എ​ന്തു​കൊ​ണ്ടാ​ണ് വിഴി​ഞ്ഞം പ​ദ്ധ​തി​ക്കെ​തി​രെ ന​ട​ക്കു​ന്ന സ​മ​ര​ത്തോ​ട് കേ​ര​ളം ചേ​ർ​ന്നു​നി​ൽ​ക്കേ​ണ്ട​ത്?; കെ.എ. ഷാജി എഴുതുന്നു

തി​രു​വ​ന​ന്ത​പു​രം വ​ലി​യ​തു​റ​യി​ലെ അ​പ്പ​ർ പ്രൈ​മ​റി സ്കൂ​ളി​ലേ​ക്ക് സം​സ്ഥാ​ന സെ​ക്ര​ട്ടേ​റി​യ​റ്റി​ൽ​നി​ന്ന്​ ക​ഷ്ടി അ​ഞ്ചു കി​ലോ​മീ​റ്റ​ർ ദൂ​രം മാ​ത്ര​മാ​ണു​ള്ള​ത്. കോ​വി​ഡ് അ​ട​ച്ചി​ട​ലു​ക​ൾ​ക്കു​ശേ​ഷം സം​സ്ഥാ​ന​മാ​കെ സ്കൂ​ളു​ക​ൾ തു​റ​ന്നി​ട്ടും ഇ​വി​ടെ അ​ക്കാ​ദ​മി​ക് പ്ര​വ​ർ​ത്ത​ന​ങ്ങ​ൾ ഇ​പ്പോ​ഴും ഭാ​ഗി​ക​മാ​യി മാ​ത്ര​മേ പു​ന​രാ​രം​ഭി​ച്ചി​ട്ടു​ള്ളൂ. സ്കൂ​ൾ എ​ന്ന​തി​ലു​പ​രി ക​ഴി​ഞ്ഞ അ​ഞ്ചു വ​ർ​ഷ​ങ്ങ​ളാ​യി അ​തൊ​രു ദു​രി​താ​ശ്വാ​സ ക്യാ​മ്പാ​ണ്.

വ​ലി​യ​തു​റ​യി​ലും പൂ​ന്തു​റ​യി​ലും ചു​റ്റു​പാ​ടു​മു​ള്ള ഇ​ത​ര മ​ത്സ്യ​ത്തൊ​ഴി​ലാ​ളി മേ​ഖ​ല​ക​ളി​ലും നി​ല​വി​ൽ അ​തി​വേ​ഗം ക​ട​ൽ​ക്ക​ര​യെ വി​ഴു​ങ്ങു​ക​യാ​ണ്. തീ​രം ഇ​ല്ലാ​താ​കു​ന്നു. വീ​ടു​ക​ളും വ​ല​യു​ണ​ക്കു​ന്ന സ്ഥ​ല​ങ്ങ​ളും ബോ​ട്ടു​ക​ൾ ക​യ​റ്റി​യി​ടു​ന്ന സ്ഥ​ല​ങ്ങ​ളും എ​ല്ലാം ക​ട​ലെ​ടു​ത്തു​കൊ​ണ്ടി​രി​ക്കു​ന്നു. വീ​ടും ഉ​പ​ജീ​വ​ന​വും ന​ഷ്ട​പ്പെ​ടു​ന്ന തീ​ര​ദേ​ശ സ​മൂ​ഹം സ​മീ​പ​ത്തെ സ്കൂ​ളു​ക​ളി​ലും ക​മ്യൂ​ണി​റ്റി സെ​ന്റ​റു​ക​ളി​ലും ഗോ​ഡൗ​ണു​ക​ളി​ലും ത​യാ​റാ​ക്കു​ന്ന ദു​രി​താ​ശ്വാ​സ ക്യാ​മ്പു​ക​ളി​ൽ ത​ള്ള​പ്പെ​ടു​ന്നു.

വ​ലി​യ​തു​റ​യി​ലെ സ്കൂ​ളി​ൽ 36 കു​ടും​ബ​ങ്ങ​ളാ​ണ് ഭാ​വി​യെ​പ്പ​റ്റി​യു​ള്ള ആ​ശ​ങ്ക​ക​ളു​മാ​യി ജീ​വി​ക്കു​ന്ന​ത്. അ​വി​ടെ മ​നു​ഷ്യ​ർ മാ​ത്ര​മ​ല്ല അ​ലീ​ന എ​ന്ന 15 വ​യ​സ്സു​കാ​രി പെ​ൺ​കു​ട്ടി വ​ള​ർ​ത്തു​ന്ന അ​വ​ളു​ടെ 40ലധി​കം പ്രാ​വു​ക​ളും അ​ഭ​യാ​ർ​ഥി​ക​ളാ​യു​ണ്ട്. പ്രാ​വ് പ​രി​ശീ​ല​ന​ത്തി​ൽ അ​ലീ​ന​ക്ക് ക​മ്പ​മു​ണ്ടാ​കു​ന്ന​ത് തീ​രെ ചെ​റി​യ കു​ട്ടി​യാ​യി​രി​ക്കു​മ്പോ​ഴാ​ണ്. അ​ന്ന് ക​ട​ലി​നോ​ടു ചേ​ർ​ന്ന് അ​വ​ൾ​ക്ക് സ്വ​ന്ത​മാ​യി വീ​ടു​ണ്ടാ​യി​രു​ന്നു. ആ ​വീ​ട് ക​ട​ലെ​ടു​ത്തു​പോ​യ​പ്പോ​ഴും പ്രാ​വു​ക​ളെ വി​ട്ടു​ക​ള​യാ​ൻ അ​വ​ൾ​ക്കു മ​ന​സ്സു​വ​ന്നി​ല്ല. സ്കൂ​ളി​ലെ അ​പ​ര്യാ​പ്ത​ത​ക​ളു​ടെ ഒ​രു കോ​ണി​ൽ അ​ലീ​ന​യു​ടെ പ്രാ​വു​ക​ളു​മു​ണ്ട്; തീ​ര​ദേ​ശ മ​നു​ഷ്യ​രെ​പ്പോ​ലെ പൊ​തു​സ​മൂ​ഹ​ത്തി​ന്റെ അ​വ​ഗ​ണ​ന​യും അ​ലം​ഭാ​വ​ങ്ങ​ളും നേ​രി​ട്ടു​കൊ​ണ്ട്.

വിഴിഞ്ഞം പദ്ധതിക്കെതിരെ ഉയരുന്ന പ്രതിഷേധം

അ​ലീ​ന​യെക്കു​റി​ച്ച് സം​സ്ഥാ​നം ഭ​രി​ക്കു​ന്ന മു​ഖ്യ​മ​ന്ത്രി​യോ മ​ന്ത്രി​മാ​രോ പ്ര​തി​പ​ക്ഷ നേ​താ​ക്ക​ളോ കേ​ട്ടി​ട്ടു​ണ്ടോ എ​ന്ന​റി​യി​ല്ല. ന​യ​ങ്ങ​ളും പ​രി​പാ​ടി​ക​ളും ത​യാ​റാ​ക്കു​ന്ന വ​രി​ഷ്ഠ ഉ​ദ്യോ​ഗ​സ്ഥവ​ർ​ഗ​വും കേ​ട്ടി​രി​ക്കി​ല്ല. ഇ​വ​രി​ൽനി​ന്നു​മൊ​ന്നും ഒ​ത്തി​രി അ​ക​ല​ത്തി​ല​ല്ല അ​ലീ​ന​യു​ടെ ക്യാ​മ്പ് എ​ന്നി​രി​ക്കി​ലും. കോ​ർ​പ​റേ​റ്റ് അ​ത്യാ​ർ​ത്തി​യു​ടെ​യും വ​ഴി​പി​ഴ​ച്ച വി​ക​സ​ന ന​യ​ങ്ങ​ളു​ടെ​യും ഇ​ര​ക​ളാ​യി മാ​റി വ​ർ​ഷ​ങ്ങ​ളാ​യി ക്യാ​മ്പു​ക​ളി​ൽ ക​ഴി​യേ​ണ്ടി​വ​രു​ന്ന തി​രു​വ​ന​ന്ത​പു​ര​ത്തെ തീ​ര​ദേ​ശ​ങ്ങ​ളി​ലെ നി​ർ​ഭാ​ഗ്യ​ജീ​വി​ത​ങ്ങ​ൾ അ​ധി​കാ​രി​ക​ളു​ടെ പ​രി​ഗ​ണ​നാ വി​ഷ​യ​ങ്ങ​ളി​ൽ ഇ​തു​വ​രെ വ​ന്നി​ട്ടി​ല്ല.

വ​ലി​യ​തു​റ​യി​ലെ സ​മു​ദ്രോ​ൽ​പ​ന്ന​ങ്ങ​ൾ സൂ​ക്ഷി​ക്കാ​ൻ നി​ർ​മി​ച്ച വെ​യ​ർ​ഹൗ​സ് ഇ​ന്ന് മ​റ്റൊ​രു ദു​രി​താ​ശ്വാ​സ ക്യാ​മ്പാ​ണ്. അ​വി​ടെ പോ​യാ​ൽ സ്കൂ​ളു​ക​ളി​ലെ ക്യാ​മ്പു​ക​ളാ​ണ് ഭേ​ദം എ​ന്ന് തോ​ന്നി​പ്പോ​കും. വെ​ന്റി​ലേ​ഷ​ൻ പോ​ലു​മി​ല്ല അ​വി​ടെ. ഓ​രോ മ​ഴ​ക്കാ​ല​ത്തും തി​രു​വ​ന​ന്ത​പു​രം തീ​ര​ത്ത് വീ​ടു​ന​ഷ്ട​പ്പെ​ടു​ന്ന​വ​രു​ടെ​യും ക്യാ​മ്പു​ക​ളി​ലാ​ക്ക​പ്പെ​ടു​ന്ന​വ​രു​ടെ​യും എ​ണ്ണം വ​ർ​ധി​ക്കു​ക​യാ​ണ്. ഭാ​വി​യെ​പ്പ​റ്റി അ​വ​ർ​ക്ക​റി​യി​ല്ല. ആ​രും പ​രി​ഹാ​രം പ​റ​ഞ്ഞു​കൊ​ടു​ക്കു​ന്നു​മി​ല്ല. ഇ​ക്കു​റി കാ​ല​വ​ർ​ഷം വ​രു​ന്ന​തി​നു മു​മ്പു​ള്ള വേ​ന​ൽ​മ​ഴ​ക​ളി​ൽത​ന്നെ തീ​രം ക​ട​ലെ​ടു​ത്തു തു​ട​ങ്ങി​യി​രു​ന്നു. നി​ല​വി​ൽ സ്ഥി​തി അ​തി​ദ​യ​നീ​യ​മാ​ണ്. ആ​ശ​ങ്ക​യു​ണ​ർ​ത്തു​ന്ന​തും.

