യാത്രാവിലക്ക്​ നീക്കുന്നു; മേയ്​ 15 മുതൽ ആസ്​ട്രേലിയൻ പൗരൻമാർക്ക്​ ഇന്ത്യയിൽനിന്ന്​ മടങ്ങാം

ആസ്​ട്രേലിയൻ പൗരൻമാരെ ഇന്ത്യയിൽനിന്ന്​ സ്വദേശത്തേക്ക്​ കൊണ്ടുപോകാനായി മേയ് 15 മുതൽ വിമാന സർവിസ്​ പുനരാരംഭിക്കും. ജൂൺ അവസാനത്തോടെ ആയിരത്തോളം ആസ്‌ട്രേലിയക്കാർക്ക്​ നാട്ടിലേക്ക് മടങ്ങാനാകുമെന്നാണ്​​ കരുതുന്നത്​.

ദുർബല അവസ്ഥയിലുള്ള പൗരൻമാർക്ക്​ മുൻഗണന നൽകും. മേയ് 15ന് ആദ്യത്തെ വിമാനം ഇന്ത്യയിൽനിന്ന് ഡാർവിനിലേക്ക് പുറപ്പെടും. മറ്റ് രണ്ട് വിമാനങ്ങൾ ഇന്ത്യയിൽനിന്ന് വടക്കൻ പ്രദേശത്തേക്ക് ഈ മാസം തന്നെ ക്രമീകരിക്കും.

കോവിഡ്​ വ്യാപനം തടയുന്നതി​െൻറ ഭാഗമായി കഴിഞ്ഞ മാസമാണ്​ ആസ്​ട്രേലിയൻ പ്രസിഡൻറ്​ സ്​കോട്ട്​ മോറിസൺ ഇന്ത്യയിൽനിന്നുള്ള വിമാനങ്ങൾ നിരോധിച്ചത്​. കൂടാതെ മറ്റ് ദക്ഷിണേഷ്യൻ രാജ്യങ്ങൾ വഴി ഇന്ത്യയിൽനിന്ന്​ ആസ്​ട്രേലിയയിലേക്ക്​ വരുന്നവർക്കെതിരെ ജയിൽ ശിക്ഷയും കനത്ത പിഴയും ഉണ്ടാകുമെന്നും മുന്നറിയിപ്പ്​ നൽകിയിരുന്നു. ഇതിനെതിരെ വ്യാപക പ്രതിഷേധമാണ്​ ഉയർന്നത്​.

ഏകദേശം ഒമ്പതിനായിരത്തോളം ആസ്​ട്രേലിയക്കാർ ഇന്ത്യയിൽ കുടുങ്ങിയിട്ടുണ്ടെന്നാണ്​ കണക്ക്​. ​െഎ.പി.എല്ലിൽ കളിക്കാനെത്തിയ ക്രിക്കറ്റ്​ താരങ്ങളും നാട്ടിലേക്ക്​ മടങ്ങാനാകാതെ വലഞ്ഞിരുന്നു. നിലവിൽ ആസ്​ട്രേലിയൻ താരങ്ങൾ മാലദ്വീപിലാണുള്ളത്​. അവിടെനിന്നാകും നാട്ടിലേക്ക്​ മടങ്ങുക.