പ്രകൃതി ഒളിപ്പിച്ചുവച്ച മരുപ്പച്ച

zസാ​ഹ​സി​ക സ​ഞ്ചാ​രം ഇ​ഷ്ട​പ്പെ​ടു​ന്ന​വ​രു​ടെ മി​ക​ച്ച ഡെ​സ്റ്റി​നേ​ഷ​നാ​ണ്​ റാ​സ​ൽ ഖൈ​മ​യി​ലെ ഹി​ഡ​ൻ ഒ​യാ​സീ​സ്. ജ​ബ​ൽ ജെ​യ്‌​സ് പ​ർ​വ്വ​തനി​ര​ക​ളാ​ലും ഒ​മാ​നി​ന്‍റെ ഭാ​ഗ​മാ​യ അ​ൽ ഹാ​രി​മ് മ​ലനി​ര​ക​ളാ​ലും ചു​റ്റ​പ്പെ​ട്ട ഏ​ക്ക​റു​ക​ളോ​ളം വി​സ്തൃ​തി​യി​ൽ പ​ര​ന്നുകി​ട​ക്കു​ന്ന പ്ര​ദേ​ശം പ്ര​കൃ​തി ഭം​ഗി ​കൊ​ണ്ട്​ ആ​രേ​യും ആ​ക​ർ​ഷി​ക്കു​ന്ന​താ​ണ്​. ഹി​ഡ​ൻ ഓ​യാ​സീ​സ് പാ​ർ​ക്കി​ങ് എ​ന്ന് ഗൂ​ഗി​ൾ മാ​പ്പി​ൽ സെ​ർ​ച്ചു ചെ​യ്താ​ൽ റാ​സ​ൽ ഖൈ​മ​യി​ലെ ജ​ബ​ൽ ജൈ​യ്സ് മ​ല മു​ക​ളി​ലേ​ക്ക് പോ​വു​ന്ന വ​ഴി​യി​ൽ കൃ​ത്യ​മാ​യി പാ​ർ​ക്കി​ങ്ങി​ൽ എ​ത്താം. വാ​ഹ​നം അ​വി​ടെ​ത്ത​ന്നെ​യോ കു​ത്ത​നെ​യു​ള്ള ഇ​റ​ക്കം ഇ​റ​ങ്ങി താ​ഴ​യോ പാ​ർ​ക്കു ചെ​യ്ത​തി​നു​ശേ​ഷം നേ​രെ ഇ​ട​ത്തോ​ട്ട് ഏ​ക​ദേ​ശം നാ​ല് കി​ലോ​മീ​റ്റ​ർ ന​ട​ന്നാ​ൽ ഹി​ഡ​ൻ ഓ​യാ​സീ​സി​ൽ എ​ത്താം.

അ​ൽ​പ്പം സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​ർ​ക്ക് ചെ​ങ്കു​ത്താ​യ മ​ല മു​ക​ളി​ലേ​ക്ക് ക​യ​റി മ​ല​യു​ടെ ഓ​രം ചേ​ർ​ന്ന് നാ​ല​ടി​യോ​ളം വീ​തി​യു​ള്ള നാ​ട​ൻ ഭാ​ഷ​യി​ൽ പ​റ​ഞ്ഞാ​ൽ (ഒ​റ്റ​യ​ടി​പ്പാ​ത​യി​ലൂ​ടെ) താ​ഴെ വ​ലി​യ കൊ​ക്ക​യു​ടെ ഭീ​ക​ര​ത​യും മു​ക​ളി​ൽ പ്ര​കൃ​തി​യു​ടെ ക​ര​വി​രു​തി​നാ​ൽ ക​രി​ങ്ക​ല്ലി​ൽ കൊ​ത്തി​വെ​ച്ച മ​ല​നി​ര​ക​ളു​ടെ സൗ​ന്ദ​ര്യ​വും മ​ല​യു​ടെ മ​റു​ഭാ​ഗം