Begin typing your search above and press return to search.
proflie-avatar
Login
exit_to_app
exit_to_app
മൊറോക്കോയിലെ ആ നീലനഗരം കാണണം
cancel
camera_alt

image courtesy: istock

Homechevron_rightVelichamchevron_rightGeneral Storieschevron_rightമൊറോക്കോയിലെ ആ നീലനഗരം...

മൊറോക്കോയിലെ ആ നീലനഗരം കാണണം

text_fields
bookmark_border

നിറങ്ങളില്ലാത്ത ലോകത്തെക്കുറിച്ച് ചിന്തിച്ചിട്ടുണ്ടോ? പച്ചവിരിച്ച പാടങ്ങളും സ്വർണനിറമുള്ള നെൽക്കതിരും ചെഞ്ചായമണിഞ്ഞ ആകാശവും നീലക്കടലും നമ്മെ എന്നും ആനന്ദിപ്പിക്കുന്നവയാണ്. ഇങ്ങനെ വിവിധ നിറങ്ങളിലുള്ള എത്രയെത്ര വസ്തുക്കളാണല്ലേ ഈ കൊച്ചു ഭൂമിയിലുള്ളത്. നിറങ്ങളോടുള്ള ഇഷ്​ടംപോലും പലതരത്തിലാവും. പലർക്കും പല നിറങ്ങളോടാകും ഇഷ്​ടം. ലോകത്തി​െൻറ ചിലയിടങ്ങളിലുള്ളവർ അവരുടെ സംസ്കാരവും ആചാരവും വ്യാഖ്യാനിക്കാനും നിറങ്ങളെ ഉപയോഗിക്കാറുണ്ട്​. അങ്ങനെയൊരു കഥയറിയാം...

image courtesy: istock


ആഫ്രിക്കൻ രാജ്യമാണെങ്കിലും യൂറോപ്പിനോട് ചേർന്നുനിൽക്കുന്ന മൊറോക്കോയിൽ നീലനിറത്തിൽ കുളിച്ചുനിൽക്കുന്ന ഒരു നഗരമുണ്ട്; പേര് ഷെഫ്ഷൗവീൻ. ചുമരുകളെല്ലാം നീല നിറമണിഞ്ഞ ഇവിടം 1471 കാലഘട്ടത്തിലാണ് സ്ഥാപിതമായത്. ആരംഭത്തിൽ ചെറിയൊരു കോട്ട മാത്രമായിരുന്ന ആ നഗരം മൗലാ അലി ഇബ്‌നു റാഷിദ് അൽ അലമി എന്ന വ്യക്തി പോർച്ചുഗീസ് അധിനിവേശത്തിനെതിരെ പോരാടി സ്ഥാപിച്ചതാണ്. ഖോമാറ (Ghomara) ഗോത്രവിഭാഗക്കാരായിരുന്നു ഇവിടത്തെ ആദിമവാസികൾ. കാലക്രമേണ മൊറിസ്കോസ്, ജൂതർ തുടങ്ങിയ വിഭാഗങ്ങളും ഇവിടെ താമസമാക്കി. ജൂതരാണ് ഈ നഗരത്തിനു നീല നിറം നൽകിയത്. 1920 മുതൽ പൊതുജനങ്ങൾക്ക് ഇവിടേക്ക് പ്രവേശനം നൽകിത്തുടങ്ങി.

image courtesy: istock

ആകാശത്തെയും സ്വർഗത്തെയും ആത്മീയ ജീവിതത്തെയും പ്രതിനിധാനംചെയ്യുന്ന നിറമായി ജൂതന്മാർ കരുതുന്നത് നീലയെയാണ്. എന്നാൽ, തദ്ദേശീയരായ സാധാരണക്കാരുടെ അഭിപ്രായത്തിൽ വിനോദസഞ്ചാരികളെ ആകർഷിക്കാനാണ് ഇങ്ങനെ ചെയ്തതെന്ന് ഒരുവിഭാഗവും അതല്ല ആ നാട്ടിലുള്ള കൊതുകിനെ തുരത്താനുള്ള മാർഗമായാണ് നീല നൽകിയതെന്ന് മറ്റൊരു വിഭാഗവും അഭിപ്രായപ്പെടുന്നു. കാര്യമെന്തുതന്നെയായാലും റിഫ് പർവതനിരകളുടെ മടിത്തട്ടിലുള്ള ഈ നഗരം കാണാൻ ചന്തമേറെയാണ്. ഇവിടെയുള്ള പള്ളികൾ, ഗോപുരങ്ങൾ, ഗോവണികൾ, മതിലുകൾ എന്നിവക്കെല്ലാം നീല നിറംതന്നെ. അതിനാലായിരിക്കണം ദൂരെനിന്നും നോക്കുമ്പോൾ ഈ നഗരമൊരു നീലക്കടൽ പോലെ സഞ്ചാരികൾക്കനുഭവപ്പെടുന്നതും. തദ്ദേശീയർ വളർത്തുന്ന പൂച്ചകളുടെ വിഹാരകേന്ദ്രം കൂടിയാണ് ഷെഫ്ഷൗവീൻ. നഗരകവാടങ്ങളിലും ഇടവഴികളിലുമെല്ലാം നിരവധി പൂച്ചകളെ കാണാൻ സാധിക്കും. മൊറോക്കോയിലെ ടാന്‍ഗിയർ ആണ് ഷെഫ്ഷൗവീൻ നഗരത്തിനടുത്തുള്ള വിമാനത്താവളം. ഇവിടെനിന്ന്​ മൂന്നര മണിക്കൂർ ബസ് മാർഗമോ ടാക്സി മുഖേനയോ നീലനഗരത്തിൽ എത്തിച്ചേരാം. ഏപ്രിൽ മാസവും ​േമയ് ആദ്യവാരവുമാണ് ഇവിടം സന്ദർശിക്കാൻ ഏറ്റവും ഉത്തമം. ഈ സമയങ്ങളിൽ വസന്തം വിരിയുന്നതോടുകൂടി വിവിധ നിറങ്ങളിലുള്ള പൂക്കളും സഞ്ചാരികളെ വരവേൽക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:journeymoroccodestinationstravel
News Summary - travel to blue city of morocco
Next Story