വിനോദയാത്രക്കാർക്ക് ആനവണ്ടി ആനന്ദമാകുന്നു

പ​റ​വൂ​ർ: വി​നോ​ദ​യാ​ത്ര​ക്ക്​ സാ​ധാ​ര​ണ​ക്കാ​രു​ടെ വാ​ഹ​ന​മാ​യ കെ.​എ​സ്.​ആ​ർ.​ടി.​സി ബ​സി​നെ ആ​ശ്ര​യി​ക്കു​ന്ന സ​ഞ്ചാ​രി​ക​ളു​ടെ എ​ണ്ണം കൂ​ടു​ന്നു. കൃ​ത്യ​മാ​യ റൂ​ട്ട് മാ​പ്, മെ​ച്ച​പ്പെ​ട്ട യാ​ത്ര​സൗ​ക​ര്യ​വു​മാ​ണ് വി​നോ​ദ​സ​ഞ്ചാ​ര​ത്തി​ന്​ പ്രി​യ​പ്പെ​ട്ട വാ​ഹ​ന​മാ​യി ആ​ന​വ​ണ്ടി മാ​റാ​ൻ കാ​ര​ണ​മാ​യ​ത്. കു​റ​ഞ്ഞ ചെ​ല​വി​ൽ ടൂ​റി​സ്റ്റ് ബ​സ് വി​ളി​ക്കു​ന്ന​തു​പോ​ലെ കെ.​എ​സ്.​ആ​ർ.​ടി.​സി വി​ളി​ച്ചു പോ​കാ​മെ​ന്ന​തും ആ​ന​വ​ണ്ടി​ക്ക് ആ​വ​ശ്യ​ക്കാ​ർ വ​ർ​ധി​ക്കു​ന്ന​തി​ന് മ​റ്റൊ​രു പ്ര​ത്യേ​ക​ത. മു​സ്​​രി​സ് പൈ​തൃ​ക​പ​ദ്ധ​തി പ്ര​ദേ​ശ​ങ്ങ​ൾ സ​ന്ദ​ർ​ശി​ക്കു​ന്ന​തി​ന്​ ര​ണ്ടാ​ഴ്ച മു​മ്പ്​ ആ​രം​ഭി​ച്ച കെ.​എ​സ്.​ആ​ർ.​ടി.​സി​യു​ടെ ബ​ഡ്ജ​റ്റ് ടൂ​റി​സം ഡെ​സ്റ്റി​നേ​ഷ​ൻ പ​ദ്ധ​തി ശ്ര​ദ്ധേ​യ​മാ​യി​രു​ന്നു.

ആ​ദ്യ ട്ര​യ​ൽ ട്രി​പ്പി‍െൻറ ഭാ​ഗ​മാ​യി കെ.​എ​സ്. ആ​ർ.​ടി.​സി​യു​ടെ ര​ണ്ട് ബ​സി​ലാ​യി നൂ​റോ​ളം പേ​ർ മു​സ്​​രി​സ് മു​ന​ക്ക​ൽ ഡോ​ൾ​ഫി​ൻ ബീ​ച്ച് കാ​ണാ​ൻ എ​ത്തി. ഇ​തി‍െൻറ ആ​വേ​ശം ഉ​ൾ​ക്കൊ​ണ്ട് ക​ഴി​ഞ്ഞ ദി​വ​സം സ​മ​സ്ത കേ​ര​ള വാ​ര്യ​ർ സ​മാ​ജം യൂ​നി​റ്റി​ലെ 51 അം​ഗ​ങ്ങ​ൾ പ​റ​വൂ​രി​ൽ​നി​ന്ന് മ​ല​ക്ക​പ്പാ​റ​യി​ലേ​ക്ക് യാ​ത്ര പോ​യി. കെ.​എ​സ്.​ആ​ർ.​ടി.​സി​യു​ടെ വി​നോ​ദ​യാ​ത്ര പ​ദ്ധ​തി​യു​ടെ ഭാ​ഗ​മാ​യാ​ണ് മ​ല​ക്ക​പ്പാ​റ, മൂ​ന്നാ​ർ സ​ർ​വി​സ് ന​ട​ത്തു​ന്ന​ത്. യ​ഥാ​ർ​ഥ​ത്തി​ൽ ചാ​ല​ക്കു​ടി​യി​ൽ​നി​ന്നു​ള്ള സ​ർ​വി​സു​ക​ളാ​ണ് ഇ​ത്. 51 പേ​രു​ള്ള സം​ഘ​മാ​യി യാ​ത്ര ചെ​യ്യാ​ൻ ത​യാ​റാ​ണെ​ങ്കി​ൽ മു​ൻ​കൂ​ട്ടി ബു​ക്ക് ചെ​യ്താ​ൽ പ​റ​വൂ​രി​ൽ​നി​ന്ന് ഈ ​സ​ർ​വി​സ് ആ​രം​ഭി​ക്കും. സം​ഘം എ​വി​ടെ​യാ​ണോ നി​ൽ​ക്കു​ന്ന​ത് അ​വി​ടെ വ​ന്ന് യാ​ത്ര​ക്കാ​രെ എ​ടു​ക്കു​മെ​ന്ന​തും ആ​ന​വ​ണ്ടി ടൂ​റി​നെ വേ​റി​ട്ട​താ​ക്കു​ന്നു.