ജ​ബ​ൽ ജൈ​സി​ലേ​ക്കു​ള്ള വ​ള​ഞ്ഞു തി​രി​ഞ്ഞു​ള്ള ചു​രം പാ​ത​യു​ടെ കാ​ഴ്ച​ക​ളും ക​ണ്ടു കൊ​ണ്ട് ന​ട​ക്കാം. ന​ട​ത്തം താ​ഴ്ഭാ​ഗ​ത്തു കൂ​ടെ​യാ​ണെ​ങ്കി​ലും മു​ക​ളി​ലൂ​ടെ​യാ​ണെ​ങ്കി​ലും ഒ​ടു​വി​ൽ ഒ​രു അ​ണ​ക്കെ​ട്ടി​ന​ടു​ത്താ​ണ് എ​ത്തി​ച്ചേ​രു​ക. അ​വി​ടെ നി​ന്നും ചെ​റി​യ ഉ​രു​ള​ൻ ക​ല്ലു​ക​ൾ കൊ​ണ്ട് അ​ട​യാ​ള​പ്പെ​ടു​ത്തി​യ പാ​ത​യി​ലൂ​ടെ പ​ല​ത​രം കാ​ഴ്ച​ക​ൾ ക​ണ്ടു കൊ​ണ്ട് മു​ന്നോ​ട്ട് ന​ട​ക്കു​മ്പോ​ൾ ക​രി​ങ്ക​ല്ലി​ൽ ക​ട​ഞ്ഞെ​ടു​ത്ത ല​ക്ഷ​ണ​മൊ​ത്ത ശി​ൽ​പ്പ​ങ്ങ​ൾ എ​ന്ന് വേ​ണ​മെ​ങ്കി​ൽ പ​റ​യാ​വു​ന്ന ത​ര​ത്തി​ൽ ഇ​ട​തും വ​ല​തും പ​ല രൂ​പ​ത്തി​ലും ഭാ​വ​ത്തി​ലും ഉ​ള്ള മ​ല നി​ര​ക​ൾ ചി​ല​വ ഭീ​ക​ര രൂ​പി​ക​ളാ​യ മ​നു​ഷ്യ മു​ഖം തോ​ന്നു​ന്ന​താ​ണെ​ങ്കി​ൽ മ​റ്റു ചി​ല​ത് മൃ​ഗ​ങ്ങ​ളെ​പ്പോ​ലു​ള്ള​താ​യി​രി​ക്കും. വേ​റൊ​രു കൂ​ട്ടം പാ​റ​ക​ൾ വ​ലി​യ പ​ഴ​യ കെ​ട്ടി​ട​ങ്ങ​ളെ ഓ​ർ​മി​പ്പി​ക്കു​ന്ന​വ​യാ​ണ്.

നി​ർ​മാ​ണ​ത്തി​ലി​രി​ക്കു​മ്പോ​ൾ ഇ​ടി​ഞ്ഞു വീ​ണ മ​തി​ലു പോ​ലെ തോ​ന്നി​ക്കു​ന്ന പാ​റ​ക്കൂ​ട്ട​ങ്ങ​ളും കു​ത്ത​നെ ചാ​രി നി​ർ​ത്തി​യ പ​ല​ക​ക​ൾ പോ​ലെ​യു​ള്ള ക​ല്ലി​ൻ കൂ​ട്ട​ങ്ങ​ളും ആ​യി​ര​ക്ക​ണ​ക്കി​ന് ട​ണ്ണു​ക​ൾ ഭാ​ര​മു​ള്ള വ​ലി​യ ച​തു​ര​ത്തി​ലു​ള്ള ക​ല്ലു​ക​ൾ ചെ​റി​യ ക​ല്ലി​ൽ ചാ​രി നി​ൽ​ക്കു​ന്ന​തും മൊ​ക്കെ കാ​ണു​മ്പോ​ൾ ഭാ​വ​ന കൂ​ടു​ത​ൽ ഉ​ള്ള​വ​ർ​ക്ക് അ​റി​യാ​തെ ക​വി​ത