Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTravelchevron_rightTravel Newschevron_rightക്വാറ​ൈൻറൻ...

ക്വാറ​ൈൻറൻ ടൂറിസത്തിനൊരുങ്ങി ഹിമാചൽ പ്രദേശ്​

text_fields
bookmark_border
ക്വാറ​ൈൻറൻ ടൂറിസത്തിനൊരുങ്ങി ഹിമാചൽ പ്രദേശ്​
cancel

കോവിഡും ലോക്​ഡൗണുമെല്ലാം ഏറ്റവുമധികം ബാധിച്ചിരിക്കുന്നത്​ ടൂറിസം മേഖലയെ കൂടിയാണ്​. മഹാമാരിയിൽനിന്ന്​ ലോകം അതിജീവിച്ചാലും സഞ്ചാരികളുടെ ഒഴുക്ക്​ തുടങ്ങാൻ സമയമെടുക്കുമെന്നാണ്​ വിദഗ്​ധരുടെ അഭിപ്രായം. ഈയവസരത്തിലാണ്​ കോവിഡിനെ എങ്ങനെ ടൂറിസവുമായി ബന്ധിപ്പിക്കാമെന്ന്​ ഹിമാചൽ പ്രദേശ്​ ആലോചിക്കുന്നത്​. 

വീടുകളിലും ആശുപത്രികളിലുമുള്ള ഏകാന്ത ക്വാറ​ൈൻറൻ വാസം താൽപ്പര്യമില്ലാത്തവർക്ക്​ പ്രകൃതിയോടിണങ്ങി കഴിയാനുള്ള സൗകര്യം ഒരുക്കുന്നതിനെക്കുറിച്ച്​ ആലോചിക്കുകയാണ്​ ഹിമാലയ ഗിരിശൃംഗങ്ങൾ നിറഞ്ഞ ഈ സംസ്​ഥാനം. ഹിമാചൽ പ്രദേശ്​ മുഖ്യമന്ത്രി ജയ്​ റാം താക്കൂർ ഇക്കാര്യം സ്വകാര്യ ചാനലിന്​ നൽകിയ ഇൻറർവ്യുവിൽ പറയുകയും ചെയ്​തു. 223 പേർക്കാണ്​ നിലവിൽ സംസ്​ഥാനത്ത്​ കോവിഡ്​ സ്​ഥിരീകരിച്ചത്​. മാത്രമല്ല ഇവിടെ രോഗത്തിൻെറ വ്യാപനം കുറഞ്ഞുവരുന്നുമുണ്ട്​. അതുകൊണ്ടാണ്​ രാജ്യത്തിൻെറ വിവിധ ഭാഗങ്ങളിലുള്ളവർക്ക്​ രണ്ടാഴ്​ച കാലത്തെ ക്വാറ​ൈൻറൻ ആസ്വദിക്കാൻ ഹിമാചലിലേക്ക്​ ക്ഷണിക്കുന്നതിനെക്കുറിച്ച്​ ആലോചിക്കുന്നത്​.

മണാലിയും ഷിംലയും സ്​പിതി വാലിയുമെല്ലാം ഉൾപ്പെടുന്ന ഹിമാചൽ ഇന്ത്യയിലെത്തന്നെ ഏറ്റവും ജനപ്രിയ ടൂറിസ്​റ്റ്​ ഡെസ്​റ്റിനേഷനുകളിൽ ഒന്നാണ്​. ടൂറിസമാണ്​ സംസ്​ഥാനത്തിൻെറ ​പ്രധാന വരുമാന മാർഗവും. അതേസമയം, സർക്കാറിൻെറ പദ്ധതിക്കെതിരെ ഈ മേഖലയിലുള്ളവർ പ്രതിഷേധവുമായി രംഗത്തെത്തിയിട്ടുണ്ട്​. ക്വാറ​​ൈൻറനിൽ കഴിയാൻ ആളുകൾ വന്നാൽ ​പതിവ്​ സഞ്ചാരികൾ സംസ്​ഥാനത്തേക്ക്​ വരാൻ സാധ്യത കുറവാണെന്ന്​ ഇവർ പറയുന്നു. ഇതുകൂടാതെ ഹിമാചലിലെ താമസം അവസാനിപ്പിച്ച്​ സ്വന്തം നാട്ടിലെത്തിയാൽ വീണ്ടും ക്വാറ​ൈൻറനിൽ കഴിയേണ്ടി വരുമോ എന്ന ചിന്തയും ഇതിൽനിന്ന്​ ആളുകളെ പിന്തിരിപ്പിക്കാൻ സാധ്യതയുണ്ട്​. എന്തായാലും, മാറിയ കാലഘട്ടത്തിൽ കേരളത്തിലടക്കം സാധ്യതയുള്ള പദ്ധതിയാണ്​ ക്വാറ​ൈൻറൻ ടൂറിസവും. 

Show Full Article
TAGS:travel himachal pradesh quarantine tourism 
Next Story