Begin typing your search above and press return to search.
proflie-avatar
Login
exit_to_app
exit_to_app
Homechevron_rightTravelchevron_rightNaturechevron_right'ലോക്​ഡൗൺ കാലത്ത്​...

'ലോക്​ഡൗൺ കാലത്ത്​ ഞങ്ങൾ കൂടുതൽ ഹാപ്പിയാണ്​'; കാണാം നാഗർഹോളയിലെ വിശേഷങ്ങൾ - വിഡിയോ

text_fields
bookmark_border
Nagarahole National Park And Tiger Reserve
cancel

കോവിഡിനെ തുടർന്ന്​ ഇന്ത്യയിലെ ഒട്ടുമിക്ക സംസ്​ഥാനങ്ങളിലും ലോക്​ഡൗൺ പ്രഖ്യാപിച്ചിരിക്കുകയാണ്​. ജനങ്ങൾക്ക്​ അത്യാവശ്യ കാര്യങ്ങൾക്ക്​ മാത്രമാണ്​ പുറത്തിറങ്ങാൻ കഴിയുന്നത്​. യാത്രകൾ പാടെ നിലച്ചു. ജനജീവിതം താറുമാറായി. പലരും പട്ടിണിയുടെ പിടിയിലാണ്​.

എന്നാൽ, മനുഷ്യർ അനുഭവിക്കുന്ന ഈ പ്രതിസന്ധികളൊന്നും അറിയാതെ കൂടുതൽ സ്വസ്​ഥതയോടെ കഴിയുന്ന കൂട്ടരുണ്ട്​ ഇവിടെ. രാജ്യത്തെ വിവിധ കാടുകളിൽ കഴിയുന്ന വന്യജീവികൾ.

കാട്ടിനകത്ത്​ മനുഷ്യർ നടത്തുന്ന സഫാരികളും ട്രെക്കിങ്ങൊന്നും ഇല്ലാത്തതിനാൽ ഇവർ കൂടുതൽ ഹാപ്പിയാണ്​. മൃഗങ്ങളുടെ ഈ സന്തോഷവും സമാധാനവുമെല്ലാം ഒപ്പിയെടുത്ത്​ കാഴ്​ചക്കാർക്ക്​ മുന്നിലെത്തിക്കുകയാണ്​ കർണാടക വനംവകുപ്പ്​.


നാഗർഹോള ടൈഗർ കൺസെർവേഷൻ ഫൗണ്ടേഷൻെറ സഹായത്തോടെ പരിസ്​ഥിതി ദിനത്തിൻെറ ഭാഗമായാണ്​ വിഡിയോ പുറത്തിറക്കിയത്​. വീട്ടിലിരുന്ന്​ നാഗർഹോള ​ടൈഗർ റിസർവിലെ കാഴ്​ചകൾ അനുഭവിക്കാം എന്ന അടിക്കുറി​പ്പോടെയാണ്​ വിഡിയോ പങ്കുവെച്ചിട്ടുള്ളത്​.

ആറ്​ മിനിറ്റ്​ ദൈർഘ്യമുള്ള വിഡിയോയിൽ​ മാനുകൾ കൊമ്പുകോർക്കുന്നതും കടുവയെ പേടിച്ചുനിൽക്കുന്ന ജീവികളെയും കൂട്ടംകൂടി നിൽക്കുന്ന കുറുക്കൻമാരെയും റോഡിന്​ നടുവിൽ പീലിവിടർത്തി നൃത്തം ചെയ്യുന്ന മയിലിനെയും കാണാം.

മരത്തിന്​ മുകളിൽ വിശ്രമിക്കുന്ന പുള്ളിപ്പുലി, വിവിധ തരം പക്ഷികൾ, മലയണ്ണാൻ, കരിമ്പുലി, ​ടാറിട്ട റോഡിലൂടെ സ്വൈര്യമായി നടക്കുന്ന കരടികൾ, ആനകളുടെ നീരാട്ട്​ എന്നിവയും ഇതിൽ ഉൾക്കൊള്ളിച്ചിരിക്കുന്നു.

ഡ്രോണടക്കമുള്ള കാമറകൾ ഉപയോഗിച്ചാണ്​ വിഡിയോയിലെ ഓരോ മനോഹരമായ രംഗങ്ങളും ചിത്രീകരിച്ചിരിക്കുന്നത്​. പ്രകാശ്​ മാടഡയാണ്​ ഇതിൻെറ ചിത്രീകരണവും എഡിറ്റിങ്ങും നിർവഹിച്ചിട്ടുള്ളത്​. മികച്ച പ്രതികരണമാണ്​ വിഡിയോക്ക്​ ലഭിക്കുന്നത്​. ഒരു ലക്ഷത്തിനടുത്ത്​ ആളുകൾ ഈ വിഡിയോ കണ്ടുകഴിഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Tiger ReserveNagarahole National Park
News Summary - ‘We are happier during lockdown’; Watch Nagarhole Highlights - Video
Next Story