ലണ്ടനിൽനിന്ന്​ കൊൽക്കത്തയിലേക്ക്​ ബസ്​ സർവിസ്​; ആരും കൊതിച്ചുപോകുന്ന യാത്ര

12:21 PM
02/07/2020
kolkata-bus3

കഴിഞ്ഞദിവസങ്ങളിൽ സാമൂഹിക മാധ്യമങ്ങളിൽ ഏറെ ചർച്ചയായ ​ചിത്രങ്ങളായിരുന്നു 1970 കാലഘട്ടത്തിൽ ലണ്ടനിൽനിന്ന്​ കൊൽക്കത്തയിലേക്കും സിഡ്​നിയിലേക്കും​ സർവിസ്​ നടത്തിയ ആൽബർട്ട്​ ബസി​േൻറത്​. ഇപ്പോൾ ഇങ്ങനെയൊരു സർവിസ്​ ഉണ്ടായിരുന്നുവെങ്കിൽ എന്നായിരുന്നു പലരും ചിത്രങ്ങൾക്ക്​​ താഴെ കമൻറിട്ടത്​. അതെ, ഏതൊരു സഞ്ചാരിയെയും കൊതിപ്പിക്കുന്നതായിരുന്നു ആ ബസ്​ യാത്രയുടെ റൂട്ട്​. 

സിഡ്​നിയിൽനിന്ന്​ 1968 ഒക്​ടോബർ എട്ടിന് ആദ്യ സർവിസ്​ തുടങ്ങിയ ബസ്​ 132 ദിവസങ്ങൾക്കുശേഷം 1969 ഫെബ്രുവരി 17നാണ്​ ലണ്ടനിൽ എത്തിച്ചേർന്നത്​​. ആൽബർട്ട്​ ടൂർസ്​ എന്ന കമ്പനിയാണ്​ ഡബിൾ ട്രക്കർ ബസ്​ ഉപയോഗിച്ച്​ സർവിസ്​ നടത്തിയിരുന്നത്​. ലണ്ടനും കൊൽക്കത്തക്കും ഇടയിൽ 15 സർവിസുകളും ആസ്​ട്രേലിയയിലെ സിഡ്​നിയിലേക്ക്​ നാല്​ സർവിസുകളും നടത്തിയതായാണ്​ റിപ്പോർട്ടുകൾ പറയുന്നത്​. ലണ്ടനി​ലെ വിക്​ടോറിയ കോച്ച്​ സ്​റ്റേഷനിൽനിന്ന്​ ആളുകൾ കൊൽക്കത്തയിലേക്ക്​ ബസ്​ കയറുന്നതി​​െൻറ ചിത്രങ്ങളും കാണാം​​. 

kolkata-bus2

1972-1973 വർഷത്തെ ലണ്ടൻ-കൊൽക്കത്ത സർവിസി​​െൻറ റൂട്ടും സേവനസൗകര്യങ്ങളും അടങ്ങിയ ഉൾക്കൊള്ളിച്ചുള്ള ചിത്രങ്ങളും​ പ്രചരിക്കുന്നുണ്ട്​​. 1972 ജൂലൈ 25ന്​ ലണ്ടനിൽനിന്ന്​ പുറപ്പെട്ട ബസ്​ 49 ദിവസങ്ങൾ കൊണ്ട്​ സെപ്​റ്റംബർ 11നാണ്​ കൊൽക്കത്തയിൽ എത്തുന്നത്​. ബെൽജിയം, പശ്ചിമ ജർമനി, ആസ്​ട്രിയ, യൂഗോ​​േസ്ലാവിയ, ബൾഗേറിയ, തുർക്കി, ഇറാൻ അഫ്​ഗാനിസ്​ഥാൻ, പാക്കിസ്​താൻ വഴിയാണ്​ ഇന്ത്യയിലെത്തിയത്​. 

വായന മുറി, ഭക്ഷണസ്​ഥലം, സ്​ഥലങ്ങൾ കാണാനുള്ള ലോഞ്ചുകൾ, ഓരോരുത്തർക്കും കിടക്കാനുള്ള ഇടങ്ങൾ, റേഡിയോയും സംഗീതവും, ഫാൻ, കർട്ടണുകൾ തുടങ്ങിയ ‘ആഡംബര സൗകര്യങ്ങളും ഈ വാഹനത്തിലുണ്ടായിരുന്നു. ന്യൂഡൽഹി, തെഹ്​റാൻ, സാൾസ്​ബർഗ്​, കാബൂൾ, ഇസ്​താംബൂൾ, വിയന്ന എന്നിവിടങ്ങളിൽ ഷോപ്പിങ്ങിനുള്ള സൗകര്യവും ഒരുക്കിയിരുന്നു. 

kolkata-bus

145 പൗണ്ട്​സ്​ (13,644 രൂപ) ആണ് കൊൽക്കത്ത വരെയുള്ള​ ഈ യാത്രയുടെ ചെലവ്​. ഇന്ത്യയിൽ ഡൽഹി, ആഗ്ര, ബനാറസ്​, കൊൽക്കത്ത എന്നിവിടങ്ങളിൽ ബസിന്​ സ്​റ്റോപ്പ്​ ഉണ്ടായിരുന്നു. 

കൊൽക്കത്തയിൽനിന്ന്​ ബർമ, തായ്​ലാൻഡ്​, മലേഷ്യ, വഴി സിംഗപ്പൂരിലെത്തുന്ന ബസ്​ അവിടെനിന്ന്​​ പെർത്തിലേക്ക്​ കപ്പലിലെത്തും.​ അവിടെനിന്ന്​ റോഡ്​ മാർഗമാണ്​ സിഡ്​നിയിലേക്കുള്ള യാത്ര. 


 

Loading...
COMMENTS