ആ​ളു​ക​ൾ 51ൽ ​കു​റ​വാ​ണെ​ങ്കി​ലും 51 പേ​രു​ടെ പ​ണം കെ.​എ​സ്.​ആ​ർ.​ടി.​സി​ക്ക് ന​ൽ​കാ​ൻ ത​യാ​റാ​ണെ​ങ്കി​ൽ യാ​ത്ര കൊ​ണ്ടു​പോ​കും. ഭ​ക്ഷ​ണം ആ​വ​ശ്യ​മെ​ങ്കി​ൽ ഹോ​ട്ട​ലി​ൽ​നി​ന്ന്​ കെ.​എ​സ്.​ആ​ർ.​ടി.​സി ല​ഭ്യ​മാ​ക്കും. യാ​ത്ര​ക്കാ​ർ ആ​വ​ശ്യ​പ്പെ​ടു​ന്ന സ്ഥ​ല​ങ്ങ​ളി​ൽ കാ​ഴ്ച​ക​ൾ കാ​ണാ​ൻ ബ​സ് നി​ർ​ത്തി​ക്കൊ​ടു​ക്കു​ക​യും ചെ​യ്യും.

അ​തി​ര​പ്പി​ള്ളി വ്യൂ ​പോ​യ​ന്‍റ്, ചാ​ർ​പ്പ വെ​ള്ള​ച്ചാ​ട്ടം, പെ​രി​ങ്ങ​ൽ​ക്കു​ത്ത് ഡാം, ​ആ​ന​ക്ക​യം വ​ഴി മ​ല​ക്ക​പ്പാ​റ​യി​ൽ എ​ത്തി. രാ​വി​ലെ ആ​റി​ന് പ​റ​വൂ​രി​ൽ​നി​ന്ന്​ പു​റ​പ്പെ​ട്ട ബ​സ് രാ​ത്രി 10ന് ​തി​രി​ച്ചെ​ത്തി. കാ​ര്യ​ങ്ങ​ൾ വി​ശ​ദീ​ക​രി​ക്കാ​ൻ ചാ​ല​ക്കു​ടി ഡി​പ്പോ​യി​ൽ​നി​ന്ന് ഒ​രു ഗൈ​ഡും ബ​സി​ൽ ഉ​ണ്ടാ​യി​രു​ന്നു. വ​ന​ത്തി​ലൂ​ടെ യാ​ത്ര ര​സ​ക​ര​മാ​യി​രു​ന്നെ​ന്ന്​ സ​മാ​ജം അം​ഗ​ങ്ങ​ൾ പ​റ​ഞ്ഞു. പ​റ​വൂ​രി​ൽ​നി​ന്ന്​ വാ​ര്യ​ർ സ​മാ​ജ​മാ​ണ് ആ​ദ്യ​മാ​യി ഇ​ത്ത​ര​ത്തി​ലൊ​രു യാ​ത്ര പോ​യ​ത്. മാ​ങ്കു​ളം, മാ​മ​ല​ക്ക​ണ്ടം വ​ഴി​യാ​ണ് മൂ​ന്നാ​റി​ലേ​ക്ക്​ യാ​ത്ര. ചാ​ല​ക്കു​ടി​യി​ൽ​നി​ന്ന് 750 രൂ​പ​യാ​ണ്​ നി​ര​ക്ക്. അ​തി​ൽ ഉ​ച്ച​ഭ​ക്ഷ​ണ​വും വൈ​കീ​ട്ട​ത്തെ ചാ​യ​യും ഉ​ൾ​പ്പെ​ടും. പ​റ​വൂ​രി​ൽ​നി​ന്നു​ള്ള നി​ര​ക്ക് തീ​രു​മാ​ന​മാ​യി​ട്ടി​ല്ല. ചാ​ല​ക്കു​ടി​യി​ൽ​നി​ന്നു​ള്ള നി​ര​ക്കി​നെ​ക്കാ​ൾ കൂ​ടു​ത​ൽ ആ​യി​രി​ക്കു​മെ​ന്ന് കെ.​എ​സ്.​ആ​ർ.​ടി.​സി അ​ധി​കൃ​ത​ർ അ​റി​യി​ച്ചു. ബു​ക്കി​ങ്​ ന​മ്