ടയർ പണിമുടക്കി, യാത്ര പത്താൻകോട്ടിൽ നിർത്തി

അമൃത്​സറിൽനിന്ന​ും 240 കിലോ മീറ്റർ അക​െലയു​ള്ള ഉദ്ധംപൂർ എത്തുവാൻ പാകത്തിലാണ്​ രാവിലെ 10 മണിക്കു മുമ്പായി റൂം വിട്ടിറങ്ങിയത്​. അമൃത്​സർ നഗരത്തിലെ തിരക്ക്​ ഒഴിച്ചാൽ പിന്നീടങ്ങോട്ട്​ സുഗമമായ യാത്ര ആയിരുന്നു. കാതടപ്പിക്കുന്ന ഹോൺ കോലാഹലങ്ങളിൽനിന്ന്​ മുക്​തമായതോടെ മനസ്സിനും യാത്രയ്​ക്കും ഒരു സുഖം തോന്നി. നഗരം വിട്ടുകഴിഞ്ഞപ്പോൾ റോഡിനിരുവശവും പച്ചവിടർത്തി നിൽക്കുന്ന ഗോതമ്പ്​ പാടങ്ങൾ കണ്ണിനും സുഖകരമായ കാഴ്​ചയൊരുക്കി.

അലിയുടെ കന്നുകാലി ഫാം പരിപാലിക്കുന്നത്​ അദ്ദേഹത്തി​​​​​​െൻറ മക്കളാണ്​

 

യാത്രാ മധ്യേയാണ്​ അറവുമാടുകളെ വിൽക്കുന്ന ഒരിടം കണ്ടത്​. ബൈക്ക്​ അങ്ങോട്ട്​ അടുപ്പിച്ചു നിർത്തി. അതിനടുത്തായി ചെറിയ വീടിന്​ സമീപം പ്രായമായ ഒരാൾ വടിയും പിടിച്ച്​ നിൽക്കുന്നുണ്ടയിരുന്നു. വടി അയാളുടെ വാർധക്യത്തെ താങ്ങിനിർത്താനുള്ളതായിരുന്നില്ല. മെരുങ്ങാതെ നിൽക്കുന്ന കന്നുകാലി​കളെ അടക്കി നിർത്താനുള്ളതായിരുന്നു. ആ വടിയുടെ ആജ്​ഞയുടെ അറ്റത്ത്​ മാടുകൾ അനുസരണയോടെ നിന്നു. വീടി​​​​​​​െൻറ ചുറ്റിലുമായി അറവുമാടുകളും വൈക്കോൽ കൂനകളും പുല്ലും ചാണകവുമെല്ലാം കാണാം. ആ വൃദ്ധ​​​​​​​െൻറ മകനായ അലി എന്നയാളാണ്​ എല്ലാത്തി​​​​​​​െൻറയും മേൽനോട്ടം വഹിച്ചിരുന്നത്ത്​. അലിയുടെ മകൻ 13കാരനായ ഷഹീൽ കന്നുകാലികൾക്കുള്ള പുല്ല്​ ട്രാക്​ടറിൽ ചുറ്റിനും ഒാടിച്ച്​ വേണ്ട സ്​ഥലങ്ങളിലൊക്കെ ഇട്ടുകൊടുക്കുന്നത്​.

അലിയുടെ കന്നുകാലി ഫാമിൽ നിന്ന്​

 

