Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_rightഅർജൻറീന വീണ്ടും...

അർജൻറീന വീണ്ടും വിജയവഴിയിൽ; നാലാം ജയവുമായി ബ്രസീൽ തന്നെ തലപ്പത്ത്​

text_fields
bookmark_border
അർജൻറീന വീണ്ടും വിജയവഴിയിൽ; നാലാം ജയവുമായി ബ്രസീൽ തന്നെ തലപ്പത്ത്​
cancel

മോണ്ടെവിഡിയോ: ലാറ്റിനമേരിക്കൻ മേഖലയിലെ ലോകകപ്പ്​ യോഗ്യത റൗണ്ട്​ പോരാട്ടങ്ങളിൽ കരുത്തരായ ബ്രസീലിനും അർജൻറീനക്കും ജയം. ബുധനാഴ്​ച പുലർച്ചെ നടന്ന മത്സരത്തിൽ ബ്രസീൽ യുറുഗ്വായ്​യെ 2-0ത്തിന്​ തോൽപിച്ചപ്പോൾ അർജൻറീന അതേ സ്​കോറിന്​ പെറുവിനെ മറികടന്നു.

ഇതോടെ നാല്​ മത്സരങ്ങളിൽ നാലും ജയിച്ച ബ്രസീൽ (12 പോയൻറ്​) പോയൻറ്​ പട്ടികയിൽ ഒന്നാം സ്​ഥാനം അരക്കിട്ടുറപ്പിച്ചു. 10 പോയൻറുമായി അർജൻറീന രണ്ടാം സ്​ഥാനത്താണ്​. നാല്​ മാസവും ഒരാഴ്​ചയും കഴിഞ്ഞ ശേഷമാകും ഇനി ബ്രസീലും യുറുഗ്വായ്​യും കളത്തിലിറങ്ങുക. മാർച്ച്​ 25ന്​ യുറുഗ്വായ്​ അർജൻറീനയെയും ബ്രസീൽ കെളംബിയയെയും നേരിടും.

നെയ്​മറില്ലാതെയും ജയിച്ചുകയറി ബ്രസീൽ

എതിരാളികളുടെ സ്വന്തം തട്ടകത്തിൽ ആർതറും റിച്ചാർലിസണുമാണ്​ ബ്രസീലിനായി വലചലിപ്പിച്ചത്​. ഇരു ടീമുകളിലും രണ്ട്​ സൂപ്പർതാരങ്ങളുടെ അഭാവമുണ്ടായിരുന്നു. പരിക്കേറ്റ സൂപ്പർതാരം നെയ്​മറില്ലാതെ ബ്രസീലും കോവിഡ്​ ബാധിതനായ ലൂയി സുവാരസില്ലാ​െത യുറുഗ്വായ്​യും കളത്തിലിറങ്ങിയത്​.

ആദ്യ പകുതിയിലായിരുന്നു ഇരുഗോളുകളും. രണ്ടാം പകുതിയിൽ സൂപ്പർ താരം എഡിൻസൺ കവാനി ചുവപ്പ്​ കാർഡ്​ കണ്ട്​ പുറത്തായതും ആതിഥേയർക്ക്​ നിരാശയായി. രണ്ടാം പകുതിയിൽ ഗോളുകളുടെ എണ്ണം വർധിപ്പിക്കാൻ സാധിച്ചില്ലെങ്കിലും എതിരാളികളെ ഗോളടിക്കാൻ വിടാതെ പിടിച്ചുകെട്ടാൻ ബ്രസീലിനായി.

തെക്കനമേരിക്കൻ മേഖലയിലെ ലോകകപ്പ് ഫുട്ബോൾ യോഗ്യതാ റൗണ്ടിൽ തുട‍ർച്ചയായ നാലാം ജയം ലക്ഷ്യമിട്ടാണ് ബ്രസീൽ എത്തിയത്​. നെയ്‌മറിനൊപ്പം ഫിലിപെ കൗടീന്യോ, ഫാബീഞ്ഞോ, എഡർ മിലിറ്റാവോ, കാസിമിറോ എന്നീ താരങ്ങളും ബ്രസീൽ നിരയിലുണ്ടായിരുന്നില്ല. ഇൗ താരങ്ങളുടെ അഭാവത്തിൽ വെനസ്വേലയ്‌ക്കെതിരെ വിയ‍ർത്ത ബ്രസീൽ ഒരുഗോളിനാണ് ജയിച്ചത്.

