യു.എസിൽ വീണ്ടും വിമാനാപകടം; സ്‌കോട്ട്‌സ്‌ഡെയ്ൽ വിമാനത്താവളത്തിൽ ജെറ്റ് വിമാനങ്ങൾ കൂട്ടിയിടിച്ച് ഒരു മരണം

സ്‌കോട്‌സ്‌ഡെയ്ൽ: അരിസോണയിലെ സ്‌കോട്ട്‌സ്‌ഡെയ്ൽ വിമാനത്താവളത്തിൽ ജെറ്റ് വിമാനങ്ങൾ കൂട്ടിയിടിച്ച് ഒരാൾ മരിച്ചു. മോട്ട്‌ലി ക്രൂ ഗായകൻ വിൻസ് നീലിന്‍റെ ഉടമസ്ഥതയിലുള്ള സ്വകാര്യ ജെറ്റ് വിമാനം മറ്റൊരു ജെറ്റ് വിമാനവുമായി കൂട്ടിയിടിക്കുകയായിരുന്നു. മറ്റ് യാത്രക്കാർക്ക് പരിക്കേറ്റു.

വിമാനത്താവളത്തിൽ ഇറങ്ങുന്നതിനിടെ റൺവേയിൽനിന്ന് തെന്നിമാറി പാർക്ക് ചെയ്തിരുന്ന മറ്റൊരു വിമാനവുമായി നീലിന്‍റെ സ്വകാര്യ ജെറ്റ് കൂട്ടിയിടിക്കുകയായിരുന്നുവെന്ന് നീലിന്‍റെ പ്രതിനിധി വോറിക് റോബിൻസൺ പറഞ്ഞു. അപകട സമയം ഗായകൻ വിമാനത്തിൽ ഉണ്ടായിരുന്നില്ല.

മൂന്നാഴ്ചക്കിടെ യു.​എ​സി​ലു​ണ്ടാ​കു​ന്ന നാലാമത്തെ വി​മാ​നാ​പ​ക​ട​മാ​ണി​ത്. അടുത്തിടെ പ​ടി​ഞ്ഞാ​റ​ൻ അ​ലാ​സ്ക​യി​ൽ​നി​ന്ന് കാ​ണാ​താ​യ യാ​ത്രാ​വി​മാ​നം ത​ണു​ത്തു​റ​ഞ്ഞ ക​ട​ലി​ൽ ത​ക​ർ​ന്ന നി​ല​യി​ൽ ക​ണ്ടെ​ത്തിയിരുന്നു. അപകടത്തിൽ വി​മാ​ന​ത്തി​ലു​ണ്ടാ​യി​രു​ന്ന 10 പേ​രും മ​രി​ച്ചു. വെ​ള്ളി​യാ​ഴ്ച​യാ​ണ് ക​ട​ലി​ൽ വി​മാ​നം ക​ണ്ടെ​ത്തി​യ​ത്. നോ​മി​ലേ​ക്കു​ള്ള യാ​ത്ര​ക്കി​ടെ​യാ​ണ് വി​മാ​നം കാ​ണാ​താ​യ​ത്. വി​മാ​ന​ത്തി​നാ​യി യു.​എ​സ് കോ​സ്റ്റ്ഗാ​ർ​ഡ് ഹെ​ലി​കോ​പ്ട​റു​ക​ൾ ഉ​ൾ​പ്പെ​ടെ ഉ​പ​യോ​ഗി​ച്ച് തി​ര​ച്ചി​ൽ ന​ട​ത്തി​യി​രു​ന്നു.

ഒ​മ്പ​ത് യാ​ത്ര​ക്കാ​രും പൈ​ല​റ്റു​മാ​ണ് ബെ​റി​ങ് എ​യ​റി​ന്റെ സെ​സ്ന കാ​ര​വ​ൻ വി​മാ​ന​ത്തി​ൽ ഉ​ണ്ടാ​യി​രു​ന്ന​ത്. യാ​ത്ര തു​ട​ങ്ങി ഒ​രു മ​ണി​ക്കൂ​റി​ന​കം വി​മാ​ന​വു​മാ​യു​ള്ള ബ​ന്ധം ന​ഷ്ട​മാ​വു​ക​യാ​യി​രു​ന്നു. തീ​ര​ത്തു​നി​ന്ന് 19 കി​ലോ​മീ​റ്റ​ർ അ​ക​ലെ​യാ​ണ് വി​മാ​നം ക​ണ്ടെ​ത്തി​യ​ത്.