തി​രു​വ​ന​ന്ത​പു​രം തീ​ര​ദേ​ശ​വാ​സി​ക​ളി​ൽ ന​ല്ലൊ​രു​പ​ങ്കും ല​ത്തീ​ൻ ക​ത്തോ​ലി​ക്കാ സ​ഭാ വി​ശ്വാ​സി​ക​ളാ​ണ്. അ​തു​കൊ​ണ്ട് ത​ന്നെ കു​റെ വൈ​കി​യെ​ങ്കി​ലും സ​ഭ ഈ ​സാ​മൂ​ഹി​ക​വും അ​തി​ജീ​വ​ന​പ​ര​വു​മാ​യ വി​ഷ​യം ഇ​പ്പോ​ൾ അ​തി​ശ​ക്ത​മാ​യി ഏ​റ്റെ​ടു​ത്തി​ട്ടു​ണ്ട്. മു​മ്പ്​ സം​സ്ഥാ​ന സെ​ക്ര​ട്ടേ​റി​യ​റ്റി​നു മു​ന്നി​ൽ അ​തി​ശ​ക്ത​വും വ്യ​ത്യ​സ്ത​വു​മാ​യ സ​മ​ര​ങ്ങ​ൾ സ​ഭ​യു​ടെ നേ​തൃ​ത്വ​ത്തി​ൽ ന​ട​ന്ന​പ്പോ​ൾ കാ​ണേ​ണ്ട​വ​ർ ക​ണ്ടി​ല്ല. സ​ർ​ക്കാ​ർ ഗൗ​നി​ച്ചു​മി​ല്ല. രാ​ഷ്ട്രീ​യ പാ​ർ​ട്ടി​ക​ളും മാ​ധ്യ​മ​ങ്ങ​ളും പോ​ലും സ​മ​ര​ത്തെ ക​ണ്ടി​ല്ലെ​ന്നു​ ന​ടി​ക്കു​ക​യാ​യി​രു​ന്നു. എ​ന്നാ​ൽ, ആ​ഗ​സ്റ്റ് 11ന് ​പ​ദ്ധ​തി​ക്കെ​തി​രെ തി​രു​വ​ന​ന്ത​പു​ര​ത്തെ ല​ത്തീ​ൻ പ​ള്ളി​ക​ളി​ൽ ക​രി​​ങ്കൊ​ടി ഉ​യ​രു​ക​യും തീ​ര​ദേ​ശ​വാ​സി​ക​ൾ പു​രോ​ഹി​ത​രു​ടെ നേ​തൃ​ത്വ​ത്തി​ൽ പ​ദ്ധ​തിനി​ർ​മാ​ണം ന​ട​ക്കു​ന്നി​ട​ത്തേ​ക്ക് മാ​ർ​ച്ച് ചെ​യ്യു​ക​യും നി​ർ​മാ​ണം ത​ട​സ്സ​പ്പെ​ടു​ത്തു​ക​യും ചെ​യ്ത​തോ​ടെ സ്ഥി​തി മാ​റി. പ​ദ്ധ​തിനി​ർ​വ​ഹ​ണം ത​ൽ​ക്കാ​ലം നി​ർ​ത്തി​വെ​ക്കു​ന്നു​വെ​ന്നാ​യി അ​ദാ​നി. മ​ന്ത്രി​മാ​രാ​യ അ​ഹ​മ്മ​ദ് ദേ​വ​ർ​കോ​വി​ലും ആ​ന്റ​ണി രാ​ജു​വും ആ​ദ്യം സ​മ​ര​ത്തെ അ​വ​ഹേ​ളി​ച്ചു എ​ങ്കി​ലും പി​ന്നീ​ട് തി​രു​ത്തി. സ​മ​ര​ക്കാ​ർ ഉ​യ​ർ​ത്തു​ന്ന പ​ല ആ​വ​ശ്യ​ങ്ങ​ളും അം​ഗീ​ക​രി​ക്ക​പ്പെ​ട്ടെ​ങ്കി​ലും നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ച്ച​തി​നു​ശേ​ഷം പ​ദ്ധ​തി​യു​ണ്ടാ​ക്കു​ന്ന സാ​മൂ​ഹി​ക​വും പാ​രി​സ്ഥി​തി​ക​വും അ​തി​ജീ​വ​ന​പ​ര​വു​മാ​യ വെ​ല്ലു​വി​ളി​ക​ൾ സ്വ​ത​ന്ത്ര​വും ശാ​സ്ത്രീ​യ​വും സ​മ​ഗ്ര​വും സ​ത്യ​സ​ന്ധ​വു​മാ​യ പ​ഠ​ന​ത്തി​ന് വി​ധേ​യ​മാ​ക്ക​ണ​മെ​ന്ന ആ​വ​ശ്യം പ​രി​ഗ​ണി​ക്ക​പ്പെ​ടാ​തെ നി​ൽ​ക്കു​ന്നു. സ​മ​ര​ക്കാ​ർ സ​മ​രം തു​ട​രു​ക​യും ചെ​യ്യു​ന്നു.

കേ​ര​ള​ത്തി​ന്റെ സ​മീ​പ ച​രി​ത്ര​ത്തി​ൽ വ​ലി​യൊ​രു പാ​രി​സ്ഥി​തി​ക​വും അ​തി​ജീ​വ​ന​പ​ര​വു​മാ​യ പ്ര​ശ്നം ഒ​രു മ​ത​നേ​തൃ​ത്വം ഏ​റ്റെ​ടു​ക്കു​ക​യും പു​രോ​ഹി​ത​ർ റോ​ഡി​ലി​റ​ങ്ങി സ​മ​രം ചെ​യ്യു​ക​യും ചെ​യ്യു​ന്ന​ത് ഒ​ര​പൂ​ർ​വ​ത​യാ​ണ്. മ​ത​സം​ഘ​ട​ന​ക​ൾ ഏ​ത് പ്ര​തി​ലോ​മ​പ​ര​മാ​യ ആ​വ​ശ്യ​ങ്ങ​ളു​മാ​യി സ​മ​ര​ത്തി​നി​റ​ങ്ങി​യാ​ലും മു​ന്നി​ൽ ചെ​ന്ന് ഓ​ച്ചാ​നി​ച്ചു​നി​ൽ​ക്കു​ന്ന​വ​രെ​യൊ​ന്നും തു​ട​ക്ക​ത്തി​ൽ കാ​ണാ​നി​ല്ലാ​യി​രു​ന്നു. അ​ദാ​നി​ക്കെ​തി​രാ​യ പ്ര​തി​ഷേ​ധം ആ​ളി​ക്ക​ത്തി​യ​പ്പോ​ൾ ല​ത്തീ​ൻ സ​ഭ​ക്കെ​തി​രെ ബി.​ജെ.​പി​യും കെ. ​സു​രേ​ന്ദ്ര​നും ന​ട​ത്തി​യ പ്ര​സ്താ​വ​ന ദു​രു​ദ്ദേ​ശ്യം നി​റ​ഞ്ഞ​തും ദു​ർ​വ്യാ​ഖ്യാ​നം ചെ​യ്യു​ന്ന​തു​മാ​യി​രു​ന്നു. അ​വി​ട​ങ്ങ​നെ എ​ന്തെ​ങ്കി​ലും പ്ര​ശ്ന​മു​ണ്ടെ​ങ്കി​ൽ അ​ന്വേ​ഷി​ക്കാ​മെ​ന്ന് മാ​ത്ര​മാ​ണ് മു​ഖ്യ​മ​ന്ത്രി സ​മ​രം തു​ട​ങ്ങു​മ്പോ​ൾ വാ​ർ​ത്താ​സ​മ്മേ​ള​ന​ത്തി​ൽ ഉ​യ​ർ​ന്ന ചോ​ദ്യ​ത്തോ​ട് പ്ര​തി​ക​രി​ച്ച​ത്. വ​ള്ള​വും വ​ല​യു​മാ​യി മ​ത്സ്യ​ത്തൊ​ഴി​ലാ​ളി​ക​ൾ സെ​ക്ര​ട്ടേ​റി​യ​റ്റി​നു മു​ന്നി​ൽ ന​ട​ത്തി​യ സ​മ​രം അ​ദ്ദേ​ഹം ക​ണ്ടി​ല്ല. സ്വ​ന്തം മൂ​ക്കി​ന് താ​ഴെ ഒ​രു തീ​രം ഇ​ല്ലാ​താ​കു​ന്ന​തും ജ​ന​ങ്ങ​ൾ നി​രാ​ലം​ബ​രാ​കു​ന്ന​തും അ​ദ്ദേ​ഹം അ​റി​ഞ്ഞി​ട്ടി​ല്ല. അ​ല്ലെ​ങ്കി​ൽ അ​ദ്ദേ​ഹ​ത്തോ​ട് ആ​രും പ​റ​ഞ്ഞി​ട്ടി​ല്ല. എ​ന്നാ​ൽ, ഇ​പ്പോ​ൾ ന​ട​ക്കു​ന്ന വ​ലി​യ സ​മ​ര വേ​ലി​യേ​റ്റം അ​ദ്ദേ​ഹ​ത്തി​ന്റെ​യും ക​ണ്ണു​ക​ൾ തു​റ​പ്പി​ച്ചി​രി​ക്കാം.

അ​ലീ​ന​യി​ലേ​ക്കു തി​രി​കെ​വ​രാം. അ​ലീ​ന ഒ​രു പ്ര​തീ​ക​മാ​ണ്. തി​ര​മാ​ല​ക​ളി​ൽ മു​ങ്ങി​പ്പോ​കു​ന്ന പ്ര​തീ​ക്ഷ​ക​ളു​ടെ പ്ര​തീ​കം. ത​ട്ടി​യെ​ടു​ക്ക​പ്പെ​ട്ട പ്ര​തീ​ക്ഷ​ക​ളു​ടെ പ്ര​തീ​കം. അ​വ​സാ​ന വ​ർ​ഷ സ്‌​കൂ​ൾ വി​ദ്യാ​ർ​ഥി​നി​യാ​യ അ​ലീ​ന​ക്ക് ത​ന്റെ പ്രാ​വു​ക​ളെ പ​തി​വാ​യി പ​രി​ച​രി​ക്കു​ക​യും അ​വ​ക്ക് വെ​ള്ള​വും പോ​ഷ​ക​സ​മൃ​ദ്ധ​മാ​യ ഭ​ക്ഷ​ണ​വും കൃ​ത്യ​മാ​യി ന​ൽ​കു​ക​യും വേ​ണം. പ​റ​ക്ക​ൽ മ​ത്സ​ര​ങ്ങ​ൾ​ക്കാ​യി പ​ക്ഷി​ക​ളെ ഒ​രു​ക്കാ​ൻ ധാ​രാ​ളം മു​ന്നൊ​രു​ക്കം വേ​ണം. അ​വ​യി​ന്നും അ​ലീ​ന വ​ലി​യ​തു​റ ക്യാ​മ്പി​ൽ ചെ​യ്തു​പോ​രു​ന്നു.

അ​വ​ളു​ടെ വീ​ട് കൈ​യ​ട​ക്കി​യ ക​ട​ൽ തി​രി​കെ പോ​കാ​ൻ ഒ​രു​ക്ക​മ​ല്ല. ഇ​പ്പോ​ഴാ​ക​ട്ടെ ക​ട​ൽ കു​റെ​ക്കൂ​ടി മു​ന്നോ​ട്ടു​വ​ന്നു​കൊ​ണ്ടി​രി​ക്കു​ന്നു. മു​മ്പെ​ന്ന​ത്തേ​തി​ലും പ്ര​ക്ഷു​ബ്ധ​മാ​യി അ​ത് ആ​ക്ര​മ​ണം തു​ട​രു​ന്നു. ത​ങ്ങ​ളു​ടെ ദു​രി​ത​ങ്ങ​ൾ ഇ​പ്പോ​ഴും പ​രി​ഹാ​ര​മി​ല്ലാ​തെ തു​ട​രു​ന്ന​ത് സം​ബ​ന്ധി​ച്ച ചോ​ദ്യ​ങ്ങ​ൾ​ക്ക് അ​ലീ​ന​ക്കും കു​ടും​ബ​ത്തി​നും ഒ​രു​ത്ത​ര​മേ​യു​ള്ളൂ. അ​ദാ​നി​യും കേ​ര​ളസ​ർ​ക്കാ​റും ചേ​ർ​ന്ന് നി​ർ​മി​ക്കു​ന്ന വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം എ​ന്ന വ​ൻ​കി​ട വി​ക​സ​ന സ്വ​പ്നപ​ദ്ധ​തി.

തീ​ര​ദേ​ശജ​ന​ത നേ​രി​ടു​ന്ന അ​തി​ജീ​വ​ന പ്ര​ശ്ന​ങ്ങ​ൾ മു​ഖ്യ​മ​ന്ത്രി​ക്കും സ​ർ​ക്കാ​റി​നും അ​റി​യി​ല്ലെ​ങ്കി​ലും വി​ഴി​ഞ്ഞം തു​റ​മു​ഖ പ​ദ്ധ​തി​യു​മാ​യി മു​ന്നോ​ട്ട്‌ പോ​യേ പ​റ്റൂ എ​ന്ന​തി​ല​വ​ർ​ക്ക് ഒ​രു പു​ന​ർ​ചി​ന്ത​യു​മി​ല്ല. പ​ശ്ചി​മ​ഘ​ട്ടം പൊ​ട്ടി​ച്ചെ​ടു​ക്കു​ന്ന ക​ല്ലു​ക​ൾ ഭീ​മാ​കാ​ര​മാ​യ അ​ള​വി​ൽ ദി​വ​സ​വും വി​ഴി​ഞ്ഞ​ത്തേ​ക്കൊ​ഴു​ക്കു​ന്നു. ക​ല്ലി​നു ക്ഷാ​മം നേ​രി​ടു​ന്ന​താ​യി അ​ദാ​നി പ​റ​യു​മ്പോ​ൾ കൂ​ടു​ത​ൽ ക്വാ​റി​ക​ൾ അ​നു​വ​ദി​ക്ക​പ്പെ​ടു​ന്നു. ഏ​റ്റ​വും ഒ​ടു​വി​ല​ത്തെ വാ​ർ​ത്ത​ക​ൾ പ്ര​കാ​രം പ​ദ്ധ​തി​യോ​ടു ചേ​ർ​ന്ന് ഒ​രു സി​മ​ന്റ് പ്ലാ​ന്റും ഹൈ​ഡ്ര​ജ​ൻ പ്ലാ​ന്റും സ്ഥാ​പി​ക്കാ​ൻ സ​ർ​ക്കാ​ർ അ​ദാ​നി​യെ അ​നു​വ​ദി​ക്കാ​ൻ പോ​കു​ന്നു.

