Begin typing your search above and press return to search.
proflie-avatar
Login
exit_to_app
exit_to_app
auckland
cancel
Homechevron_rightTravelchevron_rightTravel Newschevron_rightകോവിഡിനെ പേടിക്കേണ്ട;...

കോവിഡിനെ പേടിക്കേണ്ട; 2021ൽ​ താമസിക്കാൻ കഴിയുന്ന മികച്ച നഗരങ്ങൾ ഇവയാണ്​

text_fields
bookmark_border

കോവിഡ്​ പരത്തിയ ഭീതിയിലൂടെയാണ്​ ലോകം കടന്നുപോകുന്നത്​. പല രാജ്യങ്ങളും അടഞ്ഞുകിടക്കുന്നു. ചില രാജ്യങ്ങൾ ഇന്ത്യയിൽനിന്നടക്കം വരുന്നവരെ വിലക്കുന്നു. ആളുകളുടെ ജോലി നഷ്​ടപ്പെടുന്നു. രാജ്യങ്ങൾ സാമ്പത്തിക പ്രതിസന്ധിയിൽ ഉലയുന്നു. ഇങ്ങനെ പലവിധ പ്രതിസന്ധികളിലൂടെയാണ്​ ലോകം മുന്നോട്ടുപോകുന്നത്​.

എന്നാൽ, ഈ ആശങ്കൾക്കിടയിലും സുരക്ഷിതമായ ഭാവിയെക്കുറിച്ച്​ പ്രതീക്ഷ പുലർത്തുന്നവരാണ്​​ പലരും. ഇവരുടെ മനസ്സിൽ ആദ്യം തെളിയുന്ന ചോദ്യം കോവിഡ്​ കാലത്ത്​ താമസിക്കാൻ ഏറ്റവും സുരക്ഷിതമായ നഗരം ഏതാണ്? മാത്രമല്ല, ഉയർന്ന ജീവിതനിലവാരം എവിടെ കണ്ടെത്താനാകും, മികച്ചരീതിയിൽ എവിടെ ജീവിക്കാൻ കഴിയും തുടങ്ങിയവയാണ്​. ഈ ചോദ്യങ്ങൾ‌ക്കുള്ള ഉത്തരമാണ് ലണ്ടൻ ആസ്​ഥാനമായുള്ള​ ഇക്കണോമിസ്റ്റ് ഇൻറലിജൻസ് യൂനിറ്റിൻെറ പുതിയ റിപ്പോർട്ട് പറയുന്നത്​.

2021ൽ താമസിക്കാൻ ഏറ്റവും അനുയോജ്യമായ നഗരം ന്യൂസിലാൻഡിലെ ഓക്ക്‌ലാൻഡ് ആണെന്ന്​ സർവേ പ്രകാരം ഇവർ കണ്ടെത്തിയിരിക്കുന്നു. 2018, 2019 വർഷങ്ങളിൽ നടന്ന സർവേയിൽ ആസ്​ട്രിയയിലെ വിയന്നയായിരുന്നു ഒന്നാംസ്​ഥാനത്ത്​. എന്നാൽ, ഇത്തവണ വിയന്നക്ക്​ ആദ്യ പത്തിൽ പോലും ഇടം നേടാൻ സാധിച്ചില്ല. കോവിഡ്​ ഓസ്ട്രിയയെ സാരമായി ബാധിച്ചതാണ്​ ഇതിന്​ കാരണം. 2020ൽ സർവേ നടത്തിയിട്ടില്ല.

ജപ്പാനിലെ ഒസാക്കയാണ്​ ഈ വർഷം രണ്ടാം സ്ഥാനത്തുള്ളത്​. 2019ൽ ഒസാക നാലാം സ്ഥാനത്തായിരുന്നു. പുതിയ പട്ടികയിൽ ആസ്ട്രേലിയ മികച്ച പ്രകടനമാണ്​ കാഴ്​ചവെച്ചിട്ടുള്ളത്​. അഡ്‌ലെയ്​ഡ്​ മൂന്നാം സ്ഥാനവും പെർത്ത് ആറാം സ്ഥാനത്തും ബ്രിസ്ബേൻ പത്താം സ്ഥാനത്തുമാണ്​. സ്വിറ്റ്സർലൻഡിലെ ജനീവക്കൊപ്പം മെൽബൺ എട്ടാം റാങ്ക്​ പങ്കിടുന്നു​.

ന്യൂസിലാൻഡിലെ വെല്ലിങ്​ടൺ ആണ്​ നാലം സ്​ഥാനത്ത്​. ടോക്യോ (അഞ്ച്​), സൂറിച്ച്​ (ഏഴ്​) എന്നിവയാണ്​ ആദ്യ പത്തിൽ ഇടംപിടിച്ച മറ്റു നഗരങ്ങൾ.

അഞ്ച്​ മേഖലകൾ പരിശോധിച്ചാണ്​ റിപ്പോർട്ട്​ തയാറാക്കിയത്​. സ്ഥിരത, സംസ്​കാരം, പരിസ്ഥിതി, വിദ്യാഭ്യാസം, ആരോഗ്യ സംരക്ഷണം, അടിസ്ഥാന സൗകര്യങ്ങൾ എന്നിവയാണ്​ പഠനത്തിന്​ ആധാരമാക്കിയത്​.

കോവിഡിനെതിരെ കടുത്ത നടപടികളാണ്​ ന്യൂസിലാൻഡ്​ കൈകൊണ്ടത്​. ഇതുവഴി വൈറസിനെ പിടിച്ചുകെട്ടുകയും രാജ്യം വീണ്ടും തുറക്കാനും സാധിച്ചു. കൂടാതെ മറ്റ് രാജ്യങ്ങളെ അപേക്ഷിച്ച് പൗരൻമാർക്ക്​ കൂടുതൽ സ്വാതന്ത്ര്യം അനുവദിക്കാനും കഴിഞ്ഞിട്ടുണ്ട്​. ഇവയാണ്​ ഓക്​ലാൻഡിനെയും വെല്ലിങ്​ടണെയുമെല്ലാം ആദ്യം പത്തിൽ ഇടംപിടിപ്പിച്ചത്​.

കാരക്കാസ് (വെനിസുല)​, ദൗആല (കാമറൂൺ), ഹരാരെ (സിംബാബ്​വെ), കറാച്ചി (പാക്​സിതാൻ), ട്രിപ്പോളി (ലിബിയ), അൾജിയേഴ്​സ്​ (അൾജീരിയ), ധാക്ക (ബംഗ്ലാദേശ്​), പോർട്ട്​ മോഴ്​സ്​ബി (പാപുവ ന്യൂ ഗിനിയ), ലാ​​േഗാസ്​ (നൈജീരിയ), ഡമാസ്​കസ്​ (സിറിയ) എന്നിവയാണ് ഏറ്റവും മോശം നഗരങ്ങളുടെ പട്ടികയിലുള്ളത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:covid19best city
News Summary - These are the cities that will be able to live safely in 2021
Next Story