Begin typing your search above and press return to search.
exit_to_app
exit_to_app
stone age history
cancel
Homechevron_rightVelichamchevron_rightGeneral Storieschevron_rightശിലായുഗങ്ങൾ

ശിലായുഗങ്ങൾ

text_fields
bookmark_border

രിത്രം ഏറെയുണ്ട് മനുഷ്യന്. പ്രകൃതിയുടെ വെല്ലുവിളികളെ അതിജീവിച്ച് മുന്നേറി പുതുയുഗത്തിന്റെ കാലത്തേക്ക് ചുവടുവെച്ച ചരിത്രം. അതിൽ ആദ്യം ഓർക്കേണ്ടത് ശിലായുഗങ്ങളാണ്. മൂർച്ചയുള്ള കല്ലായുധങ്ങളിൽനിന്നും അമ്പും വില്ലിൽനിന്നും തോലുകൊണ്ടുള്ള കുപ്പായത്തിൽനിന്നും ചരിത്രം അവശേഷിപ്പിച്ച ആ ശിലായുഗം ഭാവനയിലെ കഥയേക്കാൾ എത്രയോ മഹത്തരം. ആ ചരിത്ര യാഥാർഥ്യങ്ങളിലേക്ക്...

പ്രാചീന ശിലായുഗം

ആയുധങ്ങളും ഉപകരണങ്ങളുമായി പരുക്കൻ കല്ലുകൾ ഉപയോഗിച്ച കാലഘട്ടമാണ്​ പ്രാചീന ശിലായുഗം. മൃഗങ്ങളെ വേട്ടയാടാനും അവയിൽനിന്ന്​ രക്ഷനേടാനും കിഴങ്ങുകൾ കുഴിച്ചെടുക്കാനുമായിരുന്നു ആ കണ്ടുപിടിത്തം. ഗുഹകളിലായിരുന്നു താമസം. കിഴങ്ങുകളും പഴങ്ങളും വേട്ടയാടിക്കിട്ടുന്ന മൃഗങ്ങളുടെ മാംസവും അവർ ഭക്ഷണമാക്കി. വേട്ടയാടലായിരുന്നു പ്രാചീന ശിലായുഗ മനുഷ്യ​െൻറ പ്രധാന ഉപജീവനമാർഗം. ഗുഹകൾക്കുള്ളിൽ വെളിച്ചത്തിനും ആഹാരം വേവിക്കാനും അവർ തീ ഉ​പയോഗിച്ചു തുടങ്ങി.

ആദ്യ ആയുധങ്ങൾ: കല്ലിൻതുണ്ടുകൾ, കൽച്ചീളുകൾ, എല്ലിൻ കഷണങ്ങൾ, മരക്കമ്പുകൾ തുടങ്ങിയവ

മാറ്റങ്ങൾ പിന്നീടും ഒരുപാടുണ്ടായി. മൂർച്ചയുള്ള ആയുധങ്ങളിലൂടെ കൂർത്ത നഖങ്ങളില്ലാത്തതിന്റെ കുറവ്​ പരിഹരിച്ചു. ദൂരെയുള്ള ജീവിയെ ഒാടിപ്പിടിക്കാൻ കഴിയാത്തതിനാൽ അമ്പും വില്ലും ഉപയോഗിച്ചുതുടങ്ങി. വെള്ളത്തിലൂടെ യാത്രചെയ്യാൻ മരത്തടികൾ ചേർത്തുവെച്ചു. തോലുകൊണ്ട് കുപ്പായമുണ്ടാക്കി. തീയുടെ കണ്ടെത്തൽകൂടിയായപ്പോൾ അവർ ഒന്നുകൂടി വളർന്നു. ഭക്ഷണം പാകം ചെയ്​ത്​ കഴിച്ച​ുതുടങ്ങി. ശൈത്യത്തെ അതിജീവിച്ചു. രാത്രിയിൽ ഇരുട്ടകറ്റി വെളിച്ചം ​െതളിച്ചു.