കൊളംബിയയെ എതിരില്ലാത്ത മൂന്ന് ഗോളിന് തകർത്തായിരുന്നു യുറുഗ്വായുടെ വരവ്​. ലൂയി സുവാരസ്​ പുറത്തായതോടെ എഡിൻസൺ കവാനിക്കൊപ്പം ഡാർവിൻ നൂനെസാണ്​ മുന്നേറ്റ നിരയിലെത്തിയത്​. പ്രതിരോധ നിലയിൽ അഗസ്​റ്റിൻ ഒലിവറോസ്​ അരങ്ങേറി.

4-3-3 ഫോർമേഷനിലാണ്​ കാനറികളെ ടിറ്റെ കളത്തിലിറക്കിയത്​. ഗബ്രിയേൽ ജീസസ്​, റോബർടോ ഫിർമിനോ, റിചാർലിസൺ എന്നിവരായിരുന്നു ഫോർവേഡ്​.

34ാം മിനിറ്റിൽ ആർതറാണ്​ ബ്രസീലിനായി ആദ്യം വലകുലുക്കിയത്​. വലത്​ വിങ്ങിൽ നിന്നും വന്ന ക്രോസ്​ യുറുഗ്വായ്​ ഡിഫൻഡർക്ക്​ ക്ലിയർ ചെയ്യാനാകാതെ വന്നതോടെ പുറത്തുണ്ടായിരുന്നു ആർതറി​െൻറ കാലിലെത്തി. ​േബാക്​സിലുണ്ടായിരുന്ന കളിക്കാർക്കിടയിലൂടെ പോസ്​റ്റ്​ ലക്ഷ്യമിട്ട ആർതറി​െൻറ ശ്രമം വിജയിച്ചു. ബ്രസീലിന്​ ലീഡ്​. ഗബ്രീയേൽ ജീസസി​േൻറതായിരുന്നു പാസ്​. താരത്തി​െൻറ ആദ്യ അന്താരാഷ്​ട്ര ഗോളായിരുന്നു ഇത്​.

ആദ്യ പകുതി അവസാനിക്കാൻ മിനിറ്റുകൾ മാത്രം ബാക്കി നിൽക്കേ റിച്ചാർലിസൺ രണ്ടാമത്തെ വെടിപൊട്ടിച്ചു. റെനാൻ ലോഡിയുടെ അസിസ്​റ്റിൽ ഹെഡ്ഡറിലൂടെയായിരുന്നു ഗോൾ. രണ്ടാം പകുതിയിൽ ബ്രസീലിനൊപ്പമെത്താൻ ആതിഥേയർക്കായില്ല.

71ാം മിനിറ്റിൽ സ്​റ്റാർ സ്​ട്രൈക്കർ എഡിൻസൺ കവാനി ചുവപ്പ്​്​ കാർഡ്​ കണ്ട്​ പുറത്തായതോടെ അവർ 10 പേരായി ചുര​ുങ്ങിയിരുന്നു. എന്നാൽ 76ാം മിനിറ്റിൽ യുറുഗ്വായ്​ പന്ത്​ വലയിലാക്കിയെങ്കിലും ഓഫ്​സൈഡിൽ കുരുങ്ങി. യുറുഗ്വായ്​ക്കെതിരെ തുടർച്ചയായി 11 മത്സരങ്ങളിൽ ബ്രസീൽ തോൽവിയറിഞ്ഞിട്ടില്ല. 2001ലാണ്​ യുറുഗ്വായ്​ അവസാനമായി ബ്രസീലിനെ തോൽപിച്ചത്​. 2018 ലോകകപ്പ്​ യോഗ്യത റൗണ്ടിൽ 12 മത്സരവിജയങ്ങളുമായി സമഗ്രാധിപത്യം സ്​ഥാപിച്ചിരുന്ന ബ്രസീൽ പതിവ്​ തുടരാനുള്ള ഒരുക്കത്തിലാണ്​.

അർജൻറീന വീണ്ടും വിജയവഴിയിൽ

നികോളസ്​ ഗോൺസാലസും ലോതറോ മാർടിനസും നേടിയ ഗോളുകളുടെ മികവിലാണ്​ അർജൻറീന 2-0ത്തിന്​ പെറുവിനെ തോൽപിച്ചു. 2004ന്​ ശേഷം അർജൻറീന ആദ്യമായാണ്​ പെറുവിൽ വിജയിക്കുന്നത്​. നാല്​ മത്സരങ്ങളിൽ നിന്ന്​ മൂന്ന്​ ജയവും ഒരു സമനിലയുമായി ബ്രസീലിന്​ പിന്നിൽ രണ്ടാം സ്​ഥാനത്താണ്​ അർജൻറീന. പാരാഗ്വായ്​ ആയിരുന്നു അർജൻറീനയെ സമനിലയിൽ കുരുക്കിയിരുന്നത്​.

പാരാഗ്വായ്​ക്കെതിരെ ലക്ഷ്യം കണ്ട ഗോൾസാലസ്​ തന്നെയാണ്​ ഇക്കുറിയും സ്​കോർബോർഡ്​ തുറന്നത്​. അഞ്ച്​ മത്സരത്തിൽ നിന്നും താരത്തി​െൻറ രണ്ടാമത്തെ ഗോളാണിത്​. 17ാം മിനിറ്റിൽ മികച്ച മുന്നേറ്റത്തിനൊടുവിൽ ജിയോവനി ലോ സെൽസോ കൈമാറിയ പന്ത്​ പവർഫുൾ ഫിനിഷിലൂടെ ഗോൺസാലസ്​ ഗോളാക്കിയപ്പോൾ ഗോളിക്ക്​ നോക്കി നിൽക്കാനേ സാധിച്ചുള്ളൂ.

ലിയാൻഡ്രോ പരേഡസ്​ നൽകിയ പന്തുമായി പെറുവി​െൻറ ഓഫ്​സൈഡ്​ കെണി അതിസമർഥമായി മറികടന്നാണ്​ മാർടിനസ്​ ടീമി​െൻറ ലീഡ്​ രണ്ടാക്കി ഉയർത്തിയത്​. രണ്ടാം പകുതിയിൽ തിരിച്ചടിക്കാനായി പെറു കിണഞ്ഞു ശ്രമിച്ചു. പക്ഷേ രണ്ടുഗോൾ ലീഡ്​ നേടിയതോടെ പ്രതിരോധത്തിലേക്ക്​ ഉൾവലിഞ്ഞ അർജൻറീനക്കാർ പെറു മുന്നേറ്റനിരയെ പൂട്ടി. സൂപ്പർതാരം ലയണൽ മെസ്സി ഗോൾപട്ടികയിൽ ഇടം നേടാൻ കിണഞ്ഞ്​ ശ്രമിച്ചു. ഒരു ശ്രമം കോർണറായി മാറിയപ്പോൾ ഒരു പെനാൽറ്റി അപ്പീൽ റഫറി അംഗീകരിച്ചില്ല. അവസാനം കളിച്ച മൂന്ന്​ മത്സരങ്ങളിൽ മെസ്സിക്ക്​ സ്​കോർ ചെയ്യാനായില്ല.

ലയണൽ സ്​കളോനിയുടെ ടീം 11 മത്സരങ്ങളായി തോൽവിയറിഞ്ഞിട്ട്​. കഴിഞ്ഞ വർഷത്തെ കോപ അമേരിക്കയിലാണ്​ അർജൻറീന അവസാനമായി തോറ്റത്​.

ഇക്വഡോറിനും വെനിസ്വേലക്കും ജയം

മറ്റ്​ മത്സരങ്ങളിൽ ഇക്വഡോർ 6-1ന്​ കൊളംബിയയെ തകർത്തു. വെനിസ്വേല 2-1ന്​ ചിലെയെ മറികടന്നപ്പോൾ പാരഗ്വായ്​യെ ബൊളീവിയ 2-2ന്​ സമനിലയിൽ കുരുക്കി.

Show Full Article
TAGS:world cup qualifiers brazil football argentina 
Next Story