വടക്കൻ ഗസ്സയിൽ 10 ഇസ്രായേൽ സൈനികർ​ കൊല്ലപ്പെട്ടു; അവകാശവാദങ്ങൾക്കിടെ ഞെട്ടലായി വൻ സൈനിക നഷ്ടം

ഗ​സ്സ: വ​ട​ക്ക​ൻ ഗ​സ്സ​യി​ൽ ര​ണ്ട് സീ​നി​യ​ർ ക​മാ​ൻ​ഡ​ർ​മാ​ർ അ​ട​ക്കം 10 സൈ​നി​ക​ർ കൊ​ല്ല​പ്പെ​ട്ട​താ​യി ഇ​സ്രാ​യേ​ൽ സ്ഥി​രീ​ക​രി​ച്ചു. ഹ​മാ​സ് ന​ട​ത്തി​യ ഒ​ളി​യാ​ക്ര​മ​ണ​ത്തി​ൽ ഷു​ജാ​ഇ​യ​യി​ൽ ഒ​മ്പ​തു​പേ​രും മ​റ്റി​ട​ത്ത് ഒ​രാ​ളു​മാ​ണ് കൊ​ല്ല​പ്പെ​ട്ട​ത്. 21 പേ​ർ​ക്ക് പ​രി​ക്കേ​റ്റി​ട്ടു​മു​ണ്ട്. ഇ​വ​രി​ൽ നാ​ലു പേ​രു​ടെ നി​ല അ​തി​ഗു​രു​ത​ര​മാ​ണെ​ന്നും ഇ​സ്രാ​യേ​ൽ സൈ​ന്യം അ​റി​യി​ച്ചു. ജാ​ഇ​യ്യ​യി​ലെ ഖ​സ​ബ മേ​ഖ​ല​യി​ൽ നേ​രി​ട്ടു​ള്ള യു​ദ്ധ​ത്തി​നി​ടെ​യാ​യി​രു​ന്നു ഒ​മ്പ​ത് ഇ​സ്രാ​യേ​ൽ സൈ​നി​ക​ർ കൊ​ല്ല​പ്പെ​ട്ട​ത്. ഹ​മാ​സ് പോ​രാ​ളി​ക​ൾ പി​ൻ​വാ​ങ്ങി​യ കെ​ട്ടി​ട​ത്തി​ൽ വി​ഡി​യോ നി​രീ​ക്ഷ​ണ​ത്തി​ന്റെ അ​ക​മ്പ​ടി​യോ​ടെ വീ​ടു​ക​ൾ തോ​റും തി​ര​ച്ചി​ൽ ന​ട​ത്താ​നാ​യെ​ത്തി​യ ഗോ​ലാ​നി ബ്രി​ഗേ​ഡി​ലെ ല​ഫ്. കേ​ണ​ൽ തോ​മ​ർ ഗ്രീ​ൻ​ബ​ർ​ഗി​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഒ​ളി​യാ​ക്ര​മ​ണ​ത്തി​നി​ര​യാ​യ​ത്.