മധ്യശിലായുഗം

സൂക്ഷ്​മമായി ശിലായുധങ്ങൾ ഉപയോഗിച്ച കാലഘട്ടമായിരുന്നു മധ്യശിലായുഗം. അതിനാൽ, ഇൗ കാലഘട്ടം സൂക്ഷ്​മ ശിലായുഗം എന്നറിയപ്പെട്ടു. ആയുധം കമ്പിൽ കെട്ടി മൃഗങ്ങളെ വേട്ടയാടാനും മൃഗങ്ങളെയും മറ്റു വസ്​തുക്കളെയും ദൂരെനിന്ന്​ എറിഞ്ഞിടാനും വേട്ടയാടിയ മൃഗങ്ങളുടെ തോലുരിക്കാനും ഇത്തരം ആയുധങ്ങൾ മനുഷ്യനെ സഹായിച്ചു.

മധ്യശിലായുഗത്തിൽ മനുഷ്യന് ഒരുപാട് പുരോഗതികളുണ്ടായി. ആഹാരരീതി മാറി. നായ്ക്കളെ ഇണക്കിവളർത്തി. സ്​ഥിരവാസം തുടങ്ങി.

നവീന ശിലായുഗം

കൃഷിയുടെയും കന്നുകാലി വളർത്തലി​​െൻറയും ആരംഭകാലമാണ്​ നവീന ശിലായുഗം. പുതിയ നായാട്ടുരീതികളും നല്ല ആയുധങ്ങളും അവരെ നല്ല ജീവിതങ്ങളിലേക്ക്​ നയിച്ചു. തേച്ച്​, മൂർച്ചകൂട്ടിയ ശിലായുധങ്ങൾ ഉപയോഗിക്കാൻ തുടങ്ങിയ കാലത്തിനാണ്​ നവീന ശിലായുഗം എന്നു പറയുന്നത്​.

കൃഷിയുടെ ആരംഭം, കാലി വളർത്തൽ, വായ്​ത്തല മൂർച്ചകൂട്ടിയ ശിലായുധങ്ങൾ, പരുക്കൻ കളിമൺ പാത്രങ്ങളുടെ നിർമാണം, സാമൂഹികജീവിതത്തി​െൻറ ആരംഭം എന്നിവയെല്ലാം ഈ കാലഘട്ടത്തി​െന്റ പ്രത്യേകതയാണ്.

ചക്രം കണ്ടെത്തിയപ്പോൾ

ചക്രത്തി​െൻറ കണ്ടുപിടിത്തം മനുഷ്യജീവിതത്തിലെ വലിയ മാറ്റമുണ്ടാക്കി. മൺപാത്ര നിർമാണത്തിന്​ തുടക്കമായതോടെ തൊഴിൽ സംസ്​കാരത്തിനും തൊഴിൽ കൂട്ടായ്​മക്കും തുടക്കം കുറിച്ചു. പിന്നീട്​ മനുഷ്യ​െൻറ അധ്വാനഭാരം മൃഗങ്ങളിലേക്കും യന്ത്രങ്ങളിലേക്കും പങ്കുവെക്കപ്പെട്ടു.

താമ്രശിലായുഗം

നവീന ശിലായുഗത്തിൽനിന്നുള്ള മാറ്റത്തി​െൻറ കാലമായിരുന്നു താമ്രശിലായുഗം. ഈ കാലഘട്ടത്തിൽ ചെമ്പുകൊണ്ടുള്ള ഉപകരണങ്ങൾ നിർമിച്ചിരുന്നു. ശിലായുധങ്ങളോടൊപ്പം ചെമ്പ്​ ഉപകരണങ്ങളും ഉപയോഗിച്ചു. നഗരജീവിതം തുടങ്ങി. അടുപ്പുകളോടുകൂടിയ വീടുകൾ നിർമിച്ചു. മൺപാത്ര നിർമാണത്തിന്​ ചക്രങ്ങൾ ഉപയോഗിച്ചുതുടങ്ങി.