അതിനിടയിൽ ത​​​​​​​െൻറ അനുജനെക്കൂടി ട്രാക്​ടർ ഒാടിക്കാൻ പഠിപ്പിക്കുന്ന പണിയും ഷഹീൽ നടത്തുന്നുണ്ട്​. സ്​കൂളും വിദ്യാഭ്യാസവുമൊന്നുമില്ലെങ്കിലും ഇൗ പ്രായത്തിൽ നമ്മളാരും കൈവെക്കാത്ത മേഖലയിലാണ്​ പിള്ളേരുടെ കളി. ഷഹീലി​​​​​​​െൻറ പിതാവ്​ അലി കൂടെയുള്ള തൊഴ​ിലാളികളോട്​ പുല്ല്​ നേരാംവണ്ണം ട്രാക്​ടറിൽനിന്ന്​ പുറത്തിറക്കാത്തതിന്​ ദേഷ്യം പിടിക്കുന്നുണ്ട്​. അൽപ നേരത്തിനു ശേഷം ഞാൻ വീണ്ടും യാത്ര തുടങ്ങി. റോഡി​​​​​​​െൻറ വശങ്ങളിൽ പലയിടത്തും സിഖ്​ ആരാധനാലയങ്ങളായ ഗുരുദ്വാരകൾ കാണാം. അതി​​​​​​​െൻറ മിനാരങ്ങൾക്കു ചുറ്റും ​പ്രാവുകൾ വട്ടമിട്ടു പറക്കുന്നു.

ഷഹീലി​​​​​​െൻറ സഹോദരൻ

 

കുറേ നേരത്തെ യാത്രയ്​ക്കു ശേഷം ബൈക്കി​​​​​​​െൻറ ബാലൻസിങ്ങിൽ എന്തോ പ്രശ്​നങ്ങൾ ഉള്ളതായി തോന്നിത്തുടങ്ങി. ബൈക്ക്​ സൈഡിൽ നിർത്തി നോക്കു​േമ്പാൾ പിന്നിലെ ടയറിൽ തീരെ കാറ്റില്ല. ഇന്നലെ മാറ്റിയ പുത്തൻ ടയറാണ്​. ഇതെന്തുപറ്റി...?
കുറച്ചുദൂരം കൂടി സാവധാനം മുന്നോട്ടുപോയപ്പോൾ ഒരു പെട്രോൾ പമ്പ്​ കണ്ടു. പമ്പിൽനിന്ന്​ കാറ്റു നിറയ്​ക്കാമെന്ന ധാരണയിലാണ്​ അവിടെ കയറിയത്​. നമ്മുടെ നാട്ടിലെ ഏത്​ പമ്പിലും സൗജന്യമായി കിട്ടുന്ന ഒരു സേവനമാണല്ലോ അത്​. പക്ഷേ, അവിടെ അങ്ങനെയൊരു സംവിധാനം ഉണ്ടായിരുന്നില്ല. ടയറിൽ ഒന്നും തറച്ചുകയറിയാതായി കാണുന്നില്ല. വാൽവിന്​ കുഴപ്പവുമില്ല.  പെട്രോൾ പമ്പിൽ പറഞ്ഞ്​ അവിടുത്തെ ഒരു മുറിയിൽ എ​​​​​​​െൻറ ബാഗെല്ലാം അഴിച്ചുവെച്ച്​. തൊട്ടടുത്തുള്ള ടയർ കടയിൽപോയി കാറ്റ്​ നിറച്ചു. ടയറിൽ പഞ്ചറോ മറ്റ്​ തകരാറുകളോ ഒന്നുമില്ലെന്ന്​ കടക്കാരൻ പറഞ്ഞൂ. തിരികെ പെട്രോൾ പമ്പിൽ വന്ന്​ ബാഗെല്ലാം കെട്ടിവെച്ച്​ യാത്ര തുടർന്നു.

