്രായമുള്ള കുട്ടികളും ഇവരുടെ രക്ഷിതാക്കളുമാണ് മരിച്ചത്. 14 പേർക്ക് പരിക്കേറ്റു. വ്യാഴാഴ്ച രാത്രി സിന്ധ് പ്രവിശ്യയിലെ സഹ്‍വാൻ ശരീഫ് നഗരത്തിനടുത്താണ് അപകടം.

വളവിൽ ഡ്രൈവർ ട്രാഫിക് അടയാളം കാണാതെ വാഹനം 25 അടി താഴ്ചയിലേക്ക് കൂപ്പുകുത്തുകയായിരുന്നു. തകരാറിലായ ഹൈവേകളും അശ്രദ്ധമായ ഡ്രൈവിങ്ങും കാരണം പാകിസ്താനിൽ വാഹനാപകടനിരക്ക് കൂടുതലാണ്.