ഗോ​ൾ പോ​സ്​റ്റി​നു വ​ല​യു​ണ്ടാ​യ ക​ഥ അറിയാമോ?

ഫു​ട്ബാ​ളി​നെ മ​ത​മാ​യും ജീ​വി​തശൈ​ലി​യാ​യും നെ​ഞ്ചേ​റ്റി പാ​ട​ത്തും പ​റ​മ്പി​ലും മൈ​താ​ന​ങ്ങ​ളി​ലും കാ​ലു​ക​ൾ കൊ​ണ്ട് വി​സ്മ​യം തീ​ർ​ക്കു​ന്ന ഒ​രു​പാ​ട് മ​നു​ഷ്യ​ർ ന​മ്മു​ടെ ഈ ​ലോ​ക​ത്തു​ണ്ട്. വി.​പി. സ​ത്യ​ൻ, ഐ.എം. വി​ജ​യ​ൻ, പെ​ലെ, ല​യ​ണ​ൽ മെ​സ്സി , നെ​യ്മ​ർ തു​ട​ങ്ങി​യ കാ​ൽ​പ​ന്തുകൊ​ണ്ട് വി​സ്മ​യം തീ​ർ​ത്ത​വ​ർ ന​മു​ക്കെ​ന്നും പ്രി​യ​പ്പെ​ട്ട​വ​രാ​ണ്. പ​ര​സ്പ​രം പോ​ര​ടി​ക്കു​ന്ന മ​ത്സ​ര​മാ​ണ് കാ​ൽ​പ​ന്തെ​ങ്കി​ലും ഈ ​ശ​ത്രു​ത​യെ​ല്ലാം ക​ളി​ക്ക​ള​ത്തി​ൽ​ത​ന്നെ തീ​രു​ക​യും ക​ളിക​ഴി​ഞ്ഞ് പ​ര​സ്പ​രം കൈ​കൊ​ടു​ത്തും കെ​ട്ടി​പ്പി​ടി​ച്ചും മൈ​താ​നം വി​ടു​ക​യും ചെ​യ്യു​ന്ന ഫു​ട്ബാ​ളി​നെ ലോ​കം എ​ന്നും നെ​ഞ്ചേ​റ്റു​ന്നു. ഫു​ട്ബാ​ളി​​െൻറ കോ​ർ​ട്ട് കൂ​ട്ടു​കാ​ർ ക​ണ്ടി​ട്ടി​ല്ലേ? ആ ​കോ​ർ​ട്ടി​ലെ ഗോ​ൾ​പോ​സ്​റ്റിനു പി​റ​കി​ൽ ഒ​രു വ​ല കെ​ട്ടി​യി​ട്ടു​ള്ള​തും ക​ണ്ടി​ട്ടു​ണ്ടാ​കും. എ​ന്തി​നാ​യി​രി​ക്കും ഇ​ങ്ങനെ​യൊ​രു വ​ല അ​വി​ടെ കെ​ട്ടി​യി​ട്ടു​ണ്ടാ​വു​ക? പ​ന്ത് തെ​റി​ച്ചുപോ​വാ​തി​രി​ക്കാ​നാ​വും എ​ന്ന​ല്ലേ നാ​മെ​ല്ലാം ക​രു​തു​ക. അ​ങ്ങ​നെ​യെ​ങ്കി​ൽ കോ​ർ​ട്ടി​ന് ചു​റ്റും വ​ല കെ​ട്ടേ​ണ്ട​ത​ല്ലേ. ഇ​ങ്ങ​നെ ഗോ​ൾ പോ​സ്​റ്റിനു പി​റ​കി​ൽ വ​ലകെ​ട്ടാ​ൻ ആ​രം​ഭി​ച്ചി​ട്ട് ഒ​രു നൂ​റ്റാ​ണ്ട് ക​ഴി​ഞ്ഞ​തേ​യു​ള്ളൂ. അ​തി​നൊ​രു കാ​ര​ണ​വു​മു​ണ്ടാ​യി​രു​ന്നു.

