Begin typing your search above and press return to search.
exit_to_app
exit_to_app
china pipeline
cancel
Homechevron_rightNewschevron_rightWorldchevron_rightവാതക​ പൈപ്പ്​...

വാതക​ പൈപ്പ്​ പൊട്ടിത്തെറിച്ച്​ 12 മരണം; 138 പേർക്ക്​ പരിക്ക്

text_fields
bookmark_border

ബീജിങ്​: മധ്യ ചൈനയിൽ വാതക പൈപ്പ് പൊട്ടിത്തെറിച്ച് 12 പേർ കൊല്ലപ്പെടുകയും 138 പേർക്ക് പരിക്കേൽക്കുകയും ചെയ്തതായി ദേശീയ മാധ്യമമായ സി.സി.ടി.വി റിപ്പോർട്ട് ചെയ്​തു. ഹുബെ പ്രവിശ്യയിലെ ഷിയാൻ നഗരത്തിലാണ്​ വമ്പൻ സ്​ഫോടനം ഉണ്ടായത്​.

അപകടത്തെത്തുടർന്ന് 150ലധികം പേരെ പ്രദേശത്തുനിന്ന്​ ഒഴിപ്പിച്ചു. പരിക്കേറ്റവരിൽ 37 പേരുടെ നില ഗുരുതരമാണ്​. ഞായറാഴ്​ച പ്രാദേശിക സമയം രാവിലെ ആറരയോടെയാണ്​ സംഭവം. സ്‌ഫോടനത്തിൽ ഇവിടത്തെ മാർക്കറ്റ്​ കെട്ടിടം തകർന്നുവെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്​തു.

സംഭവസമയം ഇവിടെ ആളുകൾ പ്രഭാതഭക്ഷണവും പലചരക്ക് സാധനങ്ങളും വാങ്ങുകയായിരുന്നു. ഇവരാണ്​ ദുരന്തത്തിൽപ്പെട്ടത്. നിരവധി പേർ കെട്ടിടത്തിനടിയിൽ കുടുങ്ങിക്കിടക്കുകയാണെന്ന് മുനിസിപ്പൽ അധികൃതർ നേരത്തെ അറിയിച്ചിരുന്നു. തുടർന്ന്​ ഇവരെയെല്ലാം രക്ഷാപ്രവർത്തകർ പുറത്തെടുത്ത്​ ആശുപത്രിയിലെത്തിച്ചു.

പലരുടെയും നില ഗുരുതരമായതിനാൽ പ്രദേശത്തുള്ളവരോട്​ അടിയന്തരമായിരക്​തം ദാനം ചെയ്യാൻ ഷിയാനിലെ ആശുപത്രികൾ അഭ്യർഥിച്ചിട്ടുണ്ട്​. അപകട കാരണം അന്വേഷിക്കുകയാണെന്ന് അധികൃതർ അറിയിച്ചു.

Show Full Article
TAGS:gas pipeline explosion 
News Summary - 12 killed in gas pipeline explosion; 138 people were injured
Next Story