മു​ഖ്യ​മ​ന്ത്രി പ​റ​യു​ന്ന​ത് അ​നു​സ​രി​ച്ച് അ​ടു​ത്ത​വ​ർ​ഷം സെ​പ്റ്റം​ബ​റി​ൽ വി​ഴി​ഞ്ഞം പ​ദ്ധ​തി​യു​ടെ ഒ​ന്നാം ഘ​ട്ടം പൂ​ർ​ത്തി​യാ​യി ക​പ്പ​ല​ടു​ക്കും. എ​ന്നാ​ൽ, ഈ ​വി​ഷ​യം പ​ഠി​ച്ച​വ​ർ പ​റ​യു​ന്ന​ത് മ​റി​ച്ചാ​ണ്. അ​ത്ര​യെ​ളു​പ്പ​ത്തി​ൽ ഒ​ന്നും പ​ണി തീ​രു​ന്ന​ത​ല്ല വി​ഴി​ഞ്ഞം പ​ദ്ധ​തി എ​ന്ന​വ​ർ ചൂ​ണ്ടി​ക്കാ​ട്ടു​ന്നു. അ​ദാ​നി​യു​ടെ സ്വ​ന്തം ക​പ്പ​ലു​ക​ളി​ൽ ഏ​തെ​ങ്കി​ലും ഒ​ന്ന് അ​ടു​ത്ത​കൊ​ല്ലം പേ​രി​ന് അ​വി​ടെ അ​ടു​ത്ത് മു​ഖ്യ​മ​ന്ത്രി​ക്ക് വാ​ഗ്ദാ​നം പാ​ലി​ക്കാ​ൻ അ​വ​സ​രം ഒ​രു​ക്കി​യേ​ക്കാം എ​ന്ന​ല്ലാ​തെ ഒ​രു കാ​ല​ത്തും വി​ഴി​ഞ്ഞം എ​ന്ന സ്വ​പ്ന​പ​ദ്ധ​തി പൂ​ർ​ത്തീ​ക​രി​ക്കാ​നോ പ്ര​വ​ർ​ത്ത​നം തു​ട​രാ​നോ സാ​ധി​ക്കി​ല്ല എ​ന്നാ​ണ് സ്വ​ത​ന്ത്ര സ്വ​ഭാ​വ​മു​ള്ള വി​ദ​ഗ്ധാ​ഭി​പ്രാ​യ​ങ്ങ​ൾ പ​റ​യു​ന്ന​ത്.

നി​ല​വി​ൽ പു​ലി​മു​ട്ട് നി​ർ​മാ​ണ​ത്തി​നാ​യി അ​ദാ​നി വി​ഴി​ഞ്ഞ​ത്ത് നി​ക്ഷേ​പി​ച്ച​ത് 25 ല​ക്ഷം ട​ണ്ണോ​ളം ക​ല്ലാ​ണ്. അ​തി​ൽ ന​ല്ലൊ​രു​പ​ങ്കും നി​ർ​മാ​ണ പ്ര​വ​ർ​ത്ത​ന​ത്തി​ന് ഉ​പ​യോ​ഗി​ച്ച മ​ണ​ലും സി​മ​ന്റും അ​ട​ക്കം ക​ട​ൽ കൊ​ണ്ടു​പോ​യി​രി​ക്കു​ക​യാ​ണ്‌. മൂ​ന്നു കി​ലോ​മീ​റ്റ​റും ഇ​രു​നൂ​റു മീ​റ്റ​റും നീ​ള​മു​ള്ള പു​ലി​മു​ട്ടി​ന്റെ പ​ണി​ക​ൾ ഇ​പ്പോ​ൾ പു​ന​രാ​രം​ഭി​ച്ചി​രി​ക്കു​ന്നു. പ​േ​ക്ഷ, ക​ട​ലി​ൽ ഇ​ടു​ന്ന ക​ല്ലെ​ല്ലാം ക​ട​ൽ കൊ​ണ്ടു​പോ​കു​ന്നു.

തീ​ർ​ച്ച​യാ​യും ആ​ഗോ​ളതാ​പ​നം ഇ​വി​ടെ​യും അ​തി​ന്റെ പ​ങ്കു​വ​ഹി​ക്കു​ന്നു​ണ്ടാ​ക​ണം. എ​ന്നാ​ൽ, അ​തി​ന്റെ തീ​വ്ര​ത​യെ വ​ർ​ധി​പ്പി​ക്കു​ന്ന വ​ൻ​കി​ട മ​നു​ഷ്യ​നി​ർ​മി​ത കാ​ര​ണ​ങ്ങ​ളെ കോ​ർ​പ​റേ​റ്റ് താ​ൽ​പ​ര്യ​ങ്ങ​ൾ സം​ര​ക്ഷി​ക്കാ​ൻ മ​റ​ച്ചു​പി​ടി​ക്കു​ക​യാ​ണ് സ​ർ​ക്കാ​റും ബ​ന്ധ​പ്പെ​ട്ട​വ​രും.

മ​ത്സ്യ​ത്തൊ​ഴി​ലാ​ളി ഗ്രാ​മ​ങ്ങ​ൾ മാ​ത്ര​മ​ല്ല തി​രു​വ​ന​ന്ത​പു​രം ന​ഗ​ര​ത്തി​ന്റെ​യും ന​ഗ​ര​വാ​സി​ക​ളു​ടെ​യും ഏ​റ്റ​വും പ്രി​യ​പ്പെ​ട്ട ശം​ഖു​ംമു​ഖം ക​ട​പ്പു​റ​വും ക​ൽ​മ​ണ്ഡ​പ​വും ആ​റാ​ട്ട് കൊ​ട്ടാ​ര​വും ദേ​വീക്ഷേ​ത്ര​വും പ​തി​റ്റാ​ണ്ടു​ക​ളാ​യി ത​ല​സ്ഥാ​ന​ത്തി​ന്റെ പ്രൗ​ഢി​യാ​യി നി​ല​കൊ​ണ്ടി​രു​ന്ന വി​മാ​ന​ത്താ​വ​ള​ത്തി​ന്റെ ഡൊ​മ​സ്റ്റി​ക് ടെ​ർ​മി​ന​ലും എ​ല്ലാം ഇ​ന്ന് വി​ഴി​ഞ്ഞം പ​ദ്ധ​തി ഉ​യ​ർ​ത്തു​ന്ന വ​ലി​യ അ​ള​വി​ലു​ള്ള പാ​രി​സ്ഥി​തി​ക​വും സാ​മൂ​ഹി​ക​വു​മാ​യ ഭീ​ഷ​ണി​യു​ടെ ഇ​ര​ക​ളാ​യി മാ​റി​ക്കൊ​ണ്ടി​രി​ക്കു​ക​യാ​ണ്. അ​ന്താ​രാ​ഷ്ട്ര വി​നോ​ദ​സ​ഞ്ചാ​ര കേ​ന്ദ്ര​മാ​യ കോ​വ​ള​ത്തി​ന്റെ കാ​ര്യ​വും വ്യ​ത്യ​സ്ത​മ​ല്ല. അ​വി​ടെ ക​ട​ൽ​ത്തീ​രം ത​ക​ർ​ത്ത് ടൂ​റി​സം സാ​ധ്യ​ത​ക​ൾ അ​സാ​ധ്യ​മാ​ക്കു​ന്നു.

കേ​ര​ള​ത്തി​ലെ ഏ​റ്റ​വും വ​ലി​യ ടൂ​റി​സ്റ്റു കേ​ന്ദ്ര​ങ്ങ​ളി​ൽ ഒ​ന്നാ​യി​രു​ന്ന ശം​ഖു​ംമു​ഖം ബീ​ച്ച് ഇ​പ്പോ​ൾ എ​​െന്ന​ന്നേ​ക്കു​മാ​യി ഇ​ല്ലാ​താ​യി​രി​ക്കു​ന്നു. മ​ന​സ്സി​നെ പി​ടി​ച്ചു​കു​ലു​ക്കു​ന്ന ക​ണ്ണീ​ർ​ക്കാ​ഴ്ച​ക​ളാ​ണ് തീ​ര​ത്തെ മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ളി​ൽ​നി​ന്നും ഇ​ന്ന് കാ​ണേ​ണ്ടി​വ​രു​ന്ന​ത്.

വ​ലി​യ​തു​റ മു​ത​ൽ കോ​വ​ളം ബീ​ച്ച് വ​രെ​യു​ള്ള ക​ട​ൽ​ത്തീ​രം വി​ഴി​ഞ്ഞ​ത്ത് അ​ദാ​നി വ​രു​ന്ന​തി​നു മു​മ്പും വ​ലി​യതോ​തി​ലു​ള്ള ക​ട​ലാ​ക്ര​മ​ണ ഭീ​ഷ​ണി നേ​രി​ട്ടി​രു​ന്നി​ല്ലേ എ​ന്ന ചോ​ദ്യ​മു​ണ്ട്. തീ​ർ​ച്ച​യാ​യും ഉ​ണ്ട്. വി​ഴി​ഞ്ഞം ഫി​ഷി​ങ് ഹാ​ർ​ബ​ർ നി​ർ​മാ​ണ​ത്തി​നാ​യി പ​ണി​ത 400 മീ​റ്റ​ർ നീ​ള​ത്തി​ലു​ള്ള ബ്രേ​ക്ക് വാ​ട്ട​ർ സം​വി​ധാ​ന​ത്തി​ന്റെ ഭി​ത്തി​ക​ളാ​യി​രു​ന്നു അ​തി​നു കാ​ര​ണം. അ​ത് വ​ള​രെ ചെ​റി​യ ഒ​രു ക​ട​ൽഭി​ത്തി​യാ​യി​രു​ന്നു. പ​േ​ക്ഷ, അ​തി​ന്റെ ആ​ഘാ​തം വ​ട​ക്കോ​ട്ടു​ള്ള ക​ട​ൽ​ത്തീ​ര​ത്തെ ബാ​ധി​ക്കാ​ൻ ഏ​ക​ദേ​ശം 30 വ​ർ​ഷ​ങ്ങ​ളെ​ടു​ത്തു.

എ​ന്നാ​ലി​പ്പോ​ൾ അ​ദാ​നി നി​ർ​മി​ക്കു​ന്ന ബ്രേ​ക്ക് വാ​ട്ട​റി​ന്റെ നീ​ളം മൂ​ന്നു കി​ലോ​മീ​റ്റ​റും ഇ​രു​ന്നൂ​റു മീ​റ്റ​റു​മാ​ണ്. അ​ത് ക​ഷ്ടി ഒ​രു കി​ലോ​മീ​റ്റ​ർ മാ​ത്ര​മേ ഇ​പ്പോ​ൾ എ​ത്തി​യി​ട്ടു​ള്ളൂ. പ​ക്ഷേ, ഇ​പ്പോ​ൾ​ത​ന്നെ ദു​രി​തം പ​റ​ഞ്ഞ​റി​യി​ക്കാ​ൻ വ​യ്യാ​ത്ത വി​ധ​മാ​ണ്. പൂ​ന്തു​റ​ക്ക് തെ​ക്കു​ള്ള പ​ന​ത്തു​റ എ​ന്ന മ​ത്സ്യ​ത്തൊ​ഴി​ലാ​ളി ഗ്രാ​മ​ത്തി​ൽ സ്ഥി​തി​ചെ​യ്തി​രു​ന്ന സു​ബ്ര​ഹ്മ​ണ്യ ക്ഷേ​ത്രം, നി​ര​ന്ത​ര​മു​ള്ള ക​ട​ലാ​ക്ര​മ​ണ​ത്തി​ന്റെ ഫ​ല​മാ​യി ഏ​ക​ദേ​ശം ര​ണ്ട് കി​ലോ​മീ​റ്റ​ർ അ​ക​ത്തേ​ക്ക് മാ​റ്റി മൂ​ന്നുത​വ​ണ​യാ​ണ് പു​നഃ​പ്ര​തി​ഷ്ഠ ന​ട​ത്തി​യ​ത്. അ​തു​പോ​ലെ ത​ന്നെ​യാ​ണ് കോ​വ​ളം മു​ത​ൽ വ​ലി​യ​തു​റ വ​രെ​യു​ള്ള തീ​ര​ത്തെ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ളു​ടെ വീ​ടു​ക​ളും വ​ള്ള​ങ്ങ​ളും ക​ട​ലാ​ക്ര​മ​ണ​ത്തി​ൽ ഇ​ല്ലാ​താ​കു​ന്ന​ത്.

മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ളും തീ​ര​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സാ​മൂ​ഹി​കസം​ഘ​ട​ന​ക​ളും ല​ത്തീ​ൻ അ​തി​രൂ​പ​ത​യും എ​ല്ലാം വി​ഴി​ഞ്ഞം പ​ദ്ധ​തി വ​ന്നാ​ൽ തെ​ക്ക​ൻ കേ​ര​ള​ത്തി​ന്റെ ക​ട​ൽ​ത്തീ​രം മു​ഴു​വ​ൻ ഭാ​വി​യി​ൽ ക​ട​ലെ​ടു​ക്കു​മെ​ന്ന് പ​റ​യു​ന്ന​ത് അ​വ​രു​ടെ നി​ര​ന്ത​ര​മാ​യ ക​ട​ല​റി​വി​ന്റെ വെ​ളി​ച്ച​ത്തി​ലാ​ണ്. ഏ​റ്റ​വും ഒ​ടു​വി​ൽ കേ​ര​ള ശാ​സ്ത്ര സാ​ഹി​ത്യ പ​രി​ഷ​ത്ത് വി​ശ​ദ​മാ​യ പ​ഠ​ന​ങ്ങ​ൾ​ക്കു​ശേ​ഷം വി​ഴി​ഞ്ഞം പ​ദ്ധ​തി കാ​ര​ണം തി​രു​വ​ന​ന്ത​പു​രം ജി​ല്ല​യി​ലെ തീ​ര​ത്തി​നും തീ​ര​വാ​സി​ക​ൾ​ക്കും വ​ലി​യ നാ​ശം സം​ഭ​വി​ക്കു​മെ​ന്ന് ഉ​റ​പ്പി​ച്ചു പ​റ​ഞ്ഞു​ക​ഴി​ഞ്ഞു.

വി​ഴി​ഞ്ഞം പ​ദ്ധ​തി​യെ എ​തി​ർ​ക്കു​ന്ന​വ​ർ എ​ന്നും ചൂ​ണ്ടി​ക്കാ​ണി​ച്ചി​ട്ടു​ള്ള ഏ​റ്റ​വും വ​ലി​യ ഭ​വി​ഷ്യ​ത്തു​ക​ളി​ൽ പ്ര​ധാ​നം പ​ദ്ധ​തി ന​ട​പ്പി​ൽ വ​രു​മ്പോ​ൾ കേ​ര​ള​ത്തി​ന്റെ തെ​ക്ക​ൻ ക​ട​ൽ​ത്തീ​ര​ത്തു​ണ്ടാ​കു​ന്ന വ​ൻ പാ​രി​സ്ഥി​തി​ക നാ​ശ​മാ​ണ്. ഭാ​വി​യി​ൽ ഉ​ണ്ടാ​ക്കു​ന്ന പ​രി​സ്ഥി​തിപ്ര​ശ്ന​ങ്ങ​ൾ കേ​ര​ളം ഇ​തു​വ​രെ കാ​ണാ​ത്ത ത​ര​ത്തി​ലു​ള്ള​താ​കു​മെ​ന്ന കാ​ര്യ​ത്തി​ൽ ഒ​രു സം​ശ​യ​വും വേ​ണ്ട. കാ​ര​ണം, ഇ​ത് ഒ​രേ​സ​മ​യം ക​ട​ലി​നെ​യും കേ​ര​ള​ത്തി​ലെ മ​ല​നി​ര​ക​ളെ​യും ന​ദി​ക​ളെ​യും ബാ​ധി​ക്കു​ന്ന പ​ദ്ധ​തി​യാ​ണ്.

വിഴിഞ്ഞം തുറമുഖത്തിന്‍റെ നിർമാണം

പ​ദ്ധ​തി​യു​ടെ ഏ​റ്റ​വും കാ​ത​ലാ​യ നി​ർ​മാ​ണപ്ര​വ​ർ​ത്ത​നം 20 മീ​റ്റ​ർ ആ​ഴ​ത്തി​ലും ഒ​രു കി​ലോ​മീ​റ്റ​ർ വീ​തി​യി​ലും നാ​ല് കി​ലോ​മീ​റ്റ​ർ നീ​ള​ത്തി​ലും ക​ട​ൽ നി​ക​ത്തി​യെ​ടു​ക്കു​ന്ന, വ​ലി​യ ബ്രേ​ക്ക് വാ​ട്ട​ർ സ​മു​ച്ച​യ​മാ​ണ്. ക​പ്പ​ൽ​ച്ചാ​ലും ക​പ്പ​ലു​ക​ൾ​ക്ക് ഏ​ത് കാ​ലാ​വ​സ്ഥ​യി​ലും ന​ങ്കൂ​ര​മി​ടാ​നും, ച​ര​ക്കു​ക​ൾ ബു​ദ്ധി​മു​ട്ട് കൂ​ടാ​തെ ക​യ​റ്റാ​നും ഇ​റ​ക്കാ​നും ഉ​ള്ള സം​വി​ധാ​ന​മാ​ണ് ഇ​തി​ലൂ​ടെ ഒ​രു​ക്കു​ന്ന​ത്. ആ​ദ്യ​ഘ​ട്ട​ത്തി​ൽ അ​ദാ​നി പ​ണി​ത 500 മീ​റ്റ​ർ നീ​ള​മു​ള്ള പ്ര​ധാ​ന ഭി​ത്തി​യു​ടെ 200 മീ​റ്റ​ർ 2017 ന​വം​ബ​റി​ൽ ഓ​ഖി ആ​ഞ്ഞ​ടി​ച്ച​പ്പോ​ൾ ക​ട​ൽ കൊ​ണ്ടു​പോ​യി. അ​തി​നു​ശേ​ഷം പ​ണി തു​ട​ർ​ന്ന് 300 മീ​റ്റ​റി​ൽ​നി​ന്നും 700 മീ​റ്റ​ർ എ​ത്തി​ക്കാ​ൻ 2019 അ​വ​സാ​നംവ​രെ പ​ണി​യെ​ടു​ക്കേ​ണ്ടി വ​ന്നു. അ​തി​ൽ 250-300 മീ​റ്റ​ർ ദൂ​ര​ത്തി​ലു​ള്ള കൂ​റ്റ​ൻ നി​ർ​മാ​ണ പ്ര​വൃ​ത്തി​ക​ൾ മു​ഴു​വ​ൻ, ബ്രേ​ക്ക് വാ​ട്ട​ർ നി​ർ​മി​ക്കാ​നാ​യി ക​ട​ലി​ന്റെ അ​ടി​ത്ത​ട്ട് തു​ര​ന്ന​പ്പോ​ൾ ഉ​ണ്ടാ​യ ക​ട​ലി​ന്റെ സ്വ​ഭാ​വ​ത്തി​ലെ മാ​റ്റം കാ​ര​ണം അ​റ​ബി​ക്ക​ട​ൽ കൊ​ണ്ടു​പോ​യി. ക​ഴി​ഞ്ഞ ര​ണ്ടു കാ​ല​വ​ർ​ഷ​ക്കാ​ല​ത്തും ഇ​വി​ടെ ഇ​ട്ട ക​ല്ലു​ക​ൾ ക​ട​ൽ കൊ​ണ്ടു​പോ​യി. ആ​വ​ശ്യ​ത്തി​ന് ക​ല്ലു​കി​ട്ടാ​ത്ത​തു​കൊ​ണ്ടാ​ണ് പ​ദ്ധ​തി വൈ​കു​ന്ന​തെ​ന്ന് അ​ദാ​നി പ​റ​യു​മ്പോ​ൾ ഇ​ട്ട ക​ല്ലു​ക​ൾ ഒ​ഴു​കി​പ്പോ​കു​ന്ന​തി​ൽ മൗ​നം​പാ​ലി​ക്കു​ന്നു.

ഇ​ന്ന​ത്തെ അ​വ​സ്ഥ​യി​ൽ എ​ത്ര​യൊ​ക്കെ അ​ദാ​നി​യും കേ​ര​ളസ​ർ​ക്കാ​റും ശ്ര​മി​ച്ചാ​ലും വി​ഴി​ഞ്ഞം പോ​ർ​ട്ട്‌ പ​ദ്ധ​തി നി​ർ​മാ​ണം പൂ​ർ​ത്തി​യാ​കാ​ൻ പോ​കു​ന്നി​ല്ല. ഇ​പ്പോ​ഴ​ത്തെ നി​ല​യി​ൽ ക​ട​ലി​ന്റെ സ്വ​ഭാ​വം നോ​ക്കി​യാ​ൽ അ​ടു​ത്ത 10-15 വ​ർ​ഷം​കൊ​ണ്ട് തി​രു​വ​ന​ന്ത​പു​രം ജി​ല്ല​യി​ൽ ഒ​രു മ​ണ​ൽ​ത്ത​രി​പോ​ലും ബീ​ച്ച് ആ​യി​ട്ട് സ​ഞ്ചാ​രി​ക​ൾ​ക്കു മു​ന്നി​ൽ കാ​ണി​ക്കാ​നു​ണ്ടാ​വി​ല്ല. ശം​ഖും​മു​ഖം കൊ​ട്ടാ​രം, ക​ൽ​മ​ണ്ഡ​പം, ഇ​പ്പോ​ഴ​ത്തെ ഡൊ​മ​സ്റ്റി​ക് ടെ​ർ​മി​ന​ൽ, ബീ​മാ​പ​ള്ളി, വെ​ട്ടു​കാ​ട് പ​ള്ളി, വേ​ളി ടൂ​റി​സ്റ്റ് വി​ല്ലേ​ജ് ഒ​ക്കെ ക​ട​ലെ​ടു​ക്കും. മ​ത്സ്യ​മേ​ഖ​ല, ടൂ​റി​സം, സാ​മ്പ​ത്തി​ക​രം​ഗം എ​ല്ലാം ഒ​ന്നൊ​ന്നാ​യി ത​ക​ർ​ന്ന​ടി​യും. കേ​ര​ള​ത്തി​ന്, പ്ര​ത്യേ​കി​ച്ചും തി​രു​വ​ന​ന്ത​പു​രം ജി​ല്ല​യി​ലെ തീ​ര​പ്ര​ദേ​ശ​ത്തെ ല​ക്ഷ​ക്ക​ണ​ക്കി​ന് ആ​ളു​ക​ളെ വ​രും​നാ​ളു​ക​ളി​ൽ പ​ദ്ധ​തി ബാ​ധി​ക്കു​മെ​ന്ന കാ​ര്യ​ത്തി​ൽ ഒ​രു സം​ശ​യ​വും വേ​ണ്ട.

വി​ഴി​ഞ്ഞം കാ​ര​ണ​മാ​ണോ ചെ​ല്ലാ​ന​ത്തും പൊ​ന്നാ​നി​യി​ലും ക​ട​ലാ​ക്ര​മ​ണം ഉ​ണ്ടാ​കു​ന്ന​തെ​ന്ന് ചോ​ദ്യ​മു​യ​രു​ന്നു​ണ്ട്. അ​തി​ന്റെ കാ​ര​ണം സ​മാ​ന​മാ​യ നി​ർ​മാ​ണ​ങ്ങ​ൾ​ത​ന്നെ​യാ​ണെ​ന്ന് കാ​ണാം. കേ​ര​ളതീ​ര​ത്തെ ക​ട​ലി​ന്റെ സ്വ​ഭാ​വ​ത്തെ​യും ക​ട​ലാ​ക്ര​മ​ണ രീ​തി​ക​ളെ കു​റി​ച്ചും ചെ​റു​തും വ​ലു​തു​മാ​യ മ​ത്സ്യ​ബ​ന്ധ​ന തു​റ​മു​ഖ​ങ്ങ​ളും അ​ശാ​സ്ത്രീ​യ​മാ​യ ക​ട​ൽ​ഭി​ത്തി നി​ർ​മാ​ണ​വും​മൂ​ലം കേ​ര​ള​തീ​രം എ​ങ്ങ​നെ​യാ​ണ് ക​ട​ലെ​ടു​ത്തു കൊ​ണ്ടു​പോ​കു​ന്ന​തെ​ന്നും പ​ഠി​ച്ച് റി​പ്പോ​ർ​ട്ട് ന​ൽ​കി​യ​ത് കേ​ന്ദ്രസ​ർ​ക്കാ​റി​ന്റെ പ്ര​മു​ഖ സ്ഥാ​പ​ന​മാ​യ നാ​ഷ​ന​ൽ ഓ​ഷ്യാ​നോ​ഗ്ര​ഫി​ക് ഇ​ൻ​സ്റ്റി​റ്റ്യൂ​ട്ടാ​ണ്. അ​തോ​ടൊ​പ്പം തി​രു​വ​ന​ന്ത​പു​ര​ത്തെ നാ​ഷ​ന​ൽ സെ​ന്റ​ർ ഫോ​ർ എ​ർ​ത്ത് സ​യ​ൻ​സും കേ​ര​ള യൂ​നി​വേ​ഴ്സി​റ്റി ഫി​ഷ​റീ​സ് വ​കു​പ്പും മ​ത്സ്യ​ത്തൊ​ഴി​ലാ​ളി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന വി​വി​ധ ഗ​വേ​ഷ​ണ-​പ​ഠ​ന സ്ഥാ​പ​ന​ങ്ങ​ളും ന​ൽ​കി​യ റി​പ്പോ​ർ​ട്ടു​ക​ൾ ഇ​പ്പോ​ൾത​ന്നെ നി​ല​വി​ലു​ണ്ട്. അ​വ​യൊ​ക്കെ ഒ​ന്ന് ഗൗ​ര​വ​മാ​യി വി​ല​യി​രു​ത്താ​ൻ ഇ​നി​യെ​ങ്കി​ലും സം​സ്ഥാ​ന സ​ർ​ക്കാ​ർ ത​യാ​റാ​വ​ണം.