വി​രി​യും തീ​ർ​ച്ച. പ​തി​നാ​യി​ര​ത്താ​ണ്ട് വ​ർ​ഷ​ങ്ങ​ൾ ക​ട​ലി​ന​ടി​യി​ലാ​യി​രി​ക്കാം ഒ​രു പ​ക്ഷെ ഈ ​പ്ര​ദേ​ശം. ആ​യി​ര​ക്ക​ണ​ക്കി​ന് വ​ർ​ഷ​ങ്ങ​ൾ​ക്കൊ​ണ്ട് വെ​ള്ളം ഇ​റ​ങ്ങി​യി​റ​ങ്ങി ഈ ​രൂ​പ​ത്തി​ലാ​യ​താ​യി​രി​ക്കാ​മെ​ന്ന്​ തോ​ന്നു​ന്നു. താ​ഴ്വ​ര​യി​ലാ​ണെ​ങ്കി​ലോ പു​ൽ മേ​ടു​ക​ളും ആ​ട്ടി​ൻ പ​റ്റ​ങ്ങ​ളും പ്ര​കൃ​തി​യോ​ട്​ കു​ശ​ലം പ​റ​ഞ്ഞു നി​ൽ​ക്കു​ന്ന​ത്​ കാ​ണാം. മ​ല​യി​ടു​ക്കു​ക​ളി​ലും പാ​റ​ക്കെ​ട്ടു​ക​ൾ​ക്കു മു​ക​ളി​ലും ഓ​ടി​ക്ക​ളി​ക്കു​ന്ന ആ​ട്ടി​ൻ പ​റ്റ​ങ്ങ​ളെ വീ​ർ​പ്പ​ട​ക്കി മാ​ത്ര​മേ നോ​ക്കി നി​ൽ​ക്കാ​ൻ പ​റ്റൂ. വ​ഴി​യി​ൽ ഒ​റ്റ​യും തെ​റ്റ​യു​മാ​യ് പ​ല​ത​രം ചെ​ടി​ക​ൾ. ന​ല്ല പ​രി​മ​ളം പ​ര​ത്തു​ന്ന പൂ​വി​ട്ടു നി​ൽ​ക്കു​ന്ന​വ​യും തി​ന്നാ​ൻ പ​റ്റു​ന്ന ത​ര​ത്തി​ലു​ള്ള കാ​യ​ക​ൾ കാ​യ്ച്ചു നി​ൽ​ക്കു​ന്ന​വ​യും. ചി​ല​യി​ട​ങ്ങ​ളി​ൽ വ​ലി​യ പ​ട​ർ​ന്നു പ​ന്ത​ലി​ച്ച മ​ര​ങ്ങ​ൾ. ചെ​റു​തും വ​ലു​തു​മാ​യ ഗു​ഹ​ക​ൾ. മ​ല​മു​ക​ളി​ൽ കാ​ണു​ന്ന ചെ​റു പ​ക്ഷി​ക​ൾ. പാ​റ മ​ട​ക​ൾ​ക്കു​ള്ളി​ലൂ​ടെ അ​ടി​ച്ചു വീ​ശു​ന്ന കാ​റ്റ് ക​ല്ലി​ൽ ത​ട്ടി ചെ​റു സം​ഗീ​ത​മാ​യും അ​ല​ർ​ച്ച​യാ​യും മു​ക​ളി​ലേ​ക്ക് ഉ​യ​ർ​ന്നു പോ​കും​മ്പോ​ൾ ഭ​യ​വും സ​ന്തോ​ഷ​വു​മൊ​ക്കെ ക​ല​ർ​ന്ന ഒ​രു വി​കാ​രം ന​മ്മി​ൽ ഉ​യ​ർ​ന്നു വ​രും. വ​ലി​യ ഗു​ഹ​യും അ​തി​ന​ടു​ത്ത് ത​ണ​ൽ മ​ര​വു​മു​ള്ള പു​ൽ​മേ​ട്ടി​ൽ ഞ​ങ്ങ​ൾ അ​ൽ​പ്പം വി​ശ്ര​മി​ച്ചു. കൈ​യ്യി​ൽ ക​രു​തി​യ പ​ഴ​ങ്ങ​ളും വെ​ള്ള​വും ക​ഴി​ച്ച് വീ​ണ്ടും ന​ട​ത്തം തു​ട​ർ​ന്നു. മ​ല മു​ക​ളി​ലെ പാ​റ​കെ​ട്ടു​ക​ൾ​ക്കു മേ​ൽ ഇ​രു​ന്ന് താ​ഴ്‌​വാ​ര​ത്തേ​ക്ക് നോ​ക്കി കൂ​കി വി​ളി​ച്ചാ​ൽ അ​ൽ​പ്പ നേ​രം നീ​ണ്ടു നി​ൽ​ക്കു​ന്ന​തും കൂ​റേ ആ​ളു​ക​ൾ തി​രി​ച്ച് കു​കി വി​ളി​ക്കു​ന്ന​താ​ണോ എ​ന്ന് സം​ശ​യി​ക്കു​ന്ന ത​ര​ത്തി​ലു​ള്ള പ്ര​തി​ധ്വ​നി കേ​ൾ​ക്കാ​ൻ ന​ല്ല ര​സ​മാ​ണ്. വീ​ണ്ടും മു​ക​ളി​ലേ​ക്ക് ക​യ​റി​യ​പ്പോ​ൾ പാ​റ​ക​ളു​ടെ രൂ​പ​വും ഭാ​വ​വും മാ​റി​വ​രു​ന്ന​ത് കാ​ണാ​മാ​യി​രു​ന്നു. പ​ല​ക അ​ട്ടി​യി​ട്ട പോ​ലു​ള്ള പാ​റ​ക​ളും പ്ര​കൃ​തി​യു​ടെ വി​കൃ​തി​ക​ളാ​ൽ ത​ക​ർ​ന്ന് പൊ​ടി​ഞ്ഞ​തും വി​ണ്ടു​കീ​റി​യ​തു​മാ​യ പാ​റ​ക്കു​ട്ട​ങ്ങ​ളും.

ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ വെ​യി​ലും മ​ഴ​യും മ​ഞ്ഞും കാ​റ്റും കൊ​ണ്ട് പ​ര​ന്നു കി​ട​ക്കു​ന്ന ചി​ല പാ​റ​ക​ൾ​ക്കു​മേ​ൽ പ്ര​കൃ​തി വ​ര​ച്ചി​ട്ട ചി​ത്ര​ങ്ങ​ളും ന​മ്മെ അ​ൽ​ഭു​ത​പ്പെ​ടു​ത്തും. ഒ​ടു​വി​ൽ മു​ക​ളി​ൽ എ​ത്തി താ​ഴേ​ക്ക് നോ​ക്കി​യ പെ​ട്ട​ന്ന് ഏ​തോ മാ​യാ​ലോ​ക​ത്ത് എ​ത്തി​യ പോ​ലെ തോ​ന്നു. മ​ദു​സൂ​ദ​ന​ൻ നാ​യ​രു​ടെ അ​ഗ​സ്ത്യ ഹൃ​ദ​യം എ​ന്ന ക​വി​ത​യി​ലെ വ​രി​ക​ൾ ഞാ​ന​റി​യാ​തെ മൂ​ളി. പ​ക്ഷേ ഈ ​വ​ര​ണ്ട പാ​റ​ക്കെ​ട്ടു​ക​ൾ​ക്കു​ള്ളി​ൽ ഇ​ത്ര​യും വി​ശാ​ല​മാ​യ സ്ഥ​ല​വും ത​ഴു​താ​മ​യോ​ള​മോ അ​തി​ല​ധി​ക​മോ ഔ​ഷ​ധ​ഗു​ണ​മു​ള്ള മു​ത്തി​ൾ ചെ​ടി​ക​ള​ട​ങ്ങി​യ പ​ച്ച​പ്പു നി​റ​ഞ്ഞ ഏ​ക്ക​റു​ക​ളോ​ളം വി​സ്തൃ​തി​യു​ള്ള ഈ ​പ്ര​ദേ​ശ​വും ക​ണ്ട​പ്പോ​ൾ ശ​രി​ക്കും ത​ല​യി​ൽ കൈ ​വെ​ച്ചു പോ​യി. താ​ഴെ ഇ​റ​ങ്ങി​യ​പ്പോ​ൾ ഒ​റ്റ​യും തെ​റ്റ​യും ഈ​ന്ത​പ്പ​ന മ​ര​ങ്ങ​ൾ ഒ​ഴി​ച്ചു നി​ർ​ത്തി​യാ​ൽ ആ​ട്ടി​ൻ പ​റ്റ​ങ്ങ​ൾ മേ​യു​ന്ന നാ​ട്ടി​ലെ ഏ​തോ വ​യ​ൽ പ്ര​ദേ​ശ​ത്ത് എ​ത്തി​യ പ്ര​തീ​തി​യാ​യി​രു​ന്നു. ഞ​ങ്ങ​ൾ പ​ണ്ട് ക​ളി​ച്ചു വ​ള​ർ​ന്ന പാ​ട​ങ്ങ​ളാ​ണ് ഓ​ർ​മ വ​ന്ന​ത്. പ​ഴ​യ കാ​ല ഓ​ർ​മ​ക​ൾ ഉ​ള്ളി​ൽ താ​ലോ​ലി​ച്ച് ഈ ​പാ​ട​ങ്ങ​ളി​ലൂ​ടെ വെ​റു​തെ ഓ​ടി​യും ന​ട​ന്നും ശു​ദ്ധ​വാ​യു ശ്വ​സി​ച്ചു കൊ​ണ്ട് വെ​റു​തെ ക​റ​ങ്ങി ന​ട​ന്നു. പ​ണ്ടെ​ങ്ങോ ആ​ദി​മ നി​വാ​സി​ക​ൾ ഇ​വി​ടെ പാ​ർ​ത്തി​രി​ക്കാം. അ​തി​ന്‍റെ തി​രു ശേ​ഷി​പ്പു​ക​ളാ​യി​രി​ക്കും ഒ​രു പ​ക്ഷേ ഇ​വി​ടു​ത്തെ ഈ​ന്ത​പ്പ​ന​ക​ളും മ​റ്റും. ഇ​ന്നി​ന്‍റെ ചി​ല അ​ട​യാ​ള​ങ്ങ​ളും ഇ​പ്പോ​ൾ ഇ​വി​ടെ കാ​ണു​ന്നു​ണ്ട്. പ്ര​ത്യേ​കം വേ​ലി കെ​ട്ടി​ത്തി​രി​ച്ച അ​ത്തി മ​ര​തോ​ട്ട​ങ്ങ​ളും പു​തു​താ​യ് ന​ട്ടു പി​ടി​പ്പി​ച്ച ഈ​ന്ത​പ്പ​ന തോ​ട്ട​ങ്ങ​ളും വേ​ലി കെ​ട്ടി​ത്തി​രി​ച്ച നി​ല​യി​ൽ കാ​ണാ​നു​ണ്ട്. ഇ​ട​തൂ​ർ​ന്ന് വ​ള​ർ​ന്നു നി​ൽ​ക്കു​ന്ന മ​ര​ത്തി​ന്‍റെ ചി​ല്ല​ക​ളി​ൽ പ​ല​ത​രം പ​ക്ഷി​ക​ൾ ക​ള​ക​ളാ​ര​വം പൊ​ഴി​ക്കു​ന്ന​തും സാ​യ​ന്ത​ന