Begin typing your search above and press return to search.
proflie-avatar
Login
exit_to_app
exit_to_app
Homechevron_rightTravelchevron_rightTravel Newschevron_right100 ദിവസത്തിനുശേഷം...

100 ദിവസത്തിനുശേഷം കോവിഡ്​; 80,000 സഞ്ചാരികളെ ഒഴിപ്പിക്കാൻ വിയറ്റ്​നാം

text_fields
bookmark_border
100 ദിവസത്തിനുശേഷം കോവിഡ്​; 80,000 സഞ്ചാരികളെ ഒഴിപ്പിക്കാൻ വിയറ്റ്​നാം
cancel

ഹോചിമിൻ സിറ്റി: വിയറ്റ്​നാമിൽ 100 ദിവസത്തിന്​ ശേഷം ആദ്യമായി കോവിഡ്​ രോഗം കണ്ടെത്തിയ സാഹചര്യത്തിൽ കർശന നടപടികളുമായി സർക്കാർ. വിനോദ സഞ്ചാര നഗരമായ ഡാ നാങ്ങിലാണ്​ കോവിഡ്​ കണ്ടെത്തിയത്​. പുറംരാജ്യങ്ങൾ സന്ദർശിച്ചിട്ടില്ലാത്ത 57 കാരനാണ്​ കോവിഡ്​ ബാധിച്ചത്​. മറ്റ്​ രണ്ടുപേർക്കും രോഗം കണ്ടെത്തിയിട്ടുണ്ട്​. ഇതോടെ, ഡാ നാങ്ങിൽനിന്ന്​ 80,000 വിനോദ സഞ്ചാരികളെ ഒഴിപ്പിക്കാൻ നടപടി ആരംഭിച്ചിരിക്കുകയാണ്​. ഇവരിൽ ബഹുഭൂരിഭാഗവും ആഭ്യന്തര സഞ്ചാരികളാണ്​.

നാലു ദിവസത്തിനുള്ളിൽ മുഴുവൻ സഞ്ചാരികളെയും ഒഴിപ്പിക്കും. ആഭ്യന്തര വിമാന കമ്പനികൾ രാജ്യത്തെ 11 നഗരങ്ങളിലേക്ക്​ പ്രതിദിനം 100 സർവിസുകൾ നടത്തിയാണ്​ സഞ്ചാരികളെ ഒഴിപ്പിക്കുക. ഡാ നാങ്ങിൽ സാമൂഹിക അകലം പാലിക്കണമെന്നും ഉത്തരവിട്ടിട്ടുണ്ട്​. 

കോവിഡിനെതിരെ സ്വീകരിച്ച കർക്കശ നടപടികളിലൂടെ വിയറ്റ്​നാം ശ്രദ്ധ നേടിയിരുന്നു. വിമാനത്താവളങ്ങളിലും അതിർത്തികളിലും യാത്രക്കാരെ പരിശോധിച്ച അധികൃതർ, മാർച്ച്​ മുതൽ യാത്രാനിരോധവും ഏർപ്പെടുത്തി. ജൂണിൽ ചാർ​േട്ടഡ്​ വിമാനങ്ങളി​ൽ 400ലധികം ജാപ്പനീസ്​ ബിസിനസ്​ യാത്രികരെ അനുവദിച്ചു രാജ്യം തുറക്കലി​ന്​ ആരംഭം കുറിച്ചിരുന്നു. ഇതിനിടെയാണ്​ വീണ്ടും രോഗം. വിയറ്റ്​നാമിൽ ആകെ 420 പേർക്കാണ്​ കോവിഡ്​ ബാധിച്ചത്​. ഒരു മരണം പോലും റിപ്പോർട്ട്​ ചെയ്യപ്പെട്ടിട്ടില്ല

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:vietnamcovid 19
News Summary - Vietnam Reports covid after a break
Next Story