Begin typing your search above and press return to search.
exit_to_app
exit_to_app
Homechevron_rightTravelchevron_rightAdventurechevron_rightഗോതമ്പു പാടങ്ങൾ...

ഗോതമ്പു പാടങ്ങൾ വിരിച്ചിട്ട പഞ്ചാബ്​

text_fields
bookmark_border
ഗോതമ്പു പാടങ്ങൾ വിരിച്ചിട്ട പഞ്ചാബ്​
cancel
camera_alt????????? ???????? ????????????????? ?????????????? ???????...

അതിരാവിലെ വിളിച്ചുണർത്തിയതി​​​െൻറ നീരസമുണ്ടായിരുന്നു ഹോട്ടലി​​​െൻറ റിസപ്​ഷൻ സ്​റ്റാഫിന്​. അതയാൾ തുറന്നുപറഞ്ഞില്ലെന്നേയുള്ളു. ഹരിയാനയിലെ ഹിസാറിൽനിന്നും പുറപ്പെടു​േമ്പാൾ രാവിലെ 6.30 ആയിരുന്നു. ആ വെളുപ്പിനെ ഹോട്ടലി​​​െൻറ ഗേറ്റ്​ തുറന്നുതരാൻ തണുപ്പിൽ മൂടിപ്പുതച്ചു കിടക്കുന്ന റിസപ്​ഷനിസ്​റ്റിനെ വിളിച്ചുണർത്തേണ്ടിവന്നതിൽ എനിക്കും ഖേദം തോന്നിയെങ്കിലും നേരത്തെ പുറപ്പെട്ടില്ലെങ്കിൽ കുടുങ്ങും എന്നതിനാലാണ്​ അതിന്​ മുതിർന്നത്​. രാവിലെ നല്ല തണുപ്പ്​. റോഡിലൂടെ പോകുന്നവിൽ മിക്കവരും മൂടിപ്പുതച്ചാണ്​ നടക്കുന്നത്​. റോഡരികിലിരുന്ന്​  തീ കായുന്ന നിരവധിപേരെ കണ്ടു.

ഹിസാറിൽനിന്ന്​ പുറപ്പെട്ട്​ അൽപം കഴിഞ്ഞപ്പോൾ തന്നെ ഹരിയാനയ​ുടെ അതിർത്തി കടന്ന്​ പഞ്ചാബിലെത്തിയിരുന്നു. ഭൂപ്രകൃതി നോക്കി ഹരിയാനയെയും പഞ്ചാബിനെയും മനസ്സിലാക്കാൻ ഇത്തിരി ബുദ്ധിമുട്ടാണ്​. ഭൂപ്രകൃതിയിൽ രണ്ടും രണ്ടും ഇരട്ടകളെ പോലെ തോന്നിക്കും. പ്രധാന കാർഷിക വിളയായ ഗോതമ്പുതന്നെയാണ്​ ഇതിനു കാരണം. കണ്ണെത്താ ദൂരത്തോളം പരന്നുകിടക്കുന്ന ഗോതമ്പുപാടങ്ങളാണ്​ രണ്ട്​ സംസ്​ഥകനത്തും.പഞ്ചാബി ലിപി വ്യത്യാസമുള്ളതിനാൽ ഹിന്ദി പരിജ്​ഞാനം കൊണ്ടെന്നും വായിക്കാൻ കഴിയില്ല.

പഞ്ചാബിൽ എവിടെ നോക്കിയാലും ഗോതമ്പു പാടങ്ങൾ മാത്രം...
 

പഞ്ചാബി​െല സംസ്​ഥാന പാതകളിൽ രാവിലെ കുട്ടികൾ യൂണിഫോം അണിഞ്ഞ്​ സ്​കൂൾ ബസ്​ കാത്തുനിൽക്കുന്നത്​ കാണാമായിരുന്നു. ആൺകുട്ടികളിൽ ചിലർ പഞ്ചാബി തലപ്പാവും വെച്ചിട്ടുണ്ട്​. റോഡിൽനിന്ന്​ വിട്ട്​ കൃഷിയിടങ്ങളിൽ ആളുകളെ കാണാം. കുറച്ചുദൂരം ക​ഴിഞ്ഞപ്പോൾ റോഡിൽനിന്നും മാറി മൺപാതയിലൂടെ കുറേ ദൂരം കൃഷിനിലങ്ങൾക്കിടയിലൂടെയുള്ള റോഡിലൂടെ സഞ്ചരിച്ചു. പ്രത്യേകിച്ച്​ എവിടെയെങ്കിലും എത്താതെ ഒരിടത്തുവെച്ച്​ പെടുന്നനെ അവസാനിച്ചൊരു പാതയായിരുന്നു അത്​.  ആ പാതക്കിരു വശങ്ങളിലുമായി കൃഷിയുടെ ആധിപത്യം ഗോതമ്പ്​ കൈയടക്കിയിരിക്കുന്നെങ്കിലും ഇടയിൽ കടുക്​, കരിമ്പ്​, പട്ടാണിക്കടല എന്നിവയും കാണാമായിരുന്നു.

