അ​തി​ര​പ്പി​ള്ളി​യി​ൽ ടൂ​റി​സം വി​ക​സ​നം ബി.​ഒ.​ടി വ്യ​വ​സ്ഥ​യി​ൽ യാ​ഥാ​ർ​ഥ്യ​മാ​ക്ക​ണം

ചാ​ല​ക്കു​ടി: അ​തി​ര​പ്പി​ള്ളി, പ​റ​മ്പി​ക്കു​ളം, ചാ​ല​ക്കു​ടി മേ​ഖ​ല​യി​ലെ ടൂ​റി​സം വി​ക​സ​ന സാ​ധ്യ​ത​ക​ൾ ബി.​ഒ.​ടി വ്യ​വ​സ്ഥ​യി​ൽ സ​ർ​ക്കാ​രി​ന് സാ​മ്പ​ത്തി​ക ബാ​ധ്യ​ത​യി​ല്ലാ​തെ പ്ര​യോ​ഗി​ക​മാ​ക്ക​ണ​മെ​ന്ന് ആ​വ​ശ്യം. ദേ​ശീ​യ​പാ​ത​യി​ൽ​നി​ന്ന് കേ​വ​ലം 30 കി​ലോ​മീ​റ്റ​ർ മാ​ത്രം പി​ന്നി​ട്ടാ​ൽ വി​നോ​ദ​സ​ഞ്ചാ​രി​ക​ൾ​ക്ക് സു​ര​ക്ഷി​ത വ​ന​മേ​ഖ​ല സ​ന്ദ​ർ​ശി​ക്കാ​നാ​വു​മെ​ന്ന​താ​ണ് പ്ര​ധാ​ന സൗ​ക​ര്യം.

കൂ​ടാ​തെ 100 കി​ലോ​മീ​റ്റ​ർ ചു​റ്റ​ള​വി​ലു​ള്ള പ​റ​മ്പി​ക്കു​ളം, തൂ​ണ​ക്ക​ട​വ്, പെ​രു​വാ​രി പ​ള്ളം, പെ​രി​ങ്ങ​ൽ​ക്കു​ത്ത്, തു​മ്പൂ​ർ​മു​ഴി, ഷോ​ള​യാ​ർ, അ​പ്പ​ർ ഷോ​ള​യാ​ർ തു​ട​ങ്ങി​യ പ​ദ്ധ​തി പ്ര​ദേ​ശ​ത്തേ​ക്ക് എ​ത്താം. നെ​ടു​മ്പാ​ശേ​രി വി​മാ​ന​ത്താ​വ​ളം, ചാ​ല​ക്കു​ടി, അ​ങ്ക​മാ​ലി റ​യി​ൽ​വേ സ്റ്റേ​ഷ​ൻ, ദേ​ശീ​യ​പാ​ത തു​ട​ങ്ങി​യ യാ​ത്രാ​സൗ​ക​ര്യ​ങ്ങ​ൾ പ്ര​യോ​ജ​ന​പ്പെ​ടു​ത്താ​ൻ സാ​ധി​ക്കും. ഈ ​സാ​ധ്യ​ത​ക​ൾ പ്ര​യോ​ജ​ന​പ്പെ​ടു​ത്തി അ​തി​ര​പ്പി​ള്ളി വി​നോ​ദ സ​ഞ്ചാ​ര മേ​ഖ​ല​യു​ടെ സാ​ധ്യ​ത​ക​ൾ പു​ന​ർ​വി​ചി​ന്ത​നം ചെ​യ്യ​ണ​മെ​ന്നാ​ണ് ആ​വ​ശ്യം.