വെ​യി​ലേ​റ്റ് വെ​റു​തെ അ​ങ്ങി​ങ്ങ് ന​ട​ക്കു​ന്ന ആ​ട്ടി​ൻ പ​റ്റ​ങ്ങ​ളും ചു​റ്റി​ലും മു​ക​ള​റ്റം കാ​ണാ​ത്ത ത​ര​ത്തി​ൽ ഉ​യ​ർ​ന്നു നി​ൽ​ക്കു​ന്ന ക​ല്ലു​ക​ൾ വി​വി​ധ ത​ര​ത്തി​ൽ അ​ടു​ക്കി വെ​ച്ച പ​ർ​വ്വ​ത നി​ര​ക​ളും ഇ​ട​ക്കി​ട​യ്ക്ക് സൂ​ര്യ​നെ മ​റ​ച്ചു കൊ​ണ്ട് മാ​ന​ത്ത് പ്ര​ത്യ​ക്ഷ​പ്പെ​ടു​ന്ന മ​ഴ​മേ​ഘ​ങ്ങ​ളും എ​ന്തെ​ന്നി​ല്ലാ​ത്ത അ​നു​ഭൂ​തി​യാ​യി​രു​ന്നു ഉ​ട​ലെ​ടു​ത്ത​ത്. മ​ണി​ക്കൂ​റു​ക​ൾ ചിലവിട്ട് അ​വി​ടെ മു​ഴു​വ​ൻ ചു​റ്റിന​ട​ന്നു ക​ണ്ടു.

ഈ ​പ്ര​ദേ​ശ​ങ്ങ​ളെ​യും താ​ണ്ടി വീ​ണ്ടും മ​ല മു​ക​ളി​ലേ​ക്ക് ഒ​റ്റ​യ​ടി​പ്പാ​ത​ക​ൾ നീ​ണ്ടു പോ​കു​ന്ന​ത് വീ​ണ്ടും കൗ​തു​ക​മു​ണ​ർ​ത്തി. ഇ​നി​യും മു​ക​ളി​ലേ​ക്ക് പോ​വ​ണ​മെ​ന്നു​ണ്ടാ​യി​രു​ന്നു. പ​ക്ഷേ നേ​രം ഇ​രു​ട്ടി​ത്തു​ട​ങ്ങി​യ​തു​കൊ​ണ്ട് മ​ന​മി​ല്ലാ മ​ന​സ്സോ​ടെ വീ​ണ്ടും വ​രും എ​ന്ന് മ​ന​സ്സി​ലു​റ​പ്പി​ച്ച് തി​രി​ച്ചി​റ​ങ്ങാ​ൻ തു​ട​ങ്ങി. നി​ങ്ങ​ള്‍ ഭൂ​മി​യി​ല്‍ സ​ഞ്ച​രി​ക്കൂ, പാ​ഠ​ങ്ങ​ള്‍ പ​ഠി​ക്കൂ എ​ന്ന​ത് ദൈ​വ​ത്തി​ന്‍റെ അ​നു​ശാ​സ​ന​ങ്ങ​ളി​ലൊ​ന്നാ​ണ്. ചി​ന്ത​ക​ൾ കൊ​ണ്ട് മ​നം നി​റ​ഞ്ഞ് മ​ല​യി​റ​ങ്ങു​മ്പോ​ൾ മേ​ച്ചി​ൽ പു​റ​ങ്ങ​ളി​ൽനി​ന്ന് സു​ര​ക്ഷി​ത​യി​ട​ങ്ങ​ൾ തേ​ടി മ​ല​മു​ക​ളി​ലേ​ക്ക് വ​രി​വ​രി​യാ​യി പോ​വു​ന്ന ആ​ട്ടി​ൻ പ​റ്റ​ങ്ങ​ൾ കാ​ലി​നി​ട​യി​ലൂ​ടെ ഓ​ടി​പ്പോ​വു​ന്ന​ത് വെ​റു​തെ നോ​ക്കി​ക്കൊ​ണ്ട് ഞാ​ൻ ന​ട​ന്നു.