അഫ്ഗാൻ പള്ളിയിൽ സ്ഫോടനം: 10 മരണം

കാബൂൾ: അഫ്ഗാനിസ്താൻ തലസ്ഥാനമായ കാബൂളിലെ പള്ളിയിൽ സ്ഫോടനം. 10 പേർ കൊല്ലപ്പെടുകയും 20 പേർക്ക് പരിക്കേൽക്കുകയും ചെയ്തതായി താലിബാൻ വക്താവ് അറിയിച്ചു. ഖലിഫ ആഗാ ഗുൽ ജാൻ പള്ളിയിൽ ജുമുഅക്കായി നൂറുകണക്കിനാളുകൾ സമ്മേളിച്ചപ്പോഴാണ് സ്ഫോടനം നടന്നത്. പരിക്കേറ്റവരുടെ നില ഗുരുതരമായതിനാൽ മരണസംഖ്യ ഉയരാനാണ് സാധ്യത. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.