ഇ​തി​നാ​യി വെ​ള്ള​ച്ചാ​ട്ട​ങ്ങ​ളു​ടെ പ​രി​സ​രം ന​വീ​ക​രി​ക്കാ​ൻ ദേ​ശ​ത്തെ പ്ര​മു​ഖ​രെ ഉ​ൾ​പ്പെ​ടു​ത്തി ആ​ദ്യം ഒ​രു ഉ​ന്ന​ത​ത​ല സ​മി​തി രൂ​പ​വ​ത്ക​രി​ക്കേ​ണ്ട​തു​ണ്ട്. നി​ർ​ദ്ദി​ഷ്ട തേ​ക്ക​ടി-​ചെ​മ്മ​ണാ​മ്പ​തി റോ​ഡു​മാ​യി വാ​ഴ​ച്ചാ​ൽ-​പ​റ​മ്പി​ക്കു​ളം റോ​ഡി​നെ അ​റ്റ​കു​റ്റ​പ്പ​ണി ചെ​യ്ത് ബ​ന്ധി​പ്പി​ക്ക​ണ​മെ​ന്ന​താ​ണ് മ​റ്റൊ​രു ആ​വ​ശ്യം. സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ വ​ന​മേ​ഖ​ല​യി​ൽ ചാ​ല​ക്കു​ടി പു​ഴ​യ്ക്കു കു​റു​കേ റോ​പ് വേ ​നി​ർ​മി​ക്ക​ണം.

ചാ​ല​ക്കു​ടി മു​ത​ൽ പെ​രി​ങ്ങ​ൽ​ക്കു​ത്ത് വ​രെ പു​ഴ​യോ​ര​ത്ത് പു​തി​യ റോ​ഡ് നി​ർ​മി​ക്ക​ണം. പീ​ക്കോ​ക്ക് പാ​ർ​ക്ക്, ഡി​യ​ർ പാ​ർ​ക്ക്, വാ​ക്സ് മ്യൂ​സി​യം, മ്യൂ​സി​ക്ക​ൽ ഫൗ​ണ്ടെ​യ്ൻ, അ​മ്യൂ​സ്മെൻറ് പാ​ർ​ക്ക് എ​ന്നി​വ ആ​വ​ശ്യ​മാ​ണ്. അ​തു​പോ​ലെ വാ​ഴ​ച്ചാ​ൽ മേ​ഖ​ല​യി​ൽ കൂ​ടു​ത​ൽ സൗ​ക​ര്യ​മൊ​രു​ക്ക​ണം. പെ​രി​ങ്ങ​ൽ​കു​ത്തി​ൽ ഉ​ദ്യാ​ന​മ​ട​ക്കം സൗ​ക​ര്യ​ങ്ങ​ളൊ​രു​ക്ക​ണം.

അ​തി​ര​പ്പി​ള്ളി വി​നോ​ദ സ​ഞ്ചാ​ര​മേ​ഖ​ല​യി​ലെ പ്ര​ധാ​ന പ്ര​ശ്നം ഗ​താ​ഗ​ത​ക്കു​രു​ക്കാ​ണ്. ഇ​ത് പ​രി​ഹ​രി​ക്കാ​ൻ കാ​ഞ്ഞി​ര​പ്പി​ള്ളി​യി​ൽ വി​ശാ​ല​മാ​യ പാ​ർ​ക്കി​ങ് സൗ​ക​ര്യ​മൊ​രു​ക്ക​ണം. റൂ​ട്ടി​ൽ വി​നോ​ദ​സ​ഞ്ചാ​ര വ​കു​പ്പി​ന്റെ ഷ​ട്ടി​ൽ സ​ർ​വി​സ് മാ​ത്രം അ​നു​വ​ദി​ക്ക​ണം.

ഇ​തു സം​ബ​ന്ധി​ച്ച നി​ർ​ദേ​ശ​ങ്ങ​ള​ട​ങ്ങു​ന്ന ചാ​ല​ക്കു​ടി-​അ​തി​ര​പ്പ​ള്ളി-​പ​റ​മ്പി​ക്കു​ളം ടൂ​റി​സം വി​ക​സ​ന ക​ര​ട് പ​ദ്ധ​തി​യു​ടെ രൂ​പ​രേ​ഖ അ​ഡ്വ.​സ​ജി റാ​ഫേ​ൽ, സി.​പി. പോ​ൾ ചു​ങ്ക​ത്ത്, പി.​ഐ. ജോ​സ് പാ​ണാ​ട​ൻ, ഡേ​വി​സ് പ​ള്ളി​പ്പാ​ട്ട് എ​ന്നി​വ​ർ മു​ഖ്യ​മ​ന്ത്രി​ക്ക് സ​മ​ർ​പ്പി​ച്ചു.