Top
Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightകനത്ത...

കനത്ത മഴ:വെള്ളപ്പൊക്കത്തിൽ 13 നിർമാണത്തൊഴിലാളികൾ മരിച്ചു

text_fields
bookmark_border
കനത്ത മഴ:വെള്ളപ്പൊക്കത്തിൽ 13 നിർമാണത്തൊഴിലാളികൾ മരിച്ചു
cancel

ഗുവാങ്‌ഡോംഗ്: ചൈനയിലെ ഗുവാങ്‌ഡോംഗിൽ വെള്ളപ്പൊക്കത്തിൽ 13 നിർമാണത്തൊഴിലാളികൾ മരിച്ചു.

ദേശീയപാതയ​ിൽ തുരങ്ക നിർമ്മാണത്തിലേർപ്പെട്ടവരാണ്​ മരിച്ചത്​. 2019 ആരംഭിച്ച തുരങ്കം നിർമ്മാണ പ്രവൃത്തിയാണിത്​. ഈ വർഷം പ്രവൃത്തി പൂർത്തിയാകാനിരിക്കെയാണ്​ ദുരന്തമുണ്ടായത്​.

ഇതേസമയം, മധ്യ ചൈനയിലെ ഹെനാൻ പ്രവിശ്യയിൽ പെയ്ത മഴയിൽ മരിച്ചവരുടെ എണ്ണം 25 ആയി ഉയർന്നു. ഏഴ് പേരെ കാണാതായി. ഇതുവരെ 1,00,000 പേരെ സുരക്ഷിത സ്ഥലങ്ങളിലേക്ക് മാറ്റി പാർപ്പിച്ചു. 160 ലധികം ട്രെയിനുകൾ ഷെങ്‌ഷൂഡോംഗ് റെയിൽവേ സ്റ്റേഷനിൽ സർവീസ് നിർത്തിയിരിക്കയാണ്​, ഇത്​, ധാരാളം യാത്രക്കാരെ പ്രയാസത്തിലാക്കി.

60 വർഷത്തിനിടയിലെ ഏറ്റവും ശക്തമായ മഴയാണിവിടെയുള്ളത്​. പേമാരിയെ തുടർന്ന്​, വെള്ളപ്പൊക്കം, വൈദ്യുതി മുടക്കം, ഗതാഗത തടസ്സം എന്നിവ അനുഭവിക്കുകയാണ്​. നഗരത്തിൽ റെഡ് അലർട്ട് നൽകിയിട്ടുണ്ട്. മാത്രമല്ല, അടിയന്തര പ്രതികരണ രക്ഷാപ്രവർത്തനം ആരംഭിച്ച് വെള്ളപ്പൊക്ക ദുരിതാശ്വാസ സംഘത്തെ ഹെനാനിലേക്ക് അയച്ചിട്ടുണ്ട്.

വെള്ളപ്പൊക്കം 11.3 ദശലക്ഷം യുഎസ് ഡോളർ നഷ്ടം വരുത്തിയതായാണ്​ പ്രാഥമിക വിലയിരുത്തൽ. അടുത്ത 24 മണിക്കൂറിനുള്ളിൽ കനത്ത മഴ പ്രവിശ്യയെ ബാധിക്കുമെന്നാണ് അധികൃതർ പറയുന്നത്​.

Show Full Article
TAGS:flooded Guangdong province 
News Summary - 13 construction workers die in flooded tunnel in China's Guangdong province
Next Story