കേ​ര​ള​ത്തി​ന് 590 കി​ലോ​മീ​റ്റ​ർ ദൈ​ർ​ഘ്യ​മു​ള്ള ക​ട​ൽ​ത്തീ​ര​മാ​ണ് ഉ​ള്ള​ത്. ഇ​ത് ലോ​ക​ത്തി​ലെ​ത​ന്നെ ഏ​റ്റ​വും ജ​ന​സാ​ന്ദ്ര​ത​യു​ള്ള തീ​ര​പ്ര​ദേ​ശ​ങ്ങ​ളി​ൽ ഒ​ന്നാ​ണ്. തി​രു​വ​ന​ന്ത​പു​രം ജി​ല്ല​യു​ടെ കാ​ര്യം നോ​ക്കി​യാ​ൽ, ഇ​ട​വ​യി​ൽ ആ​രം​ഭി​ച്ച് പൊ​ഴി​യൂ​രി​ൽ അ​വ​സാ​നി​ക്കു​ന്ന തീ​ര​പ്ര​ദേ​ശം ഏ​ക​ദേ​ശം 70 കി​ലോ​മീ​റ്റ​റോ​ളം നീ​ളു​ന്നു. ഈ ​ജ​ന​സാ​ന്ദ്ര​ത സൂ​നാ​മി​യോ ചു​ഴ​ലി​ക്കാ​റ്റോ പോ​ലു​ള്ള പ്ര​കൃ​തിദു​ര​ന്ത​ങ്ങ​ൾ മൂ​ല​മു​ണ്ടാ​കു​ന്ന പ്ര​ഹ​രം മാ​ത്ര​മ​ല്ല അ​ദാ​നി​യു​ടെ വി​ഴി​ഞ്ഞം പ​ദ്ധ​തി​പോ​ലു​ള്ള​വ​യു​ടെ ആ​ഘാ​ത​ങ്ങ​ളു​ടെ​യും അ​ന​ന്ത​ര​ഫ​ല​ങ്ങ​ളെ ഇ​ര​ട്ടി​യാ​ക്കു​ന്നു.

കോ​വ​ളം, വി​ഴി​ഞ്ഞം, വേ​ളി, വ​ലി​യ​തു​റ, ക​ല്ലു​മൂ​ട്, ബീ​മാ​പ​ള്ളി, മു​ട്ട​ത്ത​റ തു​ട​ങ്ങി​യ അ​ടു​ത്ത​ടു​ത്തു​ള്ള ഗ്രാ​മ​ങ്ങ​ളി​ൽ ക​ട​ൽ, വീ​ടു​ക​ൾ വി​ഴു​ങ്ങി​യ​തി​നാ​ൽ ഇ​വി​ടെ​യു​ള്ള നൂ​റു​ക​ണ​ക്കി​ന് മ​ത്സ്യ​ത്തൊ​ഴി​ലാ​ളി​ക​ളു​ടെ കു​ടും​ബ​ങ്ങ​ൾ ഇ​പ്പോ​ൾ ദു​രി​താ​ശ്വാ​സ ക്യാ​മ്പു​ക​ളി​ലാ​ണ്. എ​ല്ലാ​യി​ട​ത്തും സ്കൂ​ളു​ക​ളും കോ​ള​ജു​ക​ളും തു​റ​ന്നി​ട്ടും ഇ​വി​ട​ങ്ങ​ളി​ലെ സ്കൂ​ളു​ക​ളും ക​മ്യൂ​ണി​റ്റി സെ​ന്റ​റു​ക​ളും ഇ​പ്പോ​ഴും ദു​രി​താ​ശ്വാ​സ ക്യാ​മ്പു​ക​ളാ​യി തു​ട​രു​ക​യാ​ണ്. മ​ഴ​ക്കാ​ലം നീ​ണ്ടു​നി​ൽ​ക്കു​ക​യും ക​ട​ൽ​ക്ഷോ​ഭം രൂ​ക്ഷ​മാ​കു​ക​യും ചെ​യ്യു​ന്ന​തി​നാ​ൽ വ​രും ദി​വ​സ​ങ്ങ​ളി​ൽ കൂ​ടു​ത​ൽ മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ൾ ക്യാ​മ്പു​ക​ളി​ൽ എ​ത്താ​ൻ നി​ർ​ബ​ന്ധി​ത​രാ​യേ​ക്കും.

ഇ​ന്റ​ർ​നാ​ഷ​ന​ൽ ഓ​ഷ്യ​ൻ ഇ​ൻ​സ്റ്റി​റ്റ്യൂ​ട്ടി​ലെ ഗ​വേ​ഷ​ക​നാ​യി​രു​ന്ന എ.​ജെ. വി​ജ​യ​ൻ പ​റ​യു​ന്ന​തനു​സ​രി​ച്ച്, 1970ക​ളി​ൽ വി​ഴി​ഞ്ഞം ഫി​ഷി​ങ് ഹാ​ർ​ബ​റി​നാ​യി ഒ​രു മൈ​ന​ർ ബ്രേ​ക്ക്‌​വാ​ട്ട​ർ നി​ർ​മി​ച്ച​തോ​ടെ​യാ​ണ് തി​രു​വ​ന​ന്ത​പു​രം മേ​ഖ​ല​യി​ൽ തീ​ര​ദേ​ശ​ശോ​ഷ​ണം ആ​രം​ഭി​ച്ച​ത്. എ​ന്നാ​ൽ, 2015ൽ ​ഈ അ​ന്താ​രാ​ഷ്ട്ര ആ​ഴ​ക്ക​ട​ൽ വി​വി​ധോ​ദ്ദേ​ശ്യ തു​റ​മു​ഖ​ത്തി​ന്റെ നി​ർ​മാ​ണം ആ​രം​ഭി​ച്ച​തി​ന് പി​ന്നാ​ലെ തീ​ര​ദേ​ശ​ശോ​ഷ​ണം ഭ​യാ​ന​ക​മാം​വി​ധം വേ​ഗ​ത്തി​ലാ​യി.

അ​ഹ്മ​ദാ​ബാ​ദ് ആ​സ്ഥാ​ന​മാ​യു​ള്ള അ​ദാ​നി പോ​ർ​ട്ട്സ് ആ​ൻ​ഡ് സെ​സ് ലി​മി​റ്റ​ഡി​ന്റെ അ​നു​ബ​ന്ധ സ്ഥാ​പ​ന​മാ​യ അ​ദാ​നി വി​ഴി​ഞ്ഞം പോ​ർ​ട്ട് പ്രൈ​വ​റ്റ് ലി​മി​റ്റ​ഡും കേ​ര​ളസ​ർ​ക്കാ​റും ത​മ്മി​ലു​ള്ള പൊ​തു-​സ്വ​കാ​ര്യ പ​ങ്കാ​ളി​ത്ത​ത്തി​ലാ​ണ് 7525 കോ​ടി രൂ​പ​യു​ടെ തു​റ​മു​ഖം നി​ർ​മി​ക്കു​ന്ന​ത്. ഇ​ത് ഇ​ന്ത്യ​യി​ലെ​ത​ന്നെ ഏ​റ്റ​വും ആ​ഴ​മു​ള്ള തു​റ​മു​ഖ​മാ​ണെ​ന്നും രാ​ജ്യ​ത്തെ മൊ​ത്തം ട്രാ​ൻ​സ്-​ഷി​പ്മെ​ന്റ് കൈ​മാ​റ്റ​ത്തി​ന്റെ 80 ശ​ത​മാ​നം കൈ​കാ​ര്യം ചെ​യ്യാ​ൻ ശേ​ഷി​യു​ണ്ട് എ​ന്നു​മാ​ണ് സ​ർ​ക്കാ​റും ക​മ്പ​നി​യും പ​റ​യു​ന്ന​ത്.

സാ​മ്പ​ത്തി​ക പ​ങ്കാ​ളി​ത്ത​ത്തി​ന് പു​റ​മെ, കേ​ര​ളസ​ർ​ക്കാ​ർ പ​ദ്ധ​തി​യി​ലേ​ക്ക് 360 ഏ​ക്ക​ർ ഭൂ​മി സം​ഭാ​വ​ന ചെ​യ്യു​ക​യും ക​ട​ലി​ൽ​നി​ന്ന് 130 ഏ​ക്ക​ർ പ​ദ്ധ​തി​ക്കാ​യി കൈ​യേ​റാ​ൻ അ​ദാ​നി ക​മ്പ​നി​ക്ക് പ്ര​ത്യേ​ക അ​നു​മ​തി ന​ൽ​കു​ക​യും ചെ​യ്തു. എ​ന്നാ​ൽ, നി​ർ​മാ​ണ​ത്തി​ലി​രി​ക്കു​ന്ന തു​റ​മു​ഖ​വും അ​തി​ന്റെ ബ്രേ​ക്ക്‌​വാ​ട്ട​ർ നി​ർ​മാ​ണ​വും തീ​ര​ദേ​ശ ക​ട​ലെ​ടു​പ്പ് തീ​വ്ര​മാ​ക്കു​മെ​ന്നും ഇ​തി​ന്റെ ഫ​ല​മാ​യി 35ല​ധി​കം മ​ത്സ്യ​ബ​ന്ധ​ന ഗ്രാ​മ​ങ്ങ​ൾ ഭൂ​പ​ട​ത്തി​ൽ​നി​ന്ന് ത​ന്നെ തു​ട​ച്ചു​നീ​ക്ക​പ്പെ​ടു​മെ​ന്നും വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

വിഴിഞ്ഞം പദ്ധതിയുയർത്തുന്ന പ്രശ്നങ്ങൾക്കെതിരെ ലത്തീൻ കത്തോലിക്ക പുരോഹിതർ സമരത്തിൽ

ആ​ഗോ​ള ടൂ​റി​സം ഭൂ​പ​ട​ത്തി​ൽ ഇ​ടംക​ണ്ടെ​ത്തി​യ കേ​ര​ള​ത്തി​ലെ ആ​ദ്യ​ത്തെ തീ​ര​ദേ​ശ ഗ്രാ​മ​മാ​ണ് കോ​വ​ളം. അ​ദാ​നി​യു​ടെ നി​യ​ന്ത്ര​ണ​ത്തി​ലു​ള്ള വി​ഴി​ഞ്ഞം തു​റ​മു​ഖ​ത്തു​നി​ന്ന് അ​ഞ്ച് കി​ലോ​മീ​റ്റ​ർ മാ​ത്രം അ​ക​ലെ​യാ​ണ് ഈ ​ബീ​ച്ച്. കോ​വ​ളം സ​ർ​ഫി​ങ്ങി​നും മ​റ്റ് ബീ​ച്ച് വി​നോ​ദ​ങ്ങ​ൾ​ക്കും രാ​ജ്യ​ത്തു​ത​ന്നെ സു​ര​ക്ഷി​ത​മാ​യ ഇ​ട​ങ്ങ​ളി​ൽ ഒ​ന്നാ​യി​രു​ന്നു. 1930ക​ളി​ലെ വി​നോ​ദ​സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്രം, ഇ​പ്പോ​ൾ കു​ളി​ക്കു​ന്ന​തി​നും വി​നോ​ദ​ത്തി​നു​മാ​യി ക​ട​ലി​ൽ ഇ​റ​ങ്ങു​ന്ന​ത് വി​ല​ക്കു​ന്ന നി​ര​വ​ധി മു​ന്ന​റി​യി​പ്പ് ബോ​ർ​ഡു​ക​ൾ ഇ​വി​ടെ കാ​ണാം. കോ​വ​ളം ഇ​ന്ന് വി​നോ​ദ​സ​ഞ്ചാ​രി​ക​ളെ നി​രാ​ശ​യോ​ടെ മ​ട​ക്കി അ​യ​ക്കു​ന്ന ടൂ​റി​സ്റ്റ് കേ​ന്ദ്ര​മാ​യി മാ​റി.

