Begin typing your search above and press return to search.
proflie-avatar
Login
exit_to_app
exit_to_app
cheetah
cancel
Homechevron_rightTravelchevron_rightNaturechevron_right74 വർഷങ്ങൾക്കുശേഷം...

74 വർഷങ്ങൾക്കുശേഷം കരയിലെ വേഗരാജാക്കൻമാർ ഇന്ത്യയിലേക്ക്​ മടങ്ങിവരുന്നു

text_fields
bookmark_border

കരയിലെ ഏറ്റവും വേഗമേറിയ ജീവിയാണ്​​ ചീറ്റപ്പുലി​. 500 മീറ്റർ ദൂരം മണിക്കൂറിൽ 100 കി.മീ വേഗതയിൽ ഇവർക്ക്​ ഓടാൻ സാധിക്കുന്നു. എന്നാൽ, ഭൂലോകത്തുനിന്ന്​ അന്യംനിന്ന്​ പോവുകയാണ്​ ഇവ.

ഇന്ത്യയിൽ വർഷങ്ങൾക്ക്​ മുമ്പ്​ ചീറ്റകൾ ഉണ്ടായിരുന്നുവെങ്കിലും, 1947ൽ മധ്യപ്രദേശിലെ സുഗുജയിൽ മഹാരാജാവ് മൂന്ന്​ മൃഗങ്ങളെ വേട്ടയാടി​ കൊന്നതോടെ ഇവയെ കണികാണാൻ കിട്ടാതെയായി. 1952ൽ ചീറ്റകൾ ഇന്ത്യയിൽ വംശനാശം സംഭവിച്ചതായി പ്രഖ്യാപിച്ചു.

എന്നാൽ, 74 വർഷങ്ങൾക്കുശേഷം കരയിലെ വേഗരാജാക്കൻമാരെ തിരിച്ചുകൊണ്ടുവരാനുള്ള ഒരുക്കത്തിലാണ്​ രാജ്യം. ഈ വർഷം അവസാനത്തോടെ കുനോ ദേശീയോദ്യാനത്തിൽ ചീറ്റകൾ വീണ്ടും എത്തു​മെന്ന് മധ്യപ്രദേശ് വനം മന്ത്രി വിജയ് ഷാ അറിയിച്ചു.

അഞ്ച്​ ആണും മൂന്ന്​ പെൺ ചീറ്റകളുമാണ് ദക്ഷിണാഫ്രിക്കയിൽനിന്ന്​​ വരുന്നത്​. ഇവയുടെ സംരക്ഷണത്തിനുള്ള എല്ലാ സൗകര്യങ്ങളും കുനോയിലുണ്ടെന്ന്​ മന്ത്രി പറഞ്ഞു. രാജ്യത്ത് അനുയോജ്യമായ ഒരു ദേശീയ ഉദ്യാനത്തിൽ ചീറ്റകളെ വളർത്താൻ സുപ്രീം കോടതി നേരത്തെ അനുമതി നൽകിയിരുന്നു.

ഇവയുടെ പരിപാലനകാര്യങ്ങൾ മനസ്സിലാക്കാനായി ജീവനക്കാർ ഈ മാസം ദക്ഷിണാഫ്രിക്കയിലേക്ക്​ പോകും. തുടർന്ന്​ നവംബറിൽ ചീറ്റകളെ കൊണ്ടുവരും. .

കഴിഞ്ഞ വർഷം വൈൽഡ്‌ലൈഫ് ഇൻസ്റ്റിറ്റ്യൂട്ട് ഓഫ് ഇന്ത്യയിലെ വിദഗ്​ധർ ചീറ്റകൾക്ക് ഏറ്റവും അനുയോജ്യമായ ആവാസ വ്യവസ്ഥ തേടി മധ്യപ്രദേശിലെ നാല് കേന്ദ്രങ്ങൾ സന്ദർശിച്ചിരുന്നു.

തുടർന്ന്​ 2021 ഏപ്രിലിൽ ദക്ഷിണാഫ്രിക്കയിൽനിന്നുള്ള വിദഗ്​ധൻ, വൈൽഡ്​ ലൈഫ്​ ഇൻസ്​റ്റിറ്റ്യൂട്ട്​ ഓഫ്​ ഇന്ത്യയിലെ ഉദ്യോഗസ്​ഥർക്കൊപ്പം കുനോ നാഷണൽ പാർക്ക് സന്ദർശിക്കുകയും​ ചീറ്റകളെ കൊണ്ടുവരാൻ അനുമതി നൽകുകയുമായിരുന്നു.

ഇന്ത്യ, ഇറാൻ, അഫ്​ഗാനിസ്​താൻ, ആഫ്രിക്കൻ ഭൂഖണ്ഡം എന്നിവിടങ്ങളിലായിരുന്നു ചീറ്റപ്പുലികൾ ഉണ്ടായിരുന്നത്‌. ഇറാനിൽ 200 എണ്ണത്തിൽ താഴെ മാത്രമേ അവശേഷിക്കുന്നുള്ളു. ആഫ്രിക്കയിലാകട്ടെ ആയിരത്തിന്​ അടുത്തും. ഇവിടെയെല്ലാം ചീറ്റകളുടെ എണ്ണം കുറഞ്ഞുവരുന്നതായാണ്‌ കണക്കുകൾ സൂചിപ്പിക്കുന്നത്‌.

പുൽമേടുകളും ചെറു കുന്നിൻ പ്രദേശങ്ങളും കുറ്റിക്കാടുകളും ഇഷ്​ടപ്പെടുന്ന ചീറ്റകൾ പകലാണ്‌ ഇര തേടാനിറങ്ങുന്നത്‌. അതേസമയം, ജനിച്ചുവീണ പ്രദേശം ഇഷ്​ടപ്പെടുന്ന ചീറ്റപ്പുലികൾ അവിടന്ന്​ പറിച്ചുമാറ്റപ്പെട്ടാൽ അതിജീവിക്കാൻ ബുദ്ധിമുട്ടാണ്‌. ആവാസ വ്യവസ്ഥയിലുണ്ടാകുന്ന ചെറിയമാറ്റങ്ങൾ വരെ ഇവയെ പ്രതികൂലമായി ബാധിക്കുന്നു. ഇത്​ മറികടക്കുകയാകും കുനോ നാഷനൽ പാർക്കിലെ വലിയ വെല്ലുവിളി.

ആഫ്രിക്കയിൽനിന്ന് ഇവയെ എത്തിക്കാനുള്ള ബൃഹത്തായ പദ്ധതിക്ക്​ കേന്ദ്ര വനംപരിസ്ഥിതി മന്ത്രാലയമാണ്​ അനുമതി നൽകിയത്​. 300 കോടി രൂപയുടെ ചെലവാണ് ഇതിന്​ പ്രതീഷിക്കുന്നത്. മധ്യപ്രദേശിനെ കൂടാതെ രാജസ്​ഥാനിലും ഇവയെ വളർത്താൻ പദ്ധതിയുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cheetahKuno National Park
News Summary - After 74 years, the speed kings of the land are returning to India
Next Story