കാഴ്ചവിരുന്നൊരുക്കി വയ്യാങ്കര ചിറ

ചാ​രും​മൂ​ട്: ന​ഗ​ര​ജീ​വി​ത​ത്തി​ന്‍റെ തി​ര​ക്കു​ക​ളി​ൽ​നി​ന്ന്​ ഒ​ഴി​ഞ്ഞ് ഒ​ഴി​വു​ദി​വ​സ​ങ്ങ​ൾ യാ​ത്ര​ക്ക്​ തെ​ര​ഞ്ഞെ​ടു​ക്കു​ന്ന​വ​ർ​ക്ക് പ്ര​കൃ​തി​ര​മ​ണീ​യ​മാ​യ സ്ഥ​ല​മാ​ണ് ജി​ല്ല​യി​ലെ താ​മ​ര​ക്കു​ളം ഗ്രാ​മ​ത്തി​ലെ വ​യ്യാ​ങ്ക​ര ചി​റ. മ​ന​സ്സി​നൊ​പ്പം ക​ണ്ണു​ക​ളെ​യും കു​ളി​ര​ണി​യി​ക്കു​ന്നു​വെ​ന്ന​ത് വ​യ്യാ​ങ്ക​ര ചി​റ​യു​ടെ പ്ര​ത്യേ​ക​ത​യാ​ണ്.

കൊ​ല്ലം-​തേ​നി ദേ​ശീ​യ​പാ​ത​യു​ടെ സ​മീ​പം 110 ഏ​ക്ക​റി​ലാ​ണ് വ​യ്യാ​ങ്ക​ര എ​ന്ന മ​നോ​ഹ​ര​മാ​യ ചി​റ. ജി​ല്ല​യി​ലെ പ്ര​ധാ​ന പ​ട്ട​ണ​ങ്ങ​ളി​ലൊ​ന്നാ​യ ചാ​രും​മൂ​ടി​ന് സ​മീ​പം, ജി​ല്ല​യു​ടെ തെ​ക്ക് കി​ഴ​ക്ക് കൊ​ല്ലം ജി​ല്ല​യോ​ട് അ​തി​ർ​ത്തി പ​ങ്കി​ടു​ന്ന വ​യ്യാ​ങ്ക​ര ചി​റ മൂ​ന്നു വ​ശ​ങ്ങ​ളി​ൽ കു​ന്നു​ക​ൾ​ക്കു​ള്ളി​ൽ രൂ​പ​പ്പെ​ട്ട ജ​ലാ​ശ​യ​മാ​ണ്‌. ശാ​സ്താം​കോ​ട്ട കാ​യ​ൽ ക​ഴി​ഞ്ഞാ​ൽ സം​സ്ഥാ​ന​ത്തെ ഏ​റ്റ​വും വ​ലി​യ ശു​ദ്ധ​ജ​ല ത​ടാ​കം കൂ​ടി​യാ​ണി​ത്. അ​പൂ​ർ​വ ജീ​വ​ജാ​ല​ങ്ങ​ൾ​കൊ​ണ്ട് പ്ര​ത്യേ​ക പ​രി​സ്ഥി​തി പ​രി​ഗ​ണ​ന ഉ​ണ്ടാ​കേ​ണ്ട പ്ര​ദേ​ശ​മാ​യ ഇ​വി​ടെ വി​വി​ധ ഇ​നം പ​ക്ഷി​ക​ൾ വി​രു​ന്നെ​ത്തു​ന്ന​ത് കൗ​തു​ക​ക്കാ​ഴ്ച​യാ​ണ്. 2002ൽ ​ആ​ല​പ്പു​ഴ മെ​ഗാ ടൂ​റി​സം സ​ർ​ക്യൂ​ട്ടി​ന്റെ ഭാ​ഗ​മാ​യി തു​ട​ക്ക​മി​ട്ട പ​ദ്ധ​തി​യാ​ണ്​ വ​യ്യാ​ങ്ക​ര ചി​റ ടൂ​റി​സം പ​ദ്ധ​തി. അ​ന്ന​ത്തെ ടൂ​റി​സം മ​ന്ത്രി കെ.​സി. വേ​ണു​ഗോ​പാ​ലാ​ണ്​ പ​ദ്ധ​തി​ക്കു തു​ട​ക്കം കു​റി​ച്ച​ത്.

ചെ​റി​യ​രീ​തി​യി​ൽ ലേ​ക്ക് വ്യൂ ​പാ​ലം, ശു​ചി​മു​റി, പ​വ​ർ​ഹൗ​സ്, വി​ശ്ര​മ ബ​ഞ്ചു​ക​ൾ, പ്ര​വേ​ശ​ന ക​വാ​ടം, മ​ണ്ഡ​പം, കു​ട്ടി​ക​ളു​ടെ പാ​ർ​ക്ക്, വി​ള​ക്കു​ക​ൾ എ​ന്നി​വ ടൂ​റി​സം പ​ദ്ധ​തി​യു​മാ​യി ബ​ന്ധ​പ്പെ​ട്ട് പൂ​ർ‍ത്തി​യാ​യി​ട്ടു​ണ്ട്. കു​ട്ടി​ക​ളു​ടെ പാ​ർ​ക്കും വി​ശ്ര​മ​സ്ഥ​ല​ങ്ങ​ളും പൂ​ർ‌​ത്തി​യാ​യ​തി​നാ​ൽ അ​വ​ധി ദി​ന​ങ്ങ​ളി​ലും ഞാ​യ​റാ​ഴ്ച​ക​ളി​ലും ഏ​റെ​പ്പേ​ർ എ​ത്താ​റു​ണ്ട്. എ​ന്നാ​ൽ, ഇ​വി​ടെ എ​ത്തു​ന്ന​വ​ർ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലെ​ന്ന പ​രാ​തി​യു​ണ്ട്.

പ​ദ്ധ​തി​യി​ൽ‌ ഉ​ൾ​പ്പെ​ടു​ത്തി​യി​രു​ന്ന ത​ട്ടു​ക​ട​ക​ൾ, കു​ട്ടി​ക​ൾ​ക്കു​ള്ള വി​വി​ധ ഷോ​പ്പി​ങ് സെ​ന്റ​റു​ക​ൾ, ടൂ​റി​സ്റ്റു​ക​ൾ​ക്ക് ത​ങ്ങാ​നു​ള്ള സൗ​ക​ര്യം എ​ന്നി​വ പൂ​ർ​ത്തി​യാ​കു​ന്ന​തോ​ടെ ഈ ​പ​രാ​തി​ക​ൾ​ക്ക് പ​രി​ഹാ​ര​മാ​കും.