എ​ങ്ങ​നെ​യാ​ണ് കോ​വ​ള​ത്തി​ന്റെ തീ​രം ന​ഷ്ട​മാ​യ​ത്? എ​ന്തു​കൊ​ണ്ടാ​ണ് വി​ഴി​ഞ്ഞ​ത്തെ അ​ദാ​നി തു​റ​മു​ഖ​ത്തി​ന് വ​ട​ക്കു​ള്ള മ​റ്റെ​ല്ലാ ബീ​ച്ചു​ക​ളും ന​ശി​ക്കു​ന്ന​ത്? എ​ന്തു​കൊ​ണ്ടാ​ണ് ദി​നം​പ്ര​തി കൂ​ടു​ത​ൽ മ​ത്സ്യ​ബ​ന്ധ​ന തൊ​ഴി​ലാ​ളി കു​ടും​ബ​ങ്ങ​ൾ പു​ന​ര​ധി​വാ​സ ക്യാ​മ്പു​ക​ളി​ൽ എ​ത്തു​ന്ന​ത്? തീ​ര​ദേ​ശസ​മൂ​ഹം ചോ​ദി​ക്കാ​ൻ ആ​ഗ്ര​ഹി​ക്കു​ന്ന ചി​ല ചോ​ദ്യ​ങ്ങ​ളാ​ണി​ത്.

എ​ന്നാ​ൽ, പു​റ​ത്തു​ള്ള അ​തി​ശ​ക്ത​രാ​യ കോ​ർ​പ​റേ​റ്റ് ലോ​ക​വും അ​വ​രു​ടെ ആ​ജ്ഞാ​നു​വ​ർ​ത്തി​ക​ളാ​യ ഭ​ര​ണ​കൂ​ട​വും അ​വ​രെ നി​ശ്ശ​ബ്ദ​രാ​ക്കു​ന്നു. സ​മ്പ​ന്ന​രും അ​വ​രു​ടെ ആ​ശ്രി​ത​രാ​യ അ​ഭി​പ്രാ​യനി​ർ​മാ​താ​ക്ക​ളും ചേ​ർ​ന്ന് ഈ ​ചൂ​ഷ​ണ വി​ക​സ​ന ന​യ​ത്തെ പ്രോ​ത്സാ​ഹി​പ്പി​ക്കു​ന്നു. അ​ത് മാ​ത്ര​മാ​ണ് വി​ക​സ​നം എ​ന്ന ധാ​ര​ണ പ്ര​ച​രി​പ്പി​ക്കു​ന്നു. അ​വ​ർ സു​സ്ഥി​ര വി​ക​സ​ന സാ​ധ്യ​ത​ക​ളെ അ​പ്പാ​ടെ ച​വ​റ്റു​കു​ട്ട​യി​ൽ ത​ള്ളു​ന്നു. ഈ ​വി​ക​ല വി​ക​സ​ന ന​യം ദു​ർ​ബ​ല​രാ​യ തീ​ര​ദേ​ശ സ​മൂ​ഹ​ങ്ങ​ളെ​യും അ​തി​ജീ​വ​ന​ത്തി​നാ​യു​ള്ള അ​വ​രു​ടെ പോ​രാ​ട്ട​ങ്ങ​ളെ​യും അ​വ​ഗ​ണി​ക്കു​ന്നു.

ന​മ്മു​ടെ തെ​റ്റാ​യ വി​ക​സ​ന സ​ങ്ക​ൽ​പ​ങ്ങ​ളു​ടെ ഇ​ര​ക​ളെ കാ​ണു​ക. ഗോ​ഡൗ​ണു​ക​ളി​ൽ കി​ട​ന്നു​റ​ങ്ങാ​ൻ വി​ധി​ക്ക​പ്പെ​ടു​ന്ന​വ​ർ, സ്കൂ​ൾ മു​റി​ക​ൾ കി​ട​പ്പു​മു​റി​ക​ളാ​ക്കി മാ​റ്റാ​ൻ നി​ർ​ബ​ന്ധി​ത​രാ​കു​ന്ന ജ​ന​ങ്ങ​ൾ. വ​സ്ത്രം മാ​റാ​ൻ പോ​ലും ബു​ദ്ധി​മു​ട്ടു​ന്ന സ്ത്രീ​ക​ൾ. സ്വ​കാ​ര്യ​ത ഇ​ല്ലാ​ത്ത കു​ടും​ബ​ങ്ങ​ൾ, ര​ണ്ടോ അ​തി​ല​ധി​ക​മോ കു​ടും​ബ​ങ്ങ​ളു​മാ​യി ഒ​രു സ്കൂ​ൾമു​റി പ​ങ്കി​ടേ​ണ്ടി​വ​രു​ന്ന സാ​ഹ​ച​ര്യം. ക്ലാ​സ് മു​റി​ക​ളും പ​ഠ​ന​വും ന​ഷ്ട​പ്പെ​ട്ട കു​ട്ടി​ക​ൾ. മ​ത്സ്യ​ബ​ന്ധ​ന തൊ​ഴി​ലാ​ളി​ക​ൾ​ക്ക് അ​വ​രു​ടെ പ്ര​ദേ​ശ​ങ്ങ​ളി​ൽ​നി​ന്ന് നേ​രി​ട്ട് ക​ട​ലി​ലേ​ക്ക് പോ​കാ​ൻ ക​ഴി​യാ​ത്ത സാ​ഹ​ച​ര്യം. ത​ങ്ങ​ളു​ടെ ചു​റ്റു​മു​ള്ള ക​ട​ൽ​ത്തീ​ര​ങ്ങ​ളി​ൽ മ​ത്സ്യ​ബ​ന്ധ​നവ​ല ഉ​ണ​ക്കാ​നു​ള്ള പ​ര​മ്പ​രാ​ഗ​ത അ​വ​കാ​ശം​പോ​ലും ന​ഷ്ട​മാ​യ മ​ത്സ്യ​ബ​ന്ധ​ന തൊ​ഴി​ലാ​ളി​ക​ൾ. സ​ഞ്ചാ​രി​ക​ളെ കാ​ണാ​തെ​യും അ​വ​രെ അ​നു​ഗ​മി​ക്കാ​തെ​യും പ്ര​തി​സ​ന്ധി​യി​ലാ​യ ഗൈ​ഡു​ക​ൾ.

തി​രു​വ​ന​ന്ത​പു​ര​ത്തെ മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ൾ വ​ർ​ഷ​ങ്ങ​ളാ​യി തീ​ര​ദേ​ശ ശോ​ഷ​ണ​ത്തി​ന്റെ ആ​ഘാ​ത​ത്തി​ൽ വ​ല​യു​ക​യാ​ണ്. വീ​ടു​ക​ൾ ത​ക​ർ​ന്ന​തോ​ടെ ദു​രി​താ​ശ്വാ​സ ക്യാ​മ്പു​ക​ളി​ലും ബ​ന്ധു​വീ​ടു​ക​ളി​ലും അ​ഭ​യം പ്രാ​പി​ക്കാ​ൻ പ​ല​രും നി​ർ​ബ​ന്ധി​ത​രാ​യി. ഇ​പ്പോ​ഴും നൂ​റു​ക​ണ​ക്കി​നാ​ളു​ക​ൾ വീ​ടി​ല്ലാ​തെ ദുരിതത്തി​ലാ​ണ്.

സ​ർ​ക്കാ​ർ അ​നു​വ​ദി​ച്ച 10 ല​ക്ഷം ധ​ന​സ​ഹാ​യം​കൊ​ണ്ട് വീ​ടി​നു​ള്ള സ്ഥ​ലം​പോ​ലും ക​ണ്ടെ​ത്താ​ൻ ക​ഴി​യു​ന്നി​ല്ല. അ​തി​ലു​പ​രി, മ​ത്സ്യ​ത്തൊ​ഴി​ലാ​ളി​ക​ളു​ടെ ഉ​പ​ജീ​വ​ന​മാ​ർ​ഗ​മാ​യ ക​ട​ലി​ൽ​നി​ന്ന് അ​ക​ന്നു​പോ​കു​ന്ന​ത് ഒ​രു പോം​വ​ഴി​യ​ല്ല. മ​ത്സ്യ​ബ​ന്ധ​ന​ത്തി​ൽ മാ​ത്രം ശ്ര​ദ്ധ​കേ​ന്ദ്രീ​ക​രി​ച്ചി​രു​ന്ന അ​വ​ർ​ക്ക് മ​റ്റു തൊ​ഴി​ലു​ക​ൾ ചെ​യ്യാ​ൻ ക​ഴി​യി​ല്ല. സ്വ​ത​ന്ത്ര​രാ​യി ജീ​വി​ച്ചി​രു​ന്ന മ​നു​ഷ്യ​രെ പ​തി​യെ കോ​ർ​പ​റേ​റ്റ് ആ​ശ്രി​ത​രാ​ക്കി മാ​റ്റു​ന്ന​താ​ണ് സ​ർ​ക്കാ​റി​ന്റെ പി​ന്തു​ണ​യി​ൽ ന​ട​പ്പാ​ക്കു​ന്ന ഈ ​അ​സ്ഥി​ര വി​ക​സ​ന മാ​തൃ​ക​ക​ൾ.

അ​ദാ​നി തു​റ​മു​ഖ​വും കേ​ര​ളസ​ർ​ക്കാ​റും തീ​ര​ദേ​ശ ശോ​ഷ​ണ​ത്തി​ന്റെ​യും പാ​രി​സ്ഥി​തി​ക നാ​ശ​ത്തി​ന്റെ​യും പ​ഠ​ന​ങ്ങ​ളെ​യും വി​ദ​ഗ്‌​ധ അ​ഭി​പ്രാ​യ​ങ്ങ​ളെ​യും ശ​ക്ത​മാ​യി ചെ​റു​ക്കു​ന്നു. കേ​ര​ള സ​ർ​ക്കാ​റു​മാ​യി കൂ​ടി​യാ​ലോ​ചി​ച്ച് അ​ദാ​നി പോ​ർ​ട്ട്സ് പു​റ​ത്തി​റ​ക്കി​യ 2019 ഒ​ക്ടോ​ബ​ർ-2020 മാ​ർ​ച്ച് മാ​സ​ത്തേ​ക്കു​ള്ള തു​റ​മു​ഖ പ​ദ്ധ​തി​യു​ടെ റി​പ്പോ​ർ​ട്ട് പ്ര​കാ​രം ഇ​വി​ടെ തീ​ര​ശോ​ഷ​ണ​മി​ല്ല എ​ന്നാ​ണ് സ​മ​ർ​ഥി​ക്കു​ന്ന​ത്. എ​ന്നാ​ൽ, ക​ണ്ണി​നു​ മു​ന്നി​ലു​ള്ള ദൃ​ശ്യ​ങ്ങ​ൾ അ​ത്ത​ര​മൊ​രു ന്യാ​യീ​ക​ര​ണ​ത്തി​ന്റെ, നു​ണ​യു​ടെ പൊ​ള്ള​ത്ത​രം തു​റ​ന്നു​കാ​ട്ടാ​ൻ മ​തി​യാ​യ​താ​ണ്.

തു​റ​മു​ഖ​ത്തി​നാ​യു​ള്ള ത​ട​യ​ണ നി​ർ​മാ​ണം തി​രു​വ​ന​ന്ത​പു​രം തീ​ര​ത്ത് ഉ​യ​ർ​ന്ന വേ​ലി​യേ​റ്റ​ത്തി​നും മ​ണ്ണൊ​ലി​പ്പി​നും ഇ​ട​യാ​ക്കി​യ​താ​യി ര​ണ്ടു വ​ർ​ഷം മു​മ്പ് കേ​ര​ള ഫി​ഷ​റീ​സ് മ​ന്ത്രി ജെ. ​മേ​ഴ്‌​സി​ക്കു​ട്ടി സ​മ്മ​തി​ച്ചി​രു​ന്നു. ഇ​തു​ത​ന്നെ​യാ​ണ് സ​മു​ദ്ര ഗ​വേ​ഷ​ണ മേ​ഖ​ല​യി​ലെ ഗ​വേ​ഷ​ക​ർ ന​ൽ​കി​യ വി​ദ​ഗ്ധ മു​ന്ന​റി​യി​പ്പും. തീ​ര​ദേ​ശ​വാ​സി​ക​ൾ അ​വ​രു​ടെ ദു​രി​ത​പൂ​ർ​ണ​മാ​യ ജീ​വി​തം​കൊ​ണ്ട് ഈ ​ഭീ​ഷ​ണി സ്ഥി​രീ​ക​രി​ക്കു​ന്നു.

