യാത്രക്കാരിയുടെ ഓണമെന്നും വീട്ടിൽതന്നെ

യാത്രകളെയും ജനിച്ച നാടിനെയും ഒരുപോലെ പ്രണയിക്കുന്ന ഒരു നാടൻ പെൺകുട്ടി. മലയാളത്തി​​െൻറ പ്രിയതാരം അനുമോൾ സ്വയം വിശേഷിപ്പിക്കുന്നത് ഇങ്ങനെയാണ്. ഏറെദൂരം തനിയെ കാറും ബുള്ളറ്റുമോടിക്കുമ്പോഴും ആരൊക്കെ വിമർശിച്ചാലും ഇഷ്​ടപ ്പെട്ട കാര്യങ്ങൾ ചെയ്യുമ്പോഴുമെല്ലാം പ്രേക്ഷകർ അനുമോൾക്ക് ചാർത്തിക്കൊടുത്തൊരു വിശേഷണമുണ്ട്; ബോൾഡ് ആൻഡ് ബ് യൂട്ടിഫുൾ. നാട്ടിൻപുറത്തി​​െൻറ നന്മ മനസ്സിൽ സൂക്ഷിക്കുന്ന ഈ പെൺകുട്ടിക്ക് നാട്ടിലെ ആഘോഷങ്ങളൊന്നും ഒഴിവാക്ക ാനാവില്ല. എത്ര തിരക്കുണ്ടെങ്കിലും ഇല്ലെങ്കിലും ഓണക്കാലത്ത് നാട്ടിലെത്തുക, വീട്ടുകാരുടെ കൂടെ ആഘോഷിക്കുക എന്ന തിനപ്പുറം സന്തോഷം മറ്റൊന്നുമില്ല.

ഇവളൊരു പൂക്കാരിപ്പെണ്ണ്​
ഒരു പക്കാ വള്ളുവനാടൻ ഗ്രാമമായ പട്ടാമ്പി നടുവട്ടത്ത് മനോഹര​​െൻറയും കലയുടെയും മകൾക്ക് ഓണമെന്നാൽ സ്വന്തം നാടാണ്. ‘‘കുട്ടിയായിരിക്കുമ്പോൾ ഓണം ശരിക്കും കളർഫുൾ ആയിരുന്നു. നാട്ടിലൊരു പാർവതി വല്യമ്മയുണ്ടായിരുന്നു. അവർ എല്ലാർക്കും പൂക്കൂട ഉണ്ടാക്കിത്തരും. ഞങ്ങൾ അതെടുത്ത് പൂ പറിക്കാൻ നാടുമൊത്തം കറങ്ങും. കൂടുതൽ പൂ ശേഖരിക്കുന്നവരാണ്​ ഏറ്റവും മിടുക്കർ. അക്കാര്യത്തിൽ അക്കാലത്ത്​ ഞാനൊട്ടും പിന്നാക്കം ആകാറില്ല. ഓണക്കോടി ഏറെ പ്രിയമായിരുന്നു. ഇന്നത്തെ പോലെ ഇടക്കിടെ പുതിയ ഉടുപ്പൊന്നും അന്ന് വാങ്ങില്ലല്ലോ. ഓണത്തിന്, പിറന്നാളിന്, അടുത്ത ബന്ധുവി​​െൻറ കല്യാണത്തിന് ഒക്കെയാണ്​ ആ ചടങ്ങ്​. അതുകൊണ്ടുതന്നെ ഓണക്കോടി അത്രയും സ്പെഷൽ ആവും.’’ കുഞ്ഞുനാളിലെ ഓണക്കാലം ഉള്ളിൽ ആർദ്രമായ ഓർമപ്പൂക്കളം തീർക്കുമ്പോൾ, ഒരു യാത്രയുടെ തിരക്കിനിടെ അനുമോൾ മനസ്സു തുറന്നു.

അവിട്ടം നാളിൽ അമ്മവീട്ടിൽ
തിരുവോണ പിറ്റേന്ന് അമ്മയുടെ അനിയൻ സുരമാമ​​​െൻറ പിറന്നാളാണ്. അതുകൊണ്ട്​ എല്ലാവർഷവും അവിട്ടനാളിലാണ് അമ്മവീട്ടിലേക്ക് പോവുക. മാനുവെന്നു വിളിപ്പേരുള്ള അമ്മയുടെ അച്ഛനോടായിരുന്നു അനുക്കുട്ടിക്ക് സൗഹൃദം. ത​​െൻറ യാത്രകളെ പ്രോത്സാഹിപ്പിക്കുന്ന, ഡ്രൈവ് ചെയ്യുമ്പോൾ സാരിയൊഴിവാക്കി ജീൻസും ഷർട്ടും ഇട്ടാൽ പോരെ മോളെയെന്നു ചോദിക്കുന്ന പുരോഗമന വാദിയായ അമ്മച്ഛൻ. നാലാം ക്ലാസിൽ പഠിക്കുമ്പോൾ അച്ഛൻ മരിച്ചതാണ് ജീവിതത്തിലെ മായാത്ത സങ്കടങ്ങളിലൊന്ന്. അബ്കാരിയായിരുന്നു അച്ഛൻ. ബന്ധങ്ങളൊരുപാടുണ്ടായിരുന്നു. ഓണക്കാലം പോലെ എന്നും​ വീട്​ ആളുകളെക്കൊണ്ട് നിറയും. ഓണക്കാലത്ത് എണ്ണം ഇരട്ടിയാവും’- അച്ഛനെ കുറിച്ച് പറഞ്ഞപ്പോൾ വാക്കുകൾക്ക്​ നനവ്.
പൂക്കളമിടുന്ന പരിപാടി ഇപ്പോഴുമുണ്ട്. അമ്മയാണ് മിക്കദിവസവും പൂവിടുക. ഓണത്തിന് വീട്ടിലുണ്ടാവുകയെന്നത് നിർബന്ധമാണ്. അതിനായി യാത്രകളും ഷൂട്ടിങ്ങും മാറ്റിവെക്കും. ഓണം മാത്രമല്ല; വിഷു, ന്യൂഇയർ പോലുള്ള വിശേഷ ദിവസങ്ങളിലും അമ്മയോടൊപ്പം സ്വന്തം വീട്ടിലുണ്ടാകുന്നതാണ് ഇഷ്​ടം. അഭിനയത്തി​​െൻറ ഭാഗമായി കൊച്ചിയിൽ താമസിക്കുമ്പോഴും സമയം കിട്ടിയാലുടൻ വീട്ടിലേക്ക്​ ഓടിയെത്തുന്ന പെൺകുട്ടി.

‘അനുയാത്ര’ കൊള്ളാം
താൻ പോകുന്ന ഇടങ്ങളെ ത​​െൻറ പ്രേക്ഷകർക്കുകൂടി പരിചയപ്പെടുത്തും വിധം അനുമോൾ തുടങ്ങിയ ‘അനുയാത്ര’യെന്ന യൂട്യൂബ് ചാനൽ ഇതിനകം വമ്പൻ ഹിറ്റായിട്ടുണ്ട്. ഓരോ യാത്രയിലും പുതിയ ജീവിതങ്ങ​െള അടുത്തറിയാം. സ്വയം പര്യവേക്ഷണം നടത്താനും നവീകരിക്കാനും യാത്ര സഹായിക്കും. തുടക്കത്തിൽ കാറോടിച്ച് തനിയെ പോയത് അടു​െത്താക്കെയുള്ള ക്ഷേത്രങ്ങളിലായിരുന്നു. കോയമ്പത്തൂരിൽ പഠിക്കുന്ന കാലത്താണ് ദൂരയാത്ര തുടങ്ങിയത്. ഇതിൽ മനസ്സിൽ തങ്ങിനിൽക്കുന്ന യാത്രകളുണ്ട്​. രണ്ടുതവണ കൊൽക്കത്തയിൽ പോയതും മേഘാലയയിലെ കോങ്തോങ് എന്ന വിസിലിങ് വില്ലേജ് സന്ദർശിച്ചതുമാണ് അതിൽ പ്രധാനം. ഓരോ ഇടങ്ങളിലും അവിടത്തെ ആൾക്കാരുടെ ജീവിതം, സംസ്കാരങ്ങൾ ഇവയെക്കുറിച്ച്​ അറിയാനും അവരിൽനിന്നുള്ള പോസിറ്റിവ് എനർജി പകർത്താനുമാണ് ശ്രമിക്കാറുള്ളത്​. കൊൽക്കത്തയിൽ പോയപ്പോഴുണ്ടായ അനുഭവങ്ങളാണ് ത​​െൻറ ബോഡി കോൺഷ്യസ്െനസ് (സ്വന്തം ശരീരത്തെക്കുറിച്ചുള്ള ഉത്കണ്ഠ) ഒരു പരിധിവരെ ഇല്ലാതാക്കിയത്. അവിടത്തെ സ്ത്രീകൾ ഇഷ്​ട വസ്ത്രമണിഞ്ഞ് സന്തോഷത്തോടെ ജീവിക്കുന്നതുകണ്ട്​ അവരോട്​ ഏറെ ബഹുമാനം തോന്നിയിട്ടുണ്ട്​. വലിയ സ്വപ്നങ്ങളൊന്നും ഇല്ലെങ്കിലും ഇഷ്​ട സ്ഥലങ്ങളിലേക്ക് ഇഷ്​ടംപോലെ യാത്രചെയ്യുകയെന്ന മോഹത്തിനുമാത്രം ഒരു വിലക്കും ഏർപ്പെടുത്തില്ലെന്നുപറഞ്ഞ്​ അവർ കാർ പറത്തിവിട്ടു. തിരുവോണത്തിനുമുമ്പ്​ ഒരു കുഞ്ഞുയാത്രകൂടി. റ്റാറ്റാ ബൈ ബൈ.