ട്രാക്​ടർ ഒാടിക്കുന്ന പതിമൂന്നുകാരൻ ഷഹീൽ

 

പത്താൻകോട്ടിൽ എത്തു​േമ്പാൾ ഉച്ചയ്​ക്ക്​ 1.30 ആയി. പത്താൻകോട്ടിൽ ധാരാളം മിലിട്ടറി സ്​റ്റേഷനുകളുണ്ട്​. എയർ​േഫാഴ്​സി​​​​​​​െൻറ വിമാനം ഇടയ്​ക്കിടെ മുകളിലൂടെ പറക്കുന്നതു കാണാം. പത്താൻകോട്ട്​ റെയിൽവേ സ്​റ്റേഷനു സമീപ​ം തണുപ്പിൽ ധരിക്കാൻ വേണ്ട ബൂട്ടും വസ്​ത്രങ്ങളും വിൽക്കുന്ന കുറേ കടകൾ കണ്ടു.  അതിലൊന്നിൽ കയറി ബൂട്ടും ഗ്ലൗസും വിൻറർ ജാക്കറ്റും ചെറിയൊരു ബാഗും വാങ്ങിച്ചു. ആദ്യം പറഞ്ഞ വില കേട്ട്​ ഞാൻ അടുത്ത കടയിലേക്ക്​ പോകാൻ ഒരുങ്ങിയപ്പോൾ പകുതിയിലധികം വില കുറച്ചാണ്​ എനിക്ക്​ എല്ലാം കൂടി കടക്കാരൻ തന്നത്​. കടയിൽനിന്നിറങ്ങി സാധനം വേണ്ട എന്നു പറഞ്ഞ്​ മുന്നോട്ട്​ നടന്നപ്പോൾ ജാക്കറ്റിനു മാത്രം 700 രൂപയോളം കുറഞ്ഞു.

അലിയുടെ കന്നുകാലി ഫാമിൽ പോത്തുകളുടെ നിര

 

ടയറി​​​​​​​െൻറ തകരാറും ഷോപ്പിങ്ങുമെല്ലാം കൂടി ഇന്നത്തെ എ​​​​​​​െൻറ ലക്ഷ്യസ്​ഥാനത്തെ മാറ്റി മറിച്ചു. ഉച്ചഭക്ഷണം കഴിച്ചതു തന്നെ 3.30നാണ്. ഇരുട്ടുന്നതിനു മുമ്പ്​ ഉദ്ധംപൂരിഋലക്ക്​ എത്തിച്ചേരാൻ കഴിയുമെന്ന്​ ഒരുറപ്പുമില്ലായിരുന്നു. ഒന്ന്​ റൂട്ട്​ മാറ്റി ജമ്മുവിലേക്ക്​ വെച്ചുപിടിച്ചാലും രാത്രി ഏഴ്​ മണിക്കു മുമ്പ്​ എത്തുമെന്ന്​ ​േതാന്നുന്നില്ല. എന്നാൽ പിന്നെ ഇവിടെത്തന്നെ റൂമെടുത്ത്​ കൂടാമെന്ന്​ വിചാരിച്ചു. നാലര മണിയോടെ റൂം തരപ്പെട്ടു. കിട്ടിയ റൂം കൊടുത്ത ​പൈസക്ക്​ വസൂലാകുന്നതല്ല എന്നൊരു തോന്നലുണ്ടായിരുന്നു. പത്താൻകോട്ടി​​​​​​​െൻറ സന്ധ്യാ കാഴ​്​ചകൾ കാണാൻ ബൈക്കെടുത്ത്​ ഇറങ്ങി. ഇടയിൽ കണ്ട ടയർ കടയിൽനിന്നും പി​ന്നിലെ ടയറി​​​​​​​െൻറ അവസ്​ഥ ഒന്നുകൂടി പരിശോധിച്ച്​ ഉറപ്പുവരുത്തി. രാത്രി ഭക്ഷണവും കഴ​ിച്ച്​ റൂമിലെത്തി കിടക്കു​േമ്പാഴും എയർഫോഴ്​സി​​​​​​​െൻറ വിമാനങ്ങൾ തലയ്​ക്കുമുകളിലൂടെ ഇരമ്പി പായുന്നുണ്ടായിരുന്നു...
(അപ്പോൾ നാളെ കശ്​മീരി​​​​​​​െൻറ മണ്ണിൽ കാണാം....)