ആ​ദ്യ​സം​ഘം ഇ​സ്രാ​യേ​ൽ സൈ​നി​ക​ർ അ​ക​ത്തു​ക​യ​റി​യ​തോ​ടെ നേ​ര​ത്തെ സ്ഥാ​പി​ച്ച സ്ഫോ​ട​ക​വ​സ്തു പൊ​ട്ടി​ത്തെ​റി​ക്കു​ക​യാ​യി​രു​ന്നു. ആ​ൾ​നാ​ശ​മ​റി​യാ​തെ ഉ​ള്ളി​ൽ കു​ടു​ങ്ങി​യ​വ​രെ ര​ക്ഷ​പ്പെ​ടു​ത്താ​ൻ അ​ടു​ത്ത സം​ഘം എ​ത്തി​യ​തും വീ​ണ്ടും ഉ​ഗ്ര​സ്ഫോ​ട​ന​മു​ണ്ടാ​യി. ഒ​രു കേ​ണ​ലും നാ​ലു മേ​ജ​ർ​മാ​രു​മ​ട​ക്കം ഒ​മ്പ​തു മ​ര​ണ​ത്തി​നു​പു​റ​മെ ര​ണ്ടു ഡ​സ​നി​ലേ​റെ സൈ​നി​ക​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. ഇ​തി​ൽ പ​ല​രു​ടെ​യും നി​ല ഗു​രു​ത​ര​മാ​ണ്. സ്ഫോ​ട​ക വ​സ്തു​ക്ക​ൾ പൊ​ട്ടി​ത്തെ​റി​ച്ച​തി​നു​പു​റ​മെ ഗ്ര​നേ​ഡു​ക​ളും സ്ഫോ​ട​ക വ​സ്തു​ക്ക​ളും കൊ​ണ്ടും ആ​ക്ര​മ​ണ​മു​ണ്ടാ​യി. മ​രി​ച്ച​വ​രെ​യും പ​രി​ക്കേ​റ്റ​വ​രെ​യും പു​റ​ത്തെ​ടു​ക്കാ​നെ​ത്തി​യ മൂ​ന്നാം സം​ഘ​വും ആ​ക്ര​മി​ക്ക​പ്പെ​ട്ടു. സ​മീ​പ​ത്താ​യാ​ണ് മ​റ്റൊ​രു സൈ​നി​ക​നും കൊ​ല്ല​പ്പെ​ട്ട​ത്. വ​ട​ക്ക​ൻ ഗ​സ്സ​യി​ൽ ഹ​മാ​സി​നെ ഇ​ല്ലാ​താ​ക്കി​യെ​ന്നും യു​ദ്ധം ഏ​ക​ദേ​ശം പൂ​ർ​ത്തി​യാ​യെ​ന്നും ക​ഴി​ഞ്ഞ ദി​വ​സം ഇ​സ്രാ​യേ​ൽ പ്ര​തി​രോ​ധ മ​ന്ത്രി യൊ​ആ​വ് ഗാ​ല​ന്റ് അ​വ​കാ​ശ​പ്പെ​ട്ടി​രു​ന്നു. പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു സ്ഥി​രീ​ക​രി​ക്കു​ക​യും ചെ​യ്തു. തെ​ക്ക​ൻ ഗ​സ്സ​യി​ൽ ഖാ​ൻ യൂ​നു​സ് എ​ന്ന ക​ട​മ്പ കൂ​ടി പി​ന്നി​ട്ടാ​ൽ എ​ല്ലാം ശു​ഭ​മെ​ന്ന പ്ര​ചാ​ര​ണ​ങ്ങ​ൾ​ക്കി​ടെ​യാ​ണ് ഞെ​ട്ട​ലാ​യി 10 സൈ​നി​ക​രെ ഒ​റ്റ​നാ​ളി​ൽ ഇ​സ്രാ​യേ​ലി​ന് ന​ഷ്ട​മാ​യ​ത്.

ഒ​ക്ടോ​ബ​ർ ഏ​ഴി​നു​ശേ​ഷം ആ​ദ്യ​മാ​യാ​ണ് ഇ​ത്ര​യും സൈ​നി​ക​ർ ഒ​റ്റ നാ​ളി​ൽ കൊ​ല്ല​പ്പെ​ടു​ന്ന​ത്. അ​തി​നി​ടെ, തെ​ക്ക​ൻ ഗ​സ്സ​യി​ൽ ഖാ​ൻ യൂ​നു​സി​ലും പ​രി​സ​ര​ങ്ങ​ളി​ലും ക​ന​ത്ത ആ​ക്ര​മ​ണം തു​ട​രു​ക​യാ​ണ്. ഖു​സാ​അ, ബ​നീ സു​ലൈ, അ​ബ​സാ​ൻ അ​ൽ​ക​ബീ​റ, അ​ബ​സാ​ൻ അ​ൽ​സ​ഗീ​റ എ​ന്നി​വി​ട​ങ്ങ​ളി​ല​ട​ക്കം ക​ന​ത്ത ബോം​ബാ​ക്ര​മ​ണ​മു​ണ്ടാ​യി. ര​ണ്ടു മാ​സ​ത്തി​ലേ​റെ​യാ​യി തു​ട​രു​ന്ന വം​ശ​ഹ​ത്യ​യി​ൽ ഗ​സ്സ​യി​ൽ മാ​ത്രം 18,608 പേ​ർ കൊ​ല്ല​​പ്പെ​ട്ടി​ട്ടു​ണ്ട്. അ​ര​ല​ക്ഷ​ത്തി​ലേ​റെ പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.