കുട്ടനാടൻ കാഴ്​ചകളിലേക്ക്​ വീണ്ടും വേഗ-രണ്ടി​െൻറ സഞ്ചാരം

കോട്ടയം: കുട്ടനാടൻ കാഴ്​ചകളിലേക്ക്​ വീണ്ടും വേഗ-രണ്ടി​െൻറ സഞ്ചാരം. ​കോവിഡിനെത്തുടർന്ന്​ നിർത്തി​​െവച്ചിരുന്ന ജലഗതാഗതവകുപ്പി​െൻറ വേഗ എ.സി ബോട്ട്​ സർവിസിന്​ വീണ്ടും തു​ടക്കമായി. വിനോദസഞ്ചാരികൾക്കായി ആലപ്പുഴയിൽനിന്ന്​ കുമരകത്തേക്കും തിരിച്ചുമാണ്​ ആദ്യഘട്ടത്തിൽ സർവിസ്​. രാവിലെ 11ന്​ ആലപ്പുഴയിൽനിന്ന് പുറപ്പെട്ട് ​ൈവകീട്ട്​ 4.45ന്​ തിരിച്ചെത്തും.

പുന്നമട, മുഹമ്മ, കായിപ്പുറം, പാതിരാമണൽ, തണ്ണീർമുക്കം ബണ്ട് വഴി ഉച്ചക്ക്​ കുമരകം പക്ഷിസങ്കേതത്തിലെത്തിയശേഷം മടങ്ങും. ആർ.ബ്ലോക്ക്, മാർത്താണ്ഡം കായൽ, ചിത്തിര, സി.ബ്ലോക്ക്, മംഗലശ്ശേരി, കുപ്പപ്പുറം എന്നിവിടങ്ങളിലൂടെയാണ്​ തിരിച്ചുള്ള യാത്ര. പാതിരാമണൽ,​ കുമരകം പക്ഷിസങ്കേതം എന്നിവിടങ്ങളിലിറങ്ങി കാഴ്ചകൾ ആസ്വദിക്കുന്നതിനും അവസരമുണ്ട്​.

കേവിഡിനെത്തുടർന്ന്​ സർവിസ്​ നിർത്തിവെക്കുന്നതിനുമുമ്പ്​ തുടർച്ചയായ നൂറുദിനം മുഴുവൻ യാത്രക്കാരുമായി സർവിസ്​ നടത്തി വേഗ രണ്ട്​ റെക്കോർഡ്​ സ്വന്തമാക്കിയിരുന്നു. നിയന്ത്രണങ്ങൾക്ക് ഇളവുവന്നതോടെയാണ്‌ കഴിഞ്ഞദിവസം സർ‍വിസ് ആരംഭിച്ചത്. 40 പേർക്ക് എ.സി.യിലും 80 പേർക്ക്‌ നോൺ എ.സി.യിലും സഞ്ചരിക്കാം. എ.സി. സീറ്റിന് 600, നോൺ എ.സി.ക്ക് 400 രൂപയാണ് നിരക്ക്. കുടുംബശ്രീയുടെ ഭക്ഷണശാലയും ബോട്ടിലുണ്ട്. ലൈഫ് ജാക്കറ്റടക്കം എല്ലാ സുരക്ഷാസംവിധാനങ്ങളും ബോട്ടിലുണ്ട്.

നേരത്തേ ഈ ബോട്ട്​ ഉപയോഗിച്ച്​ രാവിലെയും വൈകീട്ടും കോട്ടയം- ആലപ്പുഴ റൂട്ടിൽ സർവിസ്​ നടത്താൻ തീരുമാനിച്ചിരുന്നു. കോട്ടയത്തുനിന്ന് രാവിലെ 7.30ന്​ പുറപ്പെട്ട് 9.30ന് ആലപ്പുഴയിലും വൈകീട്ട് 5.30ന്​ ആലപ്പുഴയിൽനിന്നുപുറപ്പെട്ട് കോട്ടയത്ത് 7.30ന്​ എത്തുന്ന തരത്തിലാണ്‌ പാസഞ്ചർ സർവിസ് ആലോചിച്ചത്​. ഇതിനിടയിൽ വിനോദസഞ്ചാരികൾക്കായി സർവിസുമെന്നായിരുന്നു ധാരണ. പാസഞ്ചർ സർവിസിൽ എ.സി യാത്രക്കാർക്ക് 100 രൂപയും നോൺ എ.സിക്ക് 50 രൂപയും ടിക്കറ്റ് നിരക്കും നിശ്ചയിച്ചിരുന്നു. എന്നാൽ, കോവിഡിനെതുടർന്ന്​ യാത്രക്കാരുടെ എണ്ണം കുറവായതിനാൽ സർവിസ്​ ആരംഭി​ക്കേണ്ടതില്ലെന്ന്​ തീരുമാനിക്കുകയായിരുന്നു.

വൈക്കം-എറണാകുളം റൂട്ടിൽ തുടക്കമിട്ട ആദ്യ 'വേഗ' സർവിസ് വിജയമായതോടെയാണ്​ വേഗ രണ്ട്​ ജലപ്പരപ്പിലിറക്കിയത്​. അതിവേഗ സർവിസായതിനാൽ നിരവധിപേർ ബോട്ടിലേക്ക്​ യാത്ര മാറ്റിയിരുന്നു. റോഡിലെ ഗതാഗതക്കുരുക്ക് ഒഴിവാക്കി, പൊടിയും പുകയും ഏൽക്കാതെ, ഒന്നര മണിക്കൂർ കൊണ്ട് യാത്ര പൂർത്തിയാക്കാം.

സാധാരണ ബോട്ടുകൾ മണിക്കൂറിൽ 13-14 കിലോമീറ്റർ വേഗത്തിൽ സഞ്ചരിക്കുമ്പോൾ എ.സി. ബോട്ടുകൾ 25 കിലോമീറ്റർ വേഗത്തിൽ സഞ്ചരിക്കും. ബസിലേതിനേക്കാൾ മൂന്നിരട്ടി ആളുകൾക്ക് ഒരേ സമയം യാത്ര ചെയ്യാം. വൈക്കം-എറണാകുളം സർവിസും പുനരാരംഭിച്ചിട്ടുണ്ട്​.