മനുഷ്യജീവിതം വന്ന വഴികൾ

  • അലഞ്ഞുതിരിഞ്ഞ്​ നടന്ന്​ ലഭ്യമായ കായ്​കനികൾ ഭക്ഷിച്ചു
  • ആയുധമായി പരുക്കൾ കല്ലുകൾ, പിന്നെയത്​ മിനുസമാക്കി ഉപയോഗിച്ചു
  • കാട്ടുതീ ഉപയോഗപ്പെടുത്തുന്നു, ഇരുട്ടിൽനിന്ന്​ രക്ഷ
  • തീയുണ്ടാക്കാൻ കഴിവു​ നേടുന്നു, മാംസം വേവിച്ചുപയോഗിച്ചു
  • കൃഷി, കാലിവളർത്തൽ, സാമൂഹികജീവിതം
  • ചക്രത്തി​െൻറ കണ്ടുപിടിത്തം, പാത്രനിർമാണം, തൊഴിൽ കൂട്ടായ്​മ
  • നദീതടങ്ങളിൽ കൃഷിയും താമസവും തുടങ്ങുന്നു

തെളിവുകൾ

പ്രാചീന മനുഷ്യജീവിതത്തെക്കുറിച്ച്​ വിവരം നൽകുന്ന പ്രധാന തെളിവുകൾ​ ഗുഹാചിത്രങ്ങളാണ്. ഫ്രാൻസിലെ ലസ്​കോഗുഹയിൽ 2000ത്തോളം ഗുഹാചിത്രങ്ങളുണ്ട്​. ദക്ഷിണ ഫ്രാൻസിൽ സ്​ഥിതിചെയ്യുന്ന ഷോവെ ഗുഹ വളരെ വിശാലമായ ഒന്നാണ്​. സ്​പെയിനിൽ സ്​ഥിതിചെയ്യുന്ന അൾടാമിറ ഗുഹ ബഹുവർണങ്ങൾ നിറഞ്ഞതാണ്​. മധ്യപ്രദേശിലെ ഭിംബേസ്​ക ഇന്ത്യയിലെ ഏറ്റവും പ്രാചീന ശിലായുഗ കേന്ദ്രമാണ്​.1957ൽ വി.എസ്​. വകൻകർ ആണ്​ ഭിംബേസ്​കയിലെ ചിത്രങ്ങൾ ആദ്യമായി ശ്രദ്ധയിൽ കൊണ്ടുവരുന്നത്​. വേട്ടയുടെയും സംഘപ്രവർത്തനത്തി​​െൻറയും ചിത്രങ്ങളാണ്​ ഏറ്റവും ശ്രദ്ധേയം.

ഇന്ത്യയിലെ പ്രാചീന ശിലായുഗ കേന്ദ്രങ്ങൾ

ശിലായുഗ കേന്ദ്രങ്ങളും അവയുടെ സംസ്​ഥാനം

ഭിംബേസ്​ക-മധ്യപ്രദേശ്​

നർമദാ താഴ്​വര-മധ്യപ്രദേശ്​, മഹാരാഷ്​ട്ര, ഗുജറാത്ത്​

ഹൻസ്​ഗി-ആന്ധ്രപ്രദേശ്​

നാഗാർജുനകൊണ്ട-ആന്ധ്രപ്രദേശ്​

കുർനൂൽ ഗുഹകൾ-ആന്ധ്രപ്രദേശ്​

കേരളത്തിലെ ശിലായുഗ കേന്ദ്രം

വയനാട്​ ജില്ലയിൽ സുൽത്താൻ ബത്തേരിക്കടുത്ത്​ അമ്പുകുത്തി മലയിലാണ്​ എടക്കൽ ഗുഹ സ്​ഥിതി ചെയ്യുന്നത്​. കേരളത്തിലെ ശിലായുഗത്തി​െൻറ തെളിവുകൾ എടക്കൽ ഗുഹയിൽനിന്ന്​ ലഭിക്കുന്നു. പ്രകൃതിദത്തമായ ഇൗ ഗുഹയിൽ പാറച്ചുമരുകളിന്മേൽ നിരവധി ചിത്രങ്ങൾ കാണാം. ഇവ പാറമേൽ ഉരച്ചുരച്ച്​ വരച്ചവയാണ്​. മനുഷ്യരൂപങ്ങളുടെ ചിത്രങ്ങളാണ്​ ഇവയിലധികവും.

Show Full Article
TAGS:stone age 
News Summary - stone age history
Next Story