Begin typing your search above and press return to search.
exit_to_app
exit_to_app
Homechevron_rightTravelchevron_rightAdventurechevron_rightകൂട്ടായിയിൽനിന്ന്​...

കൂട്ടായിയിൽനിന്ന്​ ഉഡുപ്പിയിലേക്ക്​ 350 കിലോ മീറ്റർ

text_fields
bookmark_border
കൂട്ടായിയിൽനിന്ന്​ ഉഡുപ്പിയിലേക്ക്​ 350 കിലോ മീറ്റർ
cancel
camera_alt45 ???????? ??????? ??????????????????????????????? ???????? ??????? ??????
45 ദിവസം കൊണ്ട്​ ഇന്ത്യ കറങ്ങാനിറങ്ങിയ എം. അനീഷി​​​​​​​െൻറ യാത്രാ ഡയറി ഒന്നാം ദിവസം

ഇപ്പോൾ മാർച്ച്​ ഒന്ന്​...രാത്രി 10 മണി കഴിഞ്ഞിരിക്കുന്നു.... വീട്ടിൽ നിന്നും 350 കിലോ മീറ്റർ അകലെയാണ്​ ഞാനും എ​​​​​​​െൻറ ബൈക്കും. ഇനിയും നൂറുകണക്കിന്​ കിലോ മീറ്ററുകൾ താണ്ടാനുണ്ട്​. രണ്ടു ദിവസം മുമ്പ്​ ഒരു തോന്നൽ ഒന്ന്​ ഇന്ത്യ മുഴുവൻ ഒന്നു ബൈക്കിൽ കറങ്ങിയാലെന്താ..? പിന്നെയൊന്നും ആലോചിച്ചില്ല. കണക്കു കൂട്ടിയപ്പോൾ ഒരു 45 ദിവസം വേണ്ടിവരും. ഒറ്റയ്​ക്കാണ്​ യാത്ര.

അത്യാവശ്യം യാത്രയ്​ക്ക്​ വേണ്ട സാമഗ്രികളൊക്കെ എടുത്തു. എല്ലാ യാത്രകളിലും എ​​​​​​​െൻറ കൂട്ടാളിയായ ഹോണ്ട സി.ബി.ആർ 150 യിൽ റെഡിയായി. മലപ്പുറം ജില്ലയിലെ തിരൂരിനടുത്ത്​ കൂട്ടായിയിലെ വീട്ടിൽനിന്നും രാവിലെ ആറു മണിക്കു തന്നെ എ​​​​​​​െൻറ സ്വപ്​ന സഞ്ചാരം തുടങ്ങി. തലേന്നത്തെ തയാറെടുപ്പു കാരണം കുറച്ചു മാത്രമേ ഉറങ്ങാൻ കഴിഞ്ഞിരുന്നുള്ളു. യാത്ര തുടങ്ങിയപ്പോൾ ക്ഷീണമൊക്കെ പറ പറന്നു. പോകുന്ന വഴി സുഹൃത്ത്​ സാദിഖി​​​​​​​െൻറ വീട്ടിൽ കയറി സൺഗ്ലാസും വാങ്ങി യാത്രയും പറഞ്ഞ്​ കോഴിക്കോടിന്​ വണ്ടി പായിച്ചു.

അത്യാവശ്യം വേണ്ട സാമഗ്രികൾ ഒക്കെ കരുതിയാണ്​ യാത്ര
 

രാവിലെ 9.30ന്​ വടകര എത്തുന്നതിനു തൊട്ടുമുമ്പ്​ ഒരു ഹോട്ടലിൽനിന്ന്​ പ്രഭാത ഭക്ഷണം കഴിക്കാൻ കയറി. ഇന്ത്യ കാണാനിറങ്ങിയതാണെന്ന്​ പറഞ്ഞപ്പോൾ ഹോട്ടലിലിരുന്ന ചിലർക്ക്​ കൗതുകം. അവരോട്​ ടാറ്റയുംപറഞ്ഞ്​ അവരുടെ ആൾ ദ ബെസ്​റ്റും സ്വീകരിച്ച്​ യാത്ര തുടർന്നു. നല്ല വെയിലാണ്​. ബൈക്കിൽ വെച്ചുകെട്ടിയ സാധനങ്ങൾ അവിടെത്തന്നെയില്ലേ എന്ന്​ ഇടയ്​ക്ക്​ നോക്കിക്കോണം. ചെലവ്​ പരമാവധി കുറച്ചു യാത്ര ചെയ്യണമെന്നാണ്​ ഉദ്ദേശിക്കുന്നത്​. അതുകൊണ്ട്​ മാഹി എത്തുന്നതുവരെ പെട്രോൾ എവിടന്നും അടിച്ചില്ല. മാഹി വരെ എത്താനുള്ള കഷ്​ടി ​പെട്രോളേ ഉണ്ടായിരുന്നുള്ളു.

മാഹിയിൽനിന്ന്​ പെട്രോൾ അടിച്ചപ്പോൾ ലിറ്ററിന്​ ഏതാണ്ട്​ നാല്​ രൂപ ലാഭം. കേന്ദ്ര ഭരണപ്രദേശമായതി​​​​​​​െൻറ ഗുണം. ഇത്തരം യാത്രകളിൽ നമ്മളറിയാതെ ബൈക്കി​​​​​​​െൻറ വേഗം കൂടുന്നത്​ തടയുകയാണ്​ പ്രധാനപ്പെട്ട കാര്യം. പ്രധാന വില്ലൻ വെയിൽ ആയതിനാൽ ബൈക്കി​​​​​​​െൻറ ഹോൾഡറിൽ ഘടിപ്പിച്ചിരുന്ന ഹോൾഡറിൽനിന്നും ഇടയ്​ക്കിടെ വെള്ള​മെടുത്തു കുടിച്ചുകൊണ്ടായിരുന്നു യാത്ര. ഉച്ച ഭക്ഷണത്തിനു കയറിയ ഹോട്ടലിലും പലരുടെയും ചോദ്യം,
‘എങ്ങോട്ടാ...?’