1889ൽ ​ഇം​ഗ്ല​ണ്ടി​ലെ ലി​വ​ർ​പൂ​ളി​ൽ വാ​ശി​യേ​റി​യ ഫു​ട്ബാ​ൾ മ​ത്സ​രം ന​ട​ക്കു​ക​യാ​ണ്. Everton-Accrington ടീ​മു​ക​ൾ ത​മ്മി​ലാ​ണ് മ​ത്സ​രം. മ​ത്സ​ര​ത്തി​നി​ട​ക്കെ​പ്പോ​ഴോ ടീ​മു​ക​ൾ ത​മ്മി​ൽ ത​ർ​ക്ക​മു​ണ്ടാ​യി. ഒ​രു ടീം ​അ​ടി​ച്ച ഗോ​ളി​​െൻറ കാ​ര്യ​ത്തി​ലാ​യി​രു​ന്നു ത​ർ​ക്കം. ഗോ​ൾ​പോ​സ്​റ്റി​ൽ ത​ട്ടി പാ​ഞ്ഞു പോ​യ പ​ന്ത് പു​റ​ത്തു​കൂ​ടി​യാ​ണോ അ​ക​ത്തു​കൂ​ടി​യാ​ണോ പോ​യ​ത് എ​ന്നാ​യി​രു​ന്നു സം​ശ​യം. അ​ത്ര​യും വേ​ഗ​ത്തി​ൽ പാ​ഞ്ഞു​പോ​യ പ​ന്ത് ഗോ​ൾ ആ​യോ എ​ന്ന് ഉ​റ​പ്പി​ച്ചുപ​റ​യു​ക പോ​ലും അ​സാ​ധ്യ​മാ​യി​രു​ന്നു. ഇ​ന്ന​ത്തെ കാ​ല​ത്തെ പു​തി​യ ടെ​ക്നോ​ള​ജി​ക​ളോ വി​ഡി​യോ കാമ​റ​യി​ലെ റീ​പ്ലേ​യോ ഒ​ന്നും അ​ന്നി​ല്ല​ല്ലോ. അ​ങ്ങ​നെ ര​ണ്ട് -ര​ണ്ട് എ​ന്ന സ​മ​നി​ല​യി​ൽ അ​ന്ന് മ​ത്സ​രം അ​വ​സാ​നി​പ്പി​ക്കു​ക​യാ​യി​രു​ന്നു. മ​ത്സ​രം വീ​ക്ഷി​ച്ചുകൊ​ണ്ടി​രി​ക്കു​ന്ന ജോ​ൺ ബ്രോ​ഡി എ​ന്ന എ​ൻജിനീ​യ​ർ​ക്ക് ഇ​തി​നൊ​രു പ​രി​ഹാ​രം ക​ണ്ടെ​ത്ത​ണ​മെ​ന്നു തോ​ന്നി. അ​ങ്ങ​നെ 1889 ന​വം​ബ​ർ മാ​സ​ത്തി​ൽ ഗോ​ൾ പോ​സ്​റ്റി​നു പി​റ​കി​ൽ ഒ​രു വ​ല കെ​ട്ടി​യാ​ൽ പ്ര​ശ​്​നം പ​രി​ഹ​രി​ക്കാ​മെ​ന്ന ആ​ശ​യം അ​ദ്ദേ​ഹം ഫു​ട്ബാ​ൾ അ​ധി​കൃ​ത​ർ​ക്ക് മു​ന്നിൽ സ​മ​ർ​പ്പി​ച്ചു. അ​ടു​ത്ത വ​ർ​ഷം അ​ധി​കൃ​ത​ർ അ​തി​നു അം​ഗീ​കാ​രം ന​ൽ​കു​ക​യും ചെ​യ്തു.

അ​ങ്ങ​നെ 1891 മാ​ർ​ച്ച് മാ​സ​ത്തി​ൽ ല​ണ്ട​നി​ലെ ഓ​വ​ലി​ൽ ന​ട​ന്ന ഫു​ട്ബാ​ൾ മ​ത്സ​ര​ത്തി​ൽ ഈ ​ആ​ശ​യം ആ​ദ്യ​മാ​യി പ​രീ​ക്ഷി​ച്ചുനോ​ക്കി. അ​ന്നു​മു​ത​ൽ ഗോ​ൾ​പോ​സ്​റ്റിനു പി​ന്നി​ലെ വ​ല സ്ഥി​ര​മാ​യി ഉ​പ​യോ​ഗി​ക്കാ​ൻ തു​ട​ങ്ങി. ത​​െൻറ ജീ​വി​ത​ത്തി​ലെ മ​ഹ​ത്താ​യ ക​ണ്ടു​പി​ടി​ത്ത​മാ​ണി​തെ​ന്നാ​ണ് ബ്രോ​ഡി ഒ​രി​ക്ക​ൽ ഇ​തി​നെ വി​ശേ​ഷി​പ്പി​ച്ചത്.