വി​ഴി​ഞ്ഞം തു​റ​മു​ഖ​ത്തി​ന്റെ മൊ​ത്തം പ​ദ്ധ​തി​ച്ചെ​ല​വ് 7525 കോ​ടി​യാ​ണ്. ഇ​തി​ൽ അ​ദാ​നി​യു​ടെ നി​ക്ഷേ​പം 2454 കോ​ടി രൂ​പ, കേ​ന്ദ്ര​സ​ർ​ക്കാ​ർ വി​ഹി​ത​മാ​യി 1635 കോ​ടി രൂ​പ, സം​സ്ഥാ​ന സ​ർ​ക്കാ​റി​ന്റെ വി​ഹി​തം 3436 കോ​ടി രൂ​പ​യും. ക​രാ​ർ പ്ര​കാ​രം, അ​ദാ​നി​യു​ടെ ക​മ്പ​നി​ക്ക് 40 വ​ർ​ഷ​ത്തേ​ക്ക് തു​റ​മു​ഖം പ്ര​വ​ർ​ത്തി​പ്പി​ക്കാ​നാ​കും. ഇ​ത് 20 വ​ർ​ഷം​കൂ​ടി നീ​ട്ടാ​നും ക​ഴി​യും. എ​ന്നാ​ൽ, സം​സ്ഥാ​ന സ​ർ​ക്കാ​റി​ന് തു​റ​മു​ഖ​ത്തു​നി​ന്നു​ള്ള വ​രു​മാ​ന​ത്തി​ന്റെ ഒ​രു​ഭാ​ഗം 15 വ​ർ​ഷ​ത്തി​നു​ശേ​ഷം മാ​ത്ര​മേ ല​ഭി​ക്കൂ.

2015ൽ ​അ​ദാ​നി ഗ്രൂ​പ്പു​മാ​യി ചേ​ർ​ന്ന് ഉ​മ്മ​ൻ​ചാ​ണ്ടി​യു​ടെ നേ​തൃ​ത്വ​ത്തി​ലു​ള്ള യു.​ഡി.​എ​ഫ് സ​ർ​ക്കാ​ർ പ​ദ്ധ​തി ആ​രം​ഭി​ച്ച​പ്പോ​ൾ, ഇ​തി​ൽ 6000 കോ​ടി രൂ​പ​യു​ടെ അ​ഴി​മ​തി ന​ട​ന്ന​താ​യി സി.​പി.​എം ആ​രോ​പി​ച്ചി​രു​ന്നു. എ​ന്നാ​ൽ, 2016ൽ ​അ​ധി​കാ​ര​ത്തി​ലെ​ത്തി​യ ശേ​ഷം ക​മ്യൂ​ണി​സ്റ്റ് പാ​ർ​ട്ടി നി​ല​പാ​ട് മാ​റ്റി. അ​തേ​സ​മ​യം, 2017ലെ ​കം​ട്രോ​ള​ർ-​ഓ​ഡി​റ്റ​ർ ജ​ന​റ​ൽ (സി​.എ.​ജി) റി​പ്പോ​ർ​ട്ട് പ​ദ്ധ​തി ക​രാ​റി​ൽ ഉ​ൾ​പ്പെ​ടെ നി​ര​വ​ധി അ​പാ​ക​ത​ക​ൾ ക​ണ്ടെ​ത്തി. 40 വ​ർ​ഷ​ത്തെ ഇ​ള​വ് കാ​ല​യ​ള​വ് ക​ഴി​യു​മ്പോ​ൾ 5608 കോ​ടി രൂ​പ​യു​ടെ ന​ഷ്ട​മാ​കും സം​സ്ഥാ​ന​ത്തി​ന് ഉ​ണ്ടാ​ക്കു​ക​യെ​ന്നും സി.​എ.​ജി നി​രീ​ക്ഷി​ച്ചു. മ​റ്റ് സം​സ്ഥാ​ന​ങ്ങ​ൾ സ​മാ​ന തു​റ​മു​ഖ​ങ്ങ​ൾ​ക്ക് ചെ​ല​വാ​കു​ന്ന പ​ദ്ധ​തി ചെ​ല​വു​കൂ​ടി പ​രി​ശോ​ധി​ക്കു​മ്പോ​ൾ വി​ഴി​ഞ്ഞം പ​ദ്ധ​തി​ക്ക് വ​ക​യി​രു​ത്തി​യ തു​ക വ​ള​രെ വ​ലു​താ​ണെ​ന്നും സി.​എ.​ജി റി​പ്പോ​ർ​ട്ട് ക​ണ്ടെ​ത്തി.

തു​റ​മു​ഖം നി​ർ​മി​ക്കു​ന്ന​തി​നാ​യി ഇ​തി​ന​കം ആ​റുല​ക്ഷം ട​ൺ ക​രി​ങ്ക​ല്ല് ക​ട​ലി​ൽ നി​ക്ഷേ​പി​ച്ചി​ട്ടു​ണ്ട്. അ​തി​ൽ, ഭൂ​രി​ഭാ​ഗ​വും പ​ശ്ചി​മ​ഘ​ട്ട​ത്തി​ലെ അ​തി​ലോ​ല ഭാ​ഗ​ങ്ങ​ളി​ൽ​നി​ന്ന് ഖ​ന​നം ചെ​യ്ത് എ​ടു​ത്ത​വ​യാ​ണ്. ബാ​ക്കി​യു​ള്ള ജോ​ലി​ക​ൾ പൂ​ർ​ത്തി​യാ​ക്കാ​ൻ ഏ​ക​ദേ​ശം ഒ​രു കോ​ടി ട​ൺ ക​രി​ങ്ക​ല്ലു​കൂ​ടി വേ​ണ്ടി​വ​രും. ഇ​ത് ഒ​രേ​സ​മ​യം, പൊ​തു​ഫ​ണ്ടി​ന്റെ പാ​ഴ് വി​നി​യോ​ഗ​വും പ​ശ്ചി​മ​ഘ​ട്ടം ഇ​ടി​ച്ചു​നി​ര​ത്തി ക​ട​ലി​ൽ ചി​റ​കെ​ട്ടു​ന്ന പ്ര​കൃ​തി​വി​രു​ദ്ധ വി​ക​സ​ന ന​യ​വും അ​ല്ലേ?

വി​ഴി​ഞ്ഞ​ത്തെ അ​ദാ​നി തു​റ​മു​ഖം എ​ങ്ങ​നെ 80 കി​ലോ​മീ​റ്റ​ർ അ​ക​ലെ​യു​ള്ള മു​ത​ല​പ്പൊ​ഴി മ​ത്സ്യ​ബ​ന്ധ​ന തു​റ​മു​ഖ​ത്തി​ന്റെ നാ​ശ​ത്തി​ന് കാ​ര​ണ​മാ​കും? ഈ ​സം​ശ​യം യു​ക്തി​ര​ഹി​ത​മാ​യി​പ്പോ​ലും തോ​ന്നാം. എ​ന്നാ​ൽ, മു​ത​ല​പ്പൊ​ഴി​യി​ലും ക​ട​ൽ​ക്ഷോ​ഭ​വും വ​ലി​യ തി​ര​മാ​ല​ക​ളും രൂ​ക്ഷ​മാ​ണ്. ബോ​ട്ടു​ക​ൾ അ​പ​ക​ട​ത്തി​ൽ​പെ​ട്ട് 60ല​ധി​കം മ​ത്സ്യ​ബ​ന്ധ​ന തൊ​ഴി​ലാ​ളി​ക​ൾ കൊ​ല്ല​പ്പെ​ട്ടു. വി​ഴി​ഞ്ഞ​ത്ത് ത​ട​യ​ണ നി​ർ​മി​ക്കു​ന്ന​തി​ന് പാ​റ​ക​ൾ ക​യ​റ്റു​ന്ന​തി​നാ​യി മു​ത​ല​പ്പൊ​ഴി​യി​ൽ ക​ട​ൽ​പാ​ലം വേ​ണ​മെ​ന്ന് അ​ദാ​നി ഗ്രൂ​പ് ആ​വ​ശ്യ​പ്പെ​ട്ട​തോ​ടെ​യാ​ണ് പ്ര​ശ്‌​ന​ങ്ങ​ൾ ആ​രം​ഭി​ച്ച​ത്. സ​ർ​ക്കാ​ർ ഇ​തി​ന് സ​മ്മ​തി​ച്ചു. പാ​റ​ക​ൾ ക​ട​ത്താ​ൻ അ​ദാ​നി മു​ത​ല​​െപ്പാ​ഴി​യി​ൽ ഒ​രു തു​റ​മു​ഖ ചാ​ന​ൽ സൗ​ക​ര്യ​മൊ​രു​ക്കി. ത​ട​യ​ണ​യു​ടെ രൂ​പ​രേ​ഖ​യി​ലെ അ​പാ​ക​ത​യും ഹാ​ർ​ബ​ർ ചാ​ന​ൽ ബെ​ഡി​ലെ പാ​റ​ക​ൾ നീ​ക്കം​ചെ​യ്യു​ന്ന​തി​നും അ​ദാ​നി ഗ്രൂ​പ് ത​യാ​റാ​യി​ല്ല. ഇ​താ​ണ് മു​ത​ല​പ്പൊ​ഴി​യി​ലെ തു​റ​മു​ഖ​മു​ഖ​ത്ത് ആ​വ​ർ​ത്തി​ച്ചു​ള്ള അ​പ​ക​ട​ങ്ങ​ൾ​ക്ക് കാ​ര​ണ​മാ​യി ഇ​പ്പോ​ൾ ചൂ​ണ്ടി​ക്കാ​ട്ടു​ന്ന​ത്. മ​ത്സ്യ​ത്തൊ​ഴി​ലാ​ളി​ക​ൾ ദു​രി​തം​പേ​റു​മ്പോ​ൾ ഇ​ട​ത് സ​ഖ്യ സ​ർ​ക്കാ​ർ മൗ​നം​പാ​ലി​ക്കു​ന്നു. കേ​ര​ള​ത്തി​ലെ സ​ർ​ക്കാ​ർ ഭ​രി​ക്കു​ന്ന​ത് ജ​ന​ങ്ങ​ൾ​ക്കു​വേ​ണ്ടി​യോ കോ​ർ​പ​റേ​റ്റി​ന് വേ​ണ്ടി​യോ എ​ന്ന സം​ശ​യ​മാ​ണ് ഇ​വി​ടെ ദു​രി​തം അ​നു​ഭ​വി​ക്കു​ന്ന പാ​വ​ങ്ങ​ളു​ടെ മ​ന​സ്സി​ൽ.

എ​പ്പോ​ഴും തി​ര​ക്കു​ള്ള വി​ഴി​ഞ്ഞം മ​ത്സ്യ​ബ​ന്ധ​ന തു​റ​മു​ഖ​ത്തു​നി​ന്ന് 250 മീ​റ്റ​ർ മാ​ത്രം തെ​ക്കു​മാ​റി​യാ​ണ് അ​ദാ​നി തു​റ​മു​ഖം നി​ർ​മി​ക്കു​ന്ന​ത്. ഇ​ത് മേ​ഖ​ല​യി​ലെ മ​ത്സ്യ​ബ​ന്ധ​ന വ്യ​വ​സാ​യ​ത്തെ​യും സ​മു​ദ്ര ജൈ​വ​വൈ​വി​ധ്യ​ത്തെ​യും ഇ​തി​ന​കം​ത​ന്നെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്. തു​റ​മു​ഖ​ത്തി​ന്റെ ത​ട​യ​ണ​യു​ടെ​യും ക​ട​വു​ക​ളു​ടെ​യും നി​ർ​മാ​ണം പൂ​ർ​ത്തി​യാ​കു​മ്പോ​ഴേ​ക്കും സ്ഥി​തി കൂ​ടു​ത​ൽ വ​ഷ​ളാ​കും.

200ല​ധി​കം ഇ​നം മ​ത്സ്യ​ങ്ങ​ളു​ടെ പ്ര​ജ​ന​നകേ​ന്ദ്ര​വും ഇ​ന്ത്യ​ൻ മ​ഹാ​സ​മു​ദ്ര​ത്തി​ലെ ഏ​റ്റ​വും വ​ലി​യ പ​വി​ഴ​പ്പു​റ്റാ​യ വാ​ഡ്ജ് ബാ​ങ്കി​ന്റെ സ​മ്പ​ന്ന​മാ​യ സ​മു​ദ്ര ജൈ​വ​വൈ​വി​ധ്യ​വും ഈ ​നി​ർ​മാ​ണം​മൂ​ലം ക​ന​ത്ത ഭീ​ഷ​ണി​യി​ലാ​ണെ​ന്ന് വി​ദ​ഗ്ധ​ർ ഉ​റ​പ്പി​ച്ചു​പ​റ​യു​ന്നു. 60ല​ധി​കം ഇ​നം അ​ല​ങ്കാ​രമ​ത്സ്യ​ങ്ങ​ളു​ടെ​യും മ​റ്റ് സ​മു​ദ്ര​ജ​ന്തു​ക്ക​ളു​ടെ​യും ആ​വാ​സകേ​ന്ദ്ര​മാ​ണ് വാ​ഡ്ജ് ബാ​ങ്ക്. ക​ണ​വ, ക​ട്‌​ല​മീ​ൻ, കാ​ര​ങ്കി​ഡ്‌​സ്, ട്യൂ​ണ, ആ​ഞ്ചോ​വി, കൊ​ഞ്ച് തു​ട​ങ്ങി​യ വാ​ണി​ജ്യപ്രാ​ധാ​ന്യ​മു​ള്ള ഇ​ന​ങ്ങ​ളും ഇ​വി​ടെ സ​മൃ​ദ്ധ​മാ​ണ്. സം​ര​ക്ഷി​ത സ​മു​ദ്ര​മേ​ഖ​ല​യാ​യി വാ​ഡ്ജ് ബാ​ങ്കി​ന് പ​ദ​വി ഉ​ണ്ടാ​യി​രു​ന്നി​ട്ടും പ​ദ്ധ​തി​യു​മാ​യി മു​ന്നോ​ട്ടു​പോ​കാ​ൻ സം​സ്ഥാ​ന സ​ർ​ക്കാ​ർ തീ​രു​മാ​നി​ക്കു​ക​യാ​യി​രു​ന്നു.