‘ഒാഹ്​... ഒന്നു ഇന്ത്യ കാണാൻ പോകുവാ...’ അതുകേട്ട്​ അവർക്ക്​ അതിശയം.

അവരുടെ കൗതുകം എ​​​​​​​െൻറ കൈയിലുണ്ടായിരുന്ന ‘ആക്ഷൻ ക്യാം’ ആയിരുന്നു. നേരത്തെ പരിചയമുള്ള റൂട്ടായതിനാൽ വലിയ കുഴപ്പമില്ലാതെ വൈകുന്നേരം ഉഡുപ്പി പിടിക്കാനായി. മോശമല്ലാത്ത റോഡും. ഇടയ്​ക്ക്​ കാസർകോഡ്​ ഒരു ഇൻഡസ്​ട്രിയിൽ കൈയിലെ കത്തി മൂർച്ച കൂട്ടാൻ കൊടുത്തു. ആദ്യം ക്യാമറ ഒാഫ്​ ചെയ്യാനാണ്​ അയാൾ പറഞ്ഞത്​. ക്യാമറ ഒാഫാണെന്ന്​ ബോധ്യപ്പെടുത്തിയ ശേഷമാണ്​ കത്തി മൂർച്ച കൂട്ടിയത്​. എ​​​​​​​െൻറ ഹെൽമെറ്റിനകത്തെ കൂളിങ്​ ഗ്ലാസിലായിരുന്നു അയാളുടെ കണ്ണ്​. മൂപ്പർക്കത്​ ഇഷ്​ടമായി. അത്​ പ്രത്യേകം ഘടിപ്പിച്ചതാണോ എന്നയി മൂപ്പരുടെ ചോദ്യം. അങ്ങനെയൊരെണ്ണം കിട്ടിയാൽ കൊള്ളമെന്നുണ്ട്​ അദ്ദേഹത്തിന്​.

പതിവുപോലെ ഹോൺട സി.ആർ.ബി 150ൽ തന്നെ ഇക്കുറിയും യാത്ര
 

മംഗലാപുരം മുതൽ ഉഡ​ുപ്പിവരെയുള്ള റോഡ്​ അടിപൊളിയാണ്​. രാത്രി യാത്ര വേണ്ടെന്നു തന്നെ നേരത്തേ ഉറപ്പിച്ചതാണ്​. ഹോട്ടൽ ബുക്കിങ്​ സൈറ്റിൽ കയറി അത്ര കത്തിയല്ലാത്ത, കൊള്ളാവുന്ന ഒരെണ്ണം തപ്പി പേയ്​മ​​​​​​െൻറ്​ ഘട്ടംവരെ എത്തിയപ്പോൾ വില കൂടിയതിനാൽ അതുപേക്ഷിച്ചു. പലയിടത്തും റൂം അന്വേഷിച്ചെങ്കിലും വലിയ വാടകയാണ്​ ചോദിച്ചത്​.

ഒടുവിൽ ഒരു ഫാമിലി അപ്പാർട്ടുമ​​​​​​െൻറിൽ ഉറപ്പിച്ചു. തുകയിത്തിരി കൂടുതൽ ആയിരു​ന്നെങ്കിലും എ​​​​​​​െൻറ ക്ഷീണവും അവിടുത്തെ കുട്ടികളുടെ കളിചിരിയും അതങ്ങ്​ ഉറപ്പിച്ചു. റൂമിൽ വന്ന്​ ലഗേജൊക്കെ ഇറക്കി വെച്ച്​ ഒന്ന്​ ഫ്രഷായി, ക്യാമറയും മിനി ബാഗും മാത്രമെടുത്ത്​ റൂം പൂട്ടി മാൽപെ ബീച്ചിലൊക്കെ ഒന്നു കറങ്ങി അസ്​തമയത്തി​​​​​​​െൻറ പടവുമൊക്കെ എടുത്ത്​ വീണ്ടും റൂമിലെത്തിയിട്ടുണ്ട്​...

മാൽപെ ബീച്ചിലെ അസ്​തമയം
 

ഇനി രാവിലെ വീണ്ടും യാത്ര തുടരണം.... എന്തായാലും ഇന്ത്യ കാണാൻ ഇറങ്ങി... ഇനി കണ്ടിട്ടുതന്നെ കാര്യം...

രാവിലെ ആറ്​ മണിക്ക്​ 300 കി​ലോ മീറ്റർ അപ്പുറമുള്ള ഹബ്ലിയിൽ എത്തണമെന്നാണ്​ കരുതുന്നത്​. ഫസ്റ്റ് ഡെസ്റ്റിനേഷൻ ആയ അജന്ത caveiottulla റൂട്ട് ആണത്. രാവിലെ 11 മണിക് ഇവിടെ മണിപ്പാലിനടുത്ത്​ ഹോളി ആഘോഷങ്ങൾ ഉണ്ടെന്ന്​ താമസ സ്​ഥലത്തെ സ്​റ്റാഫ്​ പറയുന്നു.പക്ഷെ അത് വരെ ഇവിടെ വെയിറ്റ് ചെയ്‌താൽ രാവിലത്തെ വെയിൽ ശല്യമില്ലാത്ത യാത്ര മിസ്സ്‌ ആകും...

(തുടരും)

Show Full Article
TAGS:discover india bike tour aneesh&39;s travel travelogue india Tour 
News Summary - discover india by aneesh
Next Story