കാടിൻെറ കാഴ്​ചകളിലേക്ക്​ സ്വാഗതം; മലക്കപ്പാറ ജംഗിൾ സഫാരി പുനരാരംഭിച്ചു

ചാലക്കുടി: അതിരപ്പിള്ളി - വാഴച്ചാൽ - തുമ്പൂർമുഴി ഡി.എം.സി നടത്തി വന്നിരുന്ന മലക്കപ്പാറ ജംഗിൾ സഫാരി രണ്ടു വർഷത്തെ ഇടവേളക്ക്​ ശേഷം പുനരാരംഭിച്ചു. ചാലക്കുടി പി.ഡബ്ല്യു.ഡി റെസ്റ്റ് ഹൗസിൽ നടന്ന ചടങ്ങിൽ സനീഷ്‌കുമാർ ജോസഫ് എം.എൽ.എ ഫ്ലാഗ് ഓഫ് ചെയ്തു.

കോവിഡ് മഹാമാരി കാരമാണ് യാത്ര പാക്കേജ് നിർത്തി​വെച്ചിരുന്നത്. നിലവിൽ മലക്കപ്പാറ വരെ നടത്തിയിരുന്ന യാത്രാ പാക്കേജിന് പുറമെ മൈലാടുംപാറ ഉൾപ്പെടുത്തി പുതിയ പാക്കേജ് ആരംഭിക്കാൻ തീരുമാനിച്ചതായും വിനോദ സഞ്ചാരികളുടെ സൗകര്യാർത്ഥം തൃശൂർ ജില്ലയുടെ ഏതു ഭാഗത്തുനിന്നും പത്തുപേരെങ്കിലും അടങ്ങുന്ന യാത്ര സംഘത്തെ നിശ്ചിത സ്ഥലത്തുനിന്ന് ചാലക്കുടിയിലേക്ക്​ കൊണ്ടുവരികയും തിരികെ എത്തിക്കുകയും ചെയ്യുമെന്നും എം.എൽ. എ അറിയിച്ചു.

90 കിലോമീറ്ററോളം നീണ്ട യാത്രയാണ് ജംഗിൾ സഫാരി. തുമ്പൂർമുഴി, ശലഭോദ്യാനം, തൂക്കുപാലം, അതിരപ്പിള്ളി, വാഴച്ചാൽ, ചാർപ്പ വെള്ളച്ചാട്ടങ്ങൾ പെരിങ്ങൽകുത്ത്, ഷോളയാർ ഡാമുകൾ, ആനക്കയം, മലക്കപ്പാറ എന്നീ വിനോദസഞ്ചാര കേന്ദ്രങ്ങളൾക്ക് പുറമെയാണ് മൈലാടും പാറ ഉൾപ്പെടുന്ന പുതിയ പാക്കേജ് ആരംഭിക്കുന്നത്.

ഗൈ​ഡി​െൻറ സേ​വ​നം, ഭ​ക്ഷ​ണം, കു​ടി​വെ​ള്ളം, പ്ര​വേ​ശ​ന ടി​ക്ക​റ്റ് എ​ന്നി​വ അ​ട​ങ്ങു​ന്ന പാ​ക്കേ​ജി​ന് 1200 രൂ​പ​യാ​ണ് ഈ​ടാ​ക്കു​ന്ന​ത്. രാ​ത്രി 8.30ന് ​ചാ​ല​ക്കു​ടി​യി​ല്‍ തി​രി​കെ എ​ത്തും വി​ധ​മാ​ണ് യാ​ത്ര. 04802769888, 9497069888 എ​ന്നീ ന​മ്പ​റു​ക​ളി​ല്‍ ബ​ന്ധ​പ്പെ​ട്ട് മു​ന്‍കൂ​ട്ടി ര​ജി​സ്റ്റ​ര്‍ ചെ​യ്യാം.

ഡി.ടി.പി.സി സെക്രട്ടറി ഡോ. എ. കവിത, നഗരസഭാ ചെയർമാൻ വി.ഒ. പൈലപ്പൻ, ജില്ല പഞ്ചായത്തഗം ജെനിഷ് പി. ജോസ്, ബ്ലോക്ക് പഞ്ചായത്ത് പ്രസിഡൻറ്​ വേണു കണ്ടരുമഠത്തിൽ, പഞ്ചായത്തംഗം സി.സി. കൃഷ്​ണൻ ഡി.എം.സി അംഗം ടി. പി. ജോണി തുടങ്ങിയവർ ചടങ്ങിൽ സംബന്ധിച്ചു.