ഗ്ലാസ്​ഗോ ഉച്ചകോടിക്ക്​ തുടക്കം

ഗ്ലാസ്​ഗോ: അന്തരീക്ഷ താപനില 1.5 ഡിഗ്രി സെൽഷ്യസ്​ ആയി പരിമിതപ്പെടുത്താനും കാലാവസ്​ഥ വ്യതിയാനം ചെറുക്കാനുമുള്ള നടപടികൾ തേടി 26ാം യു.എൻ കാലാവസ്​ഥ ഉച്ചകോടിക്ക്​ സ്​കോട്​ലൻഡിലെ ഗ്ലാസ്​ഗോയിൽ തുടക്കം. നവംബർ 12 നാണ്​ ഉച്ചകോടി സമാപിക്കുന്നത്​.

പാരീസ്​ ഉടമ്പടി അടക്കം മുൻ ഉച്ചകോടികളിൽ കൈക്കൊണ്ട തീരുമാനങ്ങൾ നടപ്പാക്കാൻ ഓരോ രാജ്യങ്ങളും സ്വീകരിച്ച നടപടികൾ ഗ്ലാസ്​ഗോ ഉച്ചകോടി ചർച്ചചെയ്യും. പാരിസ്​ ഉടമ്പടിയിലെ നിർദേശപ്രകാരം താപനില നിയന്ത്രിക്കാനുള്ള നടപടികൾ ഇത്തവണ സ്വീകരിച്ചേക്കും. 2050 ഓടെ കാർബൺ പുറന്തള്ളൽ അവസാനിപ്പിക്കുമെന്ന്​ 50 ലേറെ രാജ്യങ്ങൾ പ്രതിജ്ഞ ചെയ്​തിട്ടുണ്ട്​. നവംബർ 12 വരെയാണ്​ ഉ​ച്ചകോടി.

കാലാവസ്​ഥ വ്യതിയാനത്തിന്​ പരിഹാരം കാണാൻ ഏറ്റവും മികച്ച അവസരമാണ്​ ഉച്ചകോടിയിലൂടെ കൈവന്നിരിക്കുന്നതെന്നും പരിഹാരമാർഗം നമ്മുടെ കൈകളിലാണെന്നും​ ബ്രിട്ടീഷ്​ പ്രധാനമന്ത്രി ബോറിസ്​ ജോൺസൺ പറഞ്ഞു.

കൽക്കരി ഇന്ധന ഉപയോഗം 2024 ഓടെ പൂർണമായി നിർത്താനാണ്​ ബ്രിട്ട​െൻറ തീരുമാനം. 2050 ഓടെ കാർബൺ വാതകം പുറന്തള്ളുന്നത്​ പൂജ്യമായി കുറക്കാൻ ലോകത്തിലെ സമ്പദ്​ രാജ്യങ്ങൾ കഴിവി​െൻറ പരമാവധി കാര്യങ്ങൾ ചെയ്യണമെന്നും ബോറിസ്​ ജോൺസൺ ആവശ്യപ്പെട്ടു.