Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightമഞ്ഞക്കുപ്പായത്തിൽ...

മഞ്ഞക്കുപ്പായത്തിൽ ഇനിയുണ്ടാകുമോ..? ചിരിച്ചുകൊണ്ട്​ ധോണി പറഞ്ഞത്​

text_fields
bookmark_border
മഞ്ഞക്കുപ്പായത്തിൽ ഇനിയുണ്ടാകുമോ..? ചിരിച്ചുകൊണ്ട്​ ധോണി പറഞ്ഞത്​
cancel

അബുദാബി: കിങ്​സ്​ ഇലവൻ പഞ്ചാബി​െൻറ കന്നി ​െഎ.പി.എൽ കിരീടമെന്ന സ്വപ്​നവും തച്ചുടച്ച്​ ഇൗ സീസണിനോട്​ വിട പറയുന്ന ചെന്നൈ സൂപ്പർ കിങ്​സിൽ ഇനി തല ധോണിയുടെ സാന്നിധ്യമുണ്ടാവുമോ...?? ആരാധകരും ക്രിക്കറ്റ്​ പ്രേമികളും ആകാംക്ഷയിലായിരുന്നു​. മത്സരം തുടങ്ങുന്നതിന്​ മുമ്പ്​ തന്നെ ധോണി അടുത്ത സീസണില്‍ ടീമിനൊപ്പം ഉണ്ടാവില്ലെന്ന അഭ്യൂഹങ്ങള്‍ ശക്തമാവുകയും ചെയ്​തു. മഹി എതിര്‍ ടീമിലെ താരങ്ങള്‍ക്ക്​ ജഴ്‌സി സമ്മാനിക്കുന്നതും ഓട്ടോഗ്രാഫ് നല്‍കുന്നതുമെല്ലാം ചൂണ്ടിക്കാട്ടി പലരും താരത്തി​െൻറ അവസാന സീസണാണ്​ ഇതെന്ന്​ ഉറപ്പിച്ചു.

എന്നാൽ, അതിനെല്ലാം ഉത്തരവുമായി താരം തന്നെ രംഗത്തെത്തിയിരിക്കുകയാണ്​. മുൻ ന്യൂസീലൻഡ്​ ക്രിക്കറ്റർ ഡാനി മോറിസണാണ് ക്രിക്കറ്റ്​ പ്രേമികളുടെ ആകാംക്ഷക്ക്​ പരിഹാരമുണ്ടാക്കിയത്​. കിങ്‌സ് ഇലവന്‍ പഞ്ചാബിനെതിരായ ഈ സീസണില്‍ ചെന്നൈയുടെ അവസാനത്തെ മല്‍സരത്തിനു മുമ്പായിരുന്നു ധോണി ത​െൻറ ഭാവിയെക്കുറിച്ച് തുറന്നു പറഞ്ഞത്.

ടോസ് ലഭിച്ച ശേഷം കമ​േൻററ്റര്‍ ഡാനി മോറിസൺ ആ ചോദ്യം ധോണിയോടു ചോദിച്ചു. 'മഞ്ഞക്കുപ്പായത്തില്‍ ഇതു നിങ്ങളുടെ അവസാനത്തെ മല്‍സരമായിരിക്കുമോ ഇതെന്നായിരുന്നു ചോദ്യം. 'തീർച്ചയായും അല്ല...' എന്നായിരുന്നു ധോണി ചിരിച്ചുകൊണ്ട്​ രണ്ടേരണ്ട്​ വാക്കിൽ മറുപടി നൽകിയത്​. ഇതോടെ തല മഞ്ഞ ജഴ്​സിയിൽ വീണ്ടുമെത്തുമെന്ന്​ ഉറപ്പായി.

​െഎ.പി.എൽ ചരിത്രത്തിൽ ആദ്യമായി പ്ലേഒാഫ്​ കാണാതെ പുറത്തായ ചെന്നൈ അടുത്ത സീസണിൽ വമ്പൻ മാറ്റങ്ങളോടെയാകും എത്തുക. ഇൗ സീസണിൽ ഞെട്ടിക്കുന്ന പ്രകടനങ്ങൾ കാഴ്​ച്ചവെച്ച റുതുരാജ് ഗെയ്ക്വാദ്, ദീപക് ചഹര്‍, അമ്പാട്ടി റായുഡു, രവീന്ദ്ര ജഡേജ, സാം കറെന്‍, ഫാഫ് ഡുപ്ലെസി, എന്നിവരെ എന്തായാലും നിലനിർത്തിയേക്കും. എന്നാൽ, കേദാര്‍ ജാദവ്, ഷെയ്ന്‍ വാട്‌സന്‍, ഡ്വയ്ന്‍ ബ്രാവോ, പിയൂഷ് ചൗള, ഇമ്രാന്‍ താഹിര്‍ എന്നിവർക്ക്​ ടീമിൽ നിന്നും പുറത്തേക്കുള്ള വാതിൽ തുറന്നേക്കും. സീസണിൽ നിന്നും വിട്ടുനിന്ന സുരേഷ്​ റെയ്​ന, ഹർഭജൻ സിങ്​ എന്നിവരെയും നിലനിർത്താനിടയില്ല.

Show Full Article
TAGS:MS Dhoni chennai super kings 
Next Story