ഒരു തുണ്ടു ഭൂമി പോലും തരിശിടുന്നത്​ പഞ്ചാബികൾക്ക്​ സഹിക്കാനാവില്ല
 

ഞാൻ അവിടെ എത്തിയപ്പോൾ ഹൻസ്​രാജ്​ എന്ന കർഷക​​​െൻറ കൃഷിയിടത്തിൽനിന്നും ഒരു സ്​ത്രീ പാകമായ കടുകുകൾ കാളവണ്ടിയിൽ കയറ്റി കൊണ്ട​ുപോകുകയായിരുന്നു. ഹൻസ്​രാജി​​​െൻറ കൂടെ നിർമൽ സിങ്​ എന്ന മുതിർന്ന ഒരു കർഷകന​ുമുണ്ട്​. ഹൻസ്​രാജിന്​ അറിയേണ്ടത്​ കേരളത്തിലെ പ്രധാന കൃഷിയിനങ്ങളെക്കുറിച്ചാണ്​. പഞ്ചാബിലെ പാടങ്ങളിൽ വിളയുന്ന ഗോതമ്പുകളിൽ പ്രതീക്ഷയർപ്പിച്ച്​ പ്രമേഹശാന്തി തേടുന്ന കേരളത്തിലെ ഏത്​ കൃഷിയിനത്തെക്കുറിച്ച്​ അയാളോട്​ പറയണമെന്ന കൺഫ്യൂഷൻ എനിക്കുണ്ടായിരുന്നു. അവരോട്​ യാത്ര പറഞ്ഞു പോരു​േമ്പാൾ കീടങ്ങളെ തുരത്താനുള്ള കൊടിയ വിഷത്തി​​​െൻറ ലായനി തയാറാക്കി തളിക്കാനുള്ള ഒരുക്കത്തിലായിരുന്നു ഹൻസ്​രാജ്​.

ഹൻസ്​രാജും (ഇടത്തേയറ്റം) നിർമൽ സിങ്ങും (നടുവിൽ) ഗോതമ്പു പാടത്തിനരികിൽ
 

യാത്രയിൽ എവിടെ നോക്കിയാലും ഗോതമ്പു പാടങ്ങൾ മാത്രം. ഒരു തുണ്ട്​ ഭൂമിപോലും തരിശിടാൻ പഞ്ചാബികൾ തയാറല്ല. എവിടെയെങ്കിലും അൽപം സ്​ഥലം ബാക്കിയുണ്ടെങ്കിൽ അവിടെ ഒരുപിടി വിത്തെറിഞ്ഞ്​ മുളപ്പിച്ചാലേ പഞ്ചാബികൾക്ക്​ ഉറക്കം വരൂ. വെള്ളപ്പൊക്കത്തിൽ മുങ്ങിയ വീടുകൾ പോലെയാണ്​ പരന്നുകിടക്കുന്ന പാടങ്ങൾക്കിടയിൽ അമർന്നു കിടക്കുന്ന ചെറിയ വീടുകൾ. പലതും കൃഷിയാവശ്യങ്ങൾക്കായി ഉപയോഗിക്കുന്ന കെട്ടിടങ്ങൾ ആയിരുന്നു.

പഞ്ചാബിൽ ബൈക്ക്​ ഒാടിക്കുന്നവരാരും ഹെൽമെറ്റ്​ ധരിക്കുന്നതായി കണ്ടില്ല. തലയിൽ ടർബൺ കെട്ടിയ പഞ്ചാബികൾക്ക്​ ഹെൽമെറ്റ്​ വെക്കണമെന്ന്​ നിയമപരമായി നിർബന്ധമി​ല്ലത്രെ. ഇനി നിർബന്ധിച്ചിട്ടും കാര്യമില്ല. വലിയ ടർബനു പുറത്ത്​ ഹെൽമെറ്റ്​ എങ്ങനെ വെക്കാനാണ്​...?