വി​ഴി​ഞ്ഞ​ത്ത് അ​ദാ​നി പ​ദ്ധ​തി​മൂ​ലം മ​ത്സ്യ​ങ്ങ​ളു​ടെ പ്ര​ജ​ന​ന കേ​ന്ദ്ര​ങ്ങ​ൾ ന​ശി​പ്പി​ക്കു​ക​യും മ​ത്സ്യ​ബ​ന്ധ​നം കു​റ​യു​ക​യും ക​ട​ൽ​ത്തീ​ര​ങ്ങ​ൾ ന​ഷ്‌​ട​പ്പെ​ടു​ത്തു​ക​യും മ​ത്സ്യ​ബ​ന്ധ​ന കേ​ന്ദ്ര​ങ്ങ​ളി​ലേ​ക്ക് ക​ട​ക്കാ​ൻ​പോ​ലും ക​ഴി​യാ​ത്ത സാ​ഹ​ച​ര്യം ഉ​ണ്ടാ​കു​ക​യും മ​ത്സ്യ​ബ​ന്ധ​ന ബോ​ട്ടു​ക​ൾ അ​പ​ക​ട​ത്തി​ൽ​പെ​ടു​ന്ന​തും മൂ​ലം അ​മ്പ​തി​നാ​യി​ര​ത്തി​ലധി​കം മ​ത്സ്യ​ത്തൊ​ഴി​ലാ​ളി​ക​ളാ​ണ് ബാ​ധി​ക്ക​പ്പെ​ട്ട​ത്. നി​ക​ത്ത​ലും ഡ്ര​ഡ്ജി​ങ്ങും കാ​ര​ണം ക​ല​ങ്ങി​യ ച​ളി നി​റ​ഞ്ഞ വെ​ള്ളം മ​ത്സ്യ​ങ്ങ​ളു​ടെ പ്ര​ജ​ന​ന​വും ആ​വാ​സവ്യ​വ​സ്ഥ​യും അ​പ്പാ​ടെ ത​ക​ർ​ത്ത് മ​ത്സ്യ​ല​ഭ്യ​ത കു​റ​ച്ചു. വി​ഴി​ഞ്ഞ​ത്തി​നു സ​മീ​പം സ്ഥി​തി​ചെ​യ്യു​ന്ന 33 പാ​റ​ക്കൂ​ട്ട​ങ്ങ​ളി​ൽ 17 എ​ണ്ണം ഇ​തി​ന​കം ത​ക​ർ​ന്നി​ട്ടു​ണ്ട്. അ​വ​യി​ൽ 15 എ​ണ്ണം ഡ്ര​ഡ്ജി​ങ് കാ​ര​ണം മ​ണ്ണ് അ​ടി​ഞ്ഞ് ന​ശി​ച്ചു.

വിഴിഞ്ഞം പദ്ധതിക്കെതിരെ പ്രതിഷേധം -ഒരു ദൃശ്യം

വിഴിഞ്ഞം പദ്ധതിക്കെതിരെ ഉയരുന്ന പ്രതിഷേധംക​ട​ൽ​ക്ഷോ​ഭ​വും ക​ട​ൽക​യ​റ്റ​വും ഒ​രു സ്വാ​ഭാ​വി​ക പ്ര​തി​ഭാ​സ​മാ​യാ​ണ് പ​ല​രും ന്യാ​യീ​ക​രി​ക്കു​ന്ന​ത്. അ​വ​ർ പ​റ​യു​ന്ന​ത​നു​സ​രി​ച്ച്, ക​ട​ൽ കൊ​ണ്ടു​പോ​കു​ന്ന മ​ണ​ലും മ​ണ്ണും ഒ​രു പ്ര​ത്യേ​ക സ​മ​യ​ത്തി​നു​ശേ​ഷം അ​തേ സ്ഥ​ല​ത്ത് നി​ക്ഷേ​പി​ക്കും. ഇ​ത്ത​രം വാ​ദ​ങ്ങ​ൾ ഉ​യ​ർ​ത്തു​ന്ന​വ​ർ വി​ഴി​ഞ്ഞം പ​ദ്ധ​തി​യു​ടെ തെ​ക്കു​ഭാ​ഗ​ത്തു​ള്ള പു​ല്ലു​വി​ള സ​ന്ദ​ർ​ശി​ക്ക​ണം. അ​ദാ​നി തു​റ​മു​ഖ​ത്തി​ന്റെ വ​ട​ക്കു​നി​ന്ന് ഒ​ലി​ച്ചു​പോ​കു​ന്ന തീ​രം, അ​വി​ടെ​നി​ന്ന് ന​ഷ്ട​പ്പെ​ട്ട മ​ണ​ലും മ​ണ്ണും അ​വി​ടെ​യ​ല്ല തി​രി​കെ എ​ത്തു​ന്ന​ത്. പ​ക​രം പ​ദ്ധ​തി​യു​ടെ തെ​ക്ക​ുഭാ​ഗ​ത്താ​ണ് നി​ക്ഷേ​പി​ക്കു​ന്ന​ത്. ഈ ​പ്ര​തി​ഭാ​സം​ത​ന്നെ സാ​ഹ​ച​ര്യ​ത്തി​ന്റെ ഗൗ​ര​വ​ത്തി​ലേ​ക്ക് വി​ര​ൽ ചൂ​ണ്ടു​ന്നു. ക​ട​ൽ​ഭി​ത്തി​ക​ളും ത​ട​യ​ണ​ക​ളും തീ​ര​പ്ര​ദേ​ശ​ത്തെ അ​വ​ശി​ഷ്ട​ങ്ങ​ളു​ടെ ശേ​ഖ​ര​ണ​ത്തെ ത​ട​സ്സ​പ്പെ​ടു​ത്തു​ക​യും അ​ത് തീ​ര​നി​ക്ഷേ​പം വ​ഴി നി​ക​ത്തു​ന്ന​ത് ത​ട​യു​ക​യും ചെ​യ്യു​ന്നു​വെ​ന്ന് വി​ദ​ഗ്ധ​ർ നേ​ര​ത്തേ​ത​ന്നെ ചൂ​ണ്ടി​ക്കാ​ട്ടി​യി​രു​ന്നു.

2021 സെ​പ്റ്റം​ബ​റി​ൽ, 89 വ​ർ​ഷം പ​ഴ​ക്ക​മു​ള്ള തി​രു​വ​ന​ന്ത​പു​രം അ​ന്താ​രാ​ഷ്‌​ട്ര വി​മാ​ന​ത്താ​വ​ളം പ്ര​വ​ർ​ത്തി​പ്പി​ക്കു​ന്ന​തി​നും നി​യ​ന്ത്രി​ക്കു​ന്ന​തി​നും വി​ക​സി​പ്പി​ക്കു​ന്ന​തി​നു​മാ​യി അ​ദാ​നി എ​ന്റ​ർ​പ്രൈ​സ​സ് 50 വ​ർ​ഷ​ത്തെ പാ​ട്ട​ത്തി​നെ​ടു​ത്തു. കേ​ന്ദ്ര മ​ന്ത്രി​സ​ഭാ തീ​രു​മാ​ന​ത്തെ തു​ട​ർ​ന്നാ​യി​രു​ന്നു ന​ട​പ​ടി. കേ​ര​ളസ​ർ​ക്കാ​ർ ഇ​തി​നെ എ​തി​ർ​ത്തി​രു​ന്നു. തീ​ര​ദേ​ശ ശോ​ഷ​ണം ഇ​തു​പോ​ലെ ശ​ക്ത​മാ​യി തു​ട​ർ​ന്നാ​ൽ, ക​ട​ൽ വി​മാ​ന​ത്താ​വ​ള​ത്തി​ൽ എ​ത്തു​ന്ന കാ​ലം വി​ദൂ​ര​മ​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. അ​ദാ​നി​ക്ക് ഇ​വി​ടെ തു​റ​മു​ഖ​വും വി​മാ​ന​ത്താ​വ​ള​വും സം​യോ​ജി​പ്പി​ക്കാ​ൻ ക​ഴി​യും, ഒ​രു​പ​ക്ഷേ ലോ​ക​ത്തി​ലാ​ദ്യ​മാ​യി​രി​ക്കും. ഈ ​പ​ദ്ധ​തി വി​ക​സ​ന നേ​ട്ട​മാ​ണ് എ​ന്ന പ്ര​ചാ​ര​ണം സ​ർ​ക്കാ​ർ പി​ന്തു​ണ​യി​ൽ ന​ട​ക്കു​ക​യാ​ണ്. പ​ദ്ധ​തി​യു​ടെ പാ​രി​സ്ഥി​തി​ക-​സാ​മൂ​ഹി​ക ആ​ഘാ​ത​ങ്ങ​ൾ ചൂ​ണ്ടി​ക്കാ​ട്ടി എ​തി​ർ​ക്കു​ന്ന​വ​രെ പ​ല​പ്പോ​ഴും വി​ക​സ​ന വി​രോ​ധി​ക​ളോ ദേ​ശ​വി​രു​ദ്ധ​രോ ഒ​ക്കെ​യാ​യി മു​ദ്ര​കു​ത്താ​നു​ള്ള സാ​ധ്യ​ത​പോ​ലും നി​ല​വി​ലു​ണ്ട്. അ​തി​നാ​ൽ, വി​മ​ർ​ശ​നം​പോ​ലും ഇ​ന്ന് ഒ​രു വെ​ല്ലു​വി​ളി​യാ​ണ്.

പ​ശ്ചി​മ​ഘ​ട്ട​ത്തി​ലെ ആ​ദി​വാ​സി​ക​ളെ​യും മ​റ്റ് പ​ര​മ്പ​രാ​ഗ​ത നി​വാ​സി​ക​ളെ​യും​പോ​ലെ, തി​രു​വ​ന​ന്ത​പു​ര​ത്തെ തീ​ര​ദേ​ശ സ​മൂ​ഹ​ങ്ങ​ളും കാ​ലാ​വ​സ്ഥാ വ്യ​തി​യാ​ന​ത്തി​ന്റെ ഇ​ര​ക​ളും ബു​ദ്ധി​ശൂ​ന്യ​മാ​യ ഭ​ര​ണ​ക​ർ​ത്താ​ക്ക​ളു​ടെ​യും കോ​ർ​പ​റേ​റ്റ് അ​ത്യാ​ഗ്ര​ഹ​ത്തി​ന്റെ​യും ഇ​ര​ക​ളാ​യി മാ​റു​ന്നു. സ​മൂ​ഹ​ത്തി​ന്റെ തെ​റ്റാ​യ വി​ക​സ​ന ധാ​ര​ണ​ക​ൾ അ​വ​രെ ഒ​ന്നാ​കെ ത​ക​ർ​ച്ച​യി​ലേ​ക്ക് ത​ള്ളി​വി​ടു​ക​യാ​ണ്.

പ്രാ​വു​ക​ൾ​ക്ക് ആ​കാ​ശ​ത്ത് പ​റ​ക്കാ​ൻ ക​ഴി​യും, പ​ക്ഷേ അ​ലീ​ന​യു​ടെ സ്വ​പ്ന​ങ്ങ​ൾ​ക്ക് പ​രി​മി​തി​ക​ളു​ണ്ട്. എ​വി​ടെ​യാ​ണെ​ങ്കി​ലും കു​ട്ടി​ക​ൾ​ക്ക് പ്രാ​വു​ക​ളെ സ്നേ​ഹി​ക്കാ​നും പ​രി​പാ​ലി​ക്കാ​നും ക​ഴി​യും. എ​ന്നാ​ൽ, അ​ലീ​ന ചെ​യ്യു​ന്ന​പോ​ലെ​യാ​വി​ല്ല അ​ത്.