ടൂറിസം സാധ്യത വർധിപ്പിക്കാൻ യുവാക്കളുടെ സൈക്കിൾ യാത്ര

മ​ഞ്ചേ​രി: 'സ​ഞ്ചാ​രി​ക​ൾ​ക്ക് വി​രു​ന്നൊ​രു​ക്കാം വി​ദേ​ശ സ​ഞ്ചാ​രി സൗ​ഹൃ​ദ മ​ല​ബാ​റി​നാ​യ്' സ​ന്ദേ​ശം ഉ​യ​ർ​ത്തി മ​ഞ്ചേ​രി​യി​ൽനി​ന്ന്​ കാ​സ​ർ​കോ​ട്ടേ​ക്ക് സൈ​ക്കി​ളി​ൽ യാ​ത്ര​തി​രി​ച്ച് യു​വാ​ക്ക​ൾ. മ​ഞ്ചേ​രി പേ​ലേ​പ്പു​റം കോ​ട്ട​ക്കു​ത്ത് വീ​ട്ടി​ൽ ന​സീ​ഫ് നാ​സ് (28), കാ​ര​യി​ൽ എം. ​ഷി​ബി​ൽ (28) എ​ന്നി​വ​രാ​ണ് സൈ​ക്കി​ൾ യാ​ത്ര ന​ട​ത്തു​ന്ന​ത്. ഒ​ട്ടേ​റെ വി​നോ​ദ സ​ഞ്ചാ​ര സ്ഥ​ല​ങ്ങ​ളു​ള്ള മ​ല​ബാ​ർ മേ​ഖ​ല​യി​ൽ വി​ദേ​ശ സ​ഞ്ചാ​രി​ക​ൾ എ​ത്തു​ന്ന​ത് കു​റ​വാ​ണ്. ഇ​തി​ന് പ​രി​ഹാ​രം കാണാൻ ന​ട​പ​ടിയെടുക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം. വി​ദേ​ശി​ക​ളെ എ​ത്തി​ച്ച് ടൂ​റി​സം സാ​ധ്യ​ത​ക​ൾ വ​ർ​ധി​പ്പി​ക്ക​ണ​മെ​ന്നും ഇ​വ​ർ പ​റ​യു​ന്നു.

മ​ല​പ്പു​റം, കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ലെ ടൂ​റി​സം സ്ഥ​ല​ങ്ങ​ൾ സ​ന്ദ​ർ​ശി​ച്ചും ടെൻറ് കെ​ട്ടി താ​മ​സി​ച്ചു​മാ​ണ് യാ​ത്ര. പ്ര​വാ​സി​യാ​യ ഷി​ബി​ൽ നാ​ട്ടി​ലെ​ത്തി​യ​ ശേ​ഷം ആ​ദ്യ​മാ​യാ​ണ് ഇ​ത്ത​ര​ത്തി​ൽ സൈ​ക്കി​ൾ യാ​ത്ര ന​ട​ത്തു​ന്ന​ത്. ന​സീ​ഫ് നേ​ര​ത്തേ ഇ​ന്ധ​ന വി​ല​വ​ർ​ധ​ന​ക്കെ​തി​രെ മ​ഞ്ചേ​രി​യി​ൽ നി​ന്ന്​ ആ​ല​പ്പു​ഴ​യി​ലേ​ക്ക് സൈ​ക്കി​ളി​ൽ പ്ര​തി​ഷേ​ധ യാ​ത്ര ന​ട​ത്തി​യി​രു​ന്നു.