പട്ടാണി പയർ ശേഖരിക്കുന്ന കർഷകർ
 

യാത്രയ്​ക്കിടയിൽ അൽപം വിശ്രമം തേടി തണൽ പാകിയ ഒരു ഇടവഴിയിലേക്ക്​ ബൈക്ക്​ ഒതുക്കി നിർത്തി. ഹൈവേയിൽനിന്ന്​ വലിയൊരു ഇറക്കമിറങ്ങിയാണ്​ ബൈക്ക്​ ഇടവഴിയിലെത്തിയത്​. വഴിയല്ലത്​, വീതി കൂടിയ ഒരു വരമ്പ്​ മാത്രം.  അതിനാൽ ബൈക്ക്​ അവിടെ നിന്ന്​ തിരിച്ചു കൊണ്ടുപോകാൻ നന്നെ പാടുപെടണം. ചിലപ്പോൾ അൽപം കൂടി പോയാൽ സുഗമമായി വളയ്​ക്കാൻ കഴിയുന്ന സ്​ഥലം കാണുമെന്ന്​ കരുതി മുന്നോട്ടുതന്നെ പോയി. ബൈക്ക്​ വളയ്​ക്കാവുന്ന സ്​ഥലമായപ്പോൾ കുറേ കർഷകർ അവിടെ നിലത്തിരുന്ന്​ പട്ടാണി കടല പറിച്ച്​ ബക്കറ്റിൽ നിറയ്​ക്കുകയായിരുന്നു. തൊട്ടടുത്തു തന്നെ ട്രാക്​ടറിൽ നിലം ഉഴുതുമറിയ്​ക്കുന്ന മറ്റൊരു കർഷകനെയും കണ്ടു. ഗുരുവീർ എന്നായിരുന്നു അയാളുടെ പേര്​. അദ്ദേഹം ട്രാക്​ടറിൽനിന്നിറങ്ങി ഒരു സഞ്ചി കൈയിൽ എടുത്ത്​ ആ പാടത്തുന ിറയെ ചോളത്തി​​​െൻറ വിത്തുകൾ വിതറി. എന്ത്​ കൃഷിയാണ്​ ഇവിടെ ചെയ്യുന്നതെന്ന എ​​​െൻറ ചോദ്യത്തിന്​ അവർ പഞ്ചാബിയിൽ പറഞ്ഞ മറുപടി എനിക്ക്​ മനസ്സിലായതുമില്ല. വിത്തു കണ്ടാണ്​ അത്​ ചോളമാണെന്ന്​ തിരിച്ചറിഞ്ഞത്​. ട്രാക്​ടറിൽ തനിയെ നിലം ഉഴുത ശേഷം അതിൽനിന്നിറങ്ങി വിത്തു പാകി ആ കൃഷിയിടത്തിൽ ഗുരുവീർ ഒരു ഒറ്റയാൻ പോരാട്ടം തന്നെ നടത്തുന്നു. സഹായത്തിനു പോലും മറ്റാരുമില്ലാത്ത യുദ്ധം.

സഹായത്തിനു പോലും ആരുമില്ലാതെ ആ കൃഷിയിടത്തിൽ ഗുരുവീർ ഒറ്റയാൻ പോരാട്ടമായിരുന്നു നടത്തിയിരുന്നത്​
 

യാത്ര തുടരു​േമ്പാൾ ഇന്നത്തെ ലക്ഷ്യസ്​ഥാനമായ അമൃത്​സറിലേക്കുള്ള ദൂരം കൂറയുന്നതായി സൂചനാ ബോർഡുകൾ അറിയിക്കുന്നുണ്ട്​. അതു കാണു​േമ്പാൾ ആശ്വാസം തോന്നും. ഇന്ന്​ നേരത്തെ റൂമിലെത്തി കൂടുതൽ വിശ്രമിക്കാൻ ഒരാഗ്രഹം.

മണ്ണിൽ വീണ വിത്തുകളിൽനിന്നാണ്​ അവർ ചെയ്യുന്നത്​ ചോളകൃഷിയാണെന്ന്​ തിരിച്ചറിഞ്ഞത്​
 

അമൃത്​സറിലെത്തുന്നതിനു മുമ്പ്​ സുവർണ ക്ഷേത്രത്തെ അനുസ്​മരിപ്പിക്കുന്ന വിധത്തിൽ സ്വർണ നിറത്തിൽ വലിയൊരു ഗേറ്റ്​ കടക്കാനുണ്ടായിര​ുന്നു. വൈകിട്ട്​ നാലരയോ​െട ഒാൺലൈൻ വഴി മുൻകൂട്ടി ബുക്ക്​ ചെയ്​ത മുറിയിൽ എത്തി. ബാഗെല്ലാം ഒതുക്കി നേരേ വിശ്രമത്തിലേക്ക്​...
അമൃത്​സറി​​​െൻറ കാഴ്​ചകളിലേക്ക്​ നാളെ  ഇറങ്ങണം.

(യാത്ര തുടരും...)

 

Show Full Article
TAGS:solowithcbr150 aneesh&39;s travel indian diary rajasthan bike tour travelogue india Tour malayalam news Hariyana Hisar 
News Summary - Aneesh's indian diary solo bike travel eighteenth day at Amritsar
Next Story