Begin typing your search above and press return to search.
exit_to_app
exit_to_app
Malayalam
cancel
Homechevron_rightVelichamchevron_rightDay to Rememberchevron_rightനൂറുമലയാളം

നൂറുമലയാളം

text_fields
bookmark_border

'ആറുമലയാളിക്കു നൂറുമലയാളം

അരമലയാളിക്കുമൊരു മലയാളം

ഒരുമലയാളിക്കും മലയാളമില്ല' -കുഞ്ഞുണ്ണിമാഷ്

'മറ്റുള്ള ഭാഷകൾ കേവലം ധാത്രിമാർ

മർത്യനു പെറ്റമ്മ തൻ ഭാഷതാൻ' -മാതൃഭാഷയെക്കാൾ മധുരം മ​റ്റൊന്നിനുമില്ല. മാതൃഭാഷക്കായി യുനെസ്കോ 1999 ഫെബ്രുവരി 21നെ ലോക മാതൃഭാഷ ദിനമായി പ്രഖ്യാപിച്ചു. മലയാളമാണ് നമ്മുടെ മാതൃഭാഷ. ഇന്ത്യയിൽ ശ്രേഷ്ഠഭാഷ പദവി ലഭിച്ച അഞ്ചാമത്തെ ഭാഷ. കേരളത്തിലും ലക്ഷദ്വീപിലും പു​തുച്ചേരിയുടെ ഭാഗമായ മാഹിയിലും മലയാളം സംസാരിക്കുന്നു. ദ്രാവിഡഭാഷ കുടുംബത്തിൽപ്പെട്ട മലയാളത്തിന്റെ വിശേഷങ്ങളറിയാം.

മലനാട്ടിലെ മലയാളം

മല, ആളം എന്നീ വാക്കുകൾ ചേർന്നതാണ് മലയാളം. ആളം എന്നാൽ സമുദ്രം എന്നും അർഥം വരും. മലകളും സമുദ്രവും ചേർന്നാണ് മലയാളമുണ്ടായതെന്ന് ചരിത്രകാരന്മാർ പറയുന്നു. മലയാള ഭാഷ സംസ്കൃതത്തിൽനിന്ന് ഉത്ഭവിച്ചതാണെന്നും സംസ്കൃതവും തമിഴും കൂടിച്ചേർന്ന മിശ്രഭാഷയാണെന്നും പറയുന്നുണ്ട്. എന്നാൽ, ഇവയെ തള്ളി മലയാളം മലനാട്ട് തമിഴിൽനിന്ന് ഉത്ഭവിച്ചുവെന്നും മലയാളം തമിഴിനൊപ്പം ഉണ്ടായെന്നും പറയുന്നു.

തുഞ്ചത്തെഴുത്തച്ഛൻ

തുഞ്ചത്ത് രാമാനുജൻ എഴുത്തച്ഛനെ ആധുനിക മലയാള ഭാഷയുടെ പിതാവ് എന്നു വിശേഷിപ്പിക്കുന്നു. പതിനഞ്ചാം നൂറ്റാണ്ടിനും പതിനാറാം നൂറ്റാണ്ടിനുമിടയിൽ ജീവിച്ചിരുന്നതായി കരുതുന്നു. മലപ്പുറം ജില്ലയിലെ തിരൂരിലെ തുഞ്ചൻപറമ്പാണ് ജന്മസ്ഥലം.

'പച്ച'മലയാളം

ഒരു വാക്കിന് ഒന്നോ രണ്ടോ അർഥമുണ്ടാകുന്നതിൽ അതിശയമില്ല. എന്നാൽ, പല അർഥങ്ങളുണ്ടെങ്കിലോ. അതും ഒരു വാക്കിനുതന്നെ. അതാണ് 'പച്ച'എന്ന വാക്ക്. കേൾക്കുമ്പോൾ ആദ്യം ഒരു നിറമായിരിക്കും ഓർമയിലെത്തുക. പിന്നീട് പാകമാകാത്തത്, പഴുക്കാത്തത് എന്നീ അർഥങ്ങളും ഓർമവരും. എന്നാൽ, പച്ചയെ മറ്റു വാക്കുകളോട് ചേർക്കുമ്പോഴോ​? പച്ചവെള്ളം, പച്ചമീൻ, പച്ചരി, പച്ചയിറച്ചി, പച്ചനോട്ട്, പച്ചചോറ്, പച്ചപരിഷ്കാരി, പച്ചക്കുപറയുക- ഓരോ വാക്കിനും ഓരോ അർഥങ്ങൾ കണ്ടെത്താനാകും.

മ​ല​യാ​ള ഭാ​ഷ​യി​ലെ അ​ന്യ​പ​ദ​ങ്ങ​ൾ

മലയാള ഭാ​ഷ​യി​ൽ പ്ര​യോ​ഗ​ത്തി​ലി​രി​ക്കു​ന്ന പ​ദ​ങ്ങ​ളിൽ ന​ല്ലൊ​രു ഭാ​ഗ​വും സം​സ്​​കൃ​ത​ത്തി​ൽ​നി​ന്ന് സ്വീകരിച്ചവയാണ്. കൂടാതെ, മ​റ്റു വി​ദേ​ശ ഭാ​ഷ​ക​ളി​ൽ​നി​ന്നും ത​മി​ഴി​ൽനി​ന്നും ധാ​രാ​ളം പ​ദ​ങ്ങ​ൾ മ​ല​യാ​ള​ത്തി​ൽ ക​ട​ന്നു​കൂ​ടി​യി​ട്ടു​ണ്ട്. കു​ട്ടി, ത​ത്ത, പ​ടി, മൂ​ങ്ങ, കു​ല... തുടങ്ങിയവ തമിഴ് പദങ്ങളാണ്. ക്രി​സ്​​തു​മ​തം ഇ​വി​ടെ പ്ര​ച​രി​ച്ചതു​മു​ത​ൽ സി​റി​യ​ൻ ഭാ​ഷ കേ​ര​ള​ത്തി​ലെ​ത്തി. പ​ല സി​റി​യ​ൻ പ​ദ​ങ്ങ​ളും അ​ങ്ങ​നെ മ​ല​യാ​ള​ത്തി​ൽ ക​ട​ന്നു​കൂ​ടി. 'ന​സ്രാ​ണി' എ​ന്ന വാ​ക്ക് സി​റി​യ​ൻ ആ​ണ്. അ​താ​യ​ത് സു​റി​യാ​നി.

പോ​ർ​ചു​ഗീ​സു​കാ​രു​ടെ വ​ര​വോ​ടെ ലാ​റ്റി​ൻ വാ​ക്കു​ക​ളും മലയാളത്തിൽ കടന്നുകൂടി. പി​ന്നീ​ട് അ​റ​ബി ഭാ​ഷ​യും മലയാളത്തിലെത്തി. ഹ​ർ​ജി, ഖ​ജാ​ൻ​ജി, ക​ത്ത്, കോ​ട​തി​യി​ലെ ജോ​ലി​ക്കാ​ര​നാ​യ ആ​മീ​ൻ, ദാ​നം എ​ന്ന അ​ർ​ഥം വ​രു​ന്ന ഇ​നാം, ഉ​ലു​വ, ഓ​ശാ​രം, ക​ട​ലാ​സ്, ക​റി, ക​വാ​ത്ത്, ദ​ല്ലാ​ൾ, ബ​ദ​ൽ, കീ​ശ, ബാ​ക്കി, പ​ത്തി​രി, കാ​ലി, മി​ന്നാ​രം, ക​മ്മീ​സ്​ എ​ന്നി​വ​യെ​ല്ലാം അ​റ​ബി പ​ദ​ങ്ങ​ളാ​ണ്. ഇ​ങ്ങ​നെ വി​വി​ധ കാ​ല​ഘ​ട്ട​ങ്ങ​ളി​ലാ​യി മ​ല​യാ​ള​ത്തി​ൽ മ​റ്റു ഭാ​ഷ​ക​ളി​ലെ ധാ​രാ​ളം പ​ദ​ങ്ങ​ൾ വ​ന്നു​ചേ​ർ​ന്നു.

Show Full Article
TAGS:mother language day Malayalam 
News Summary - International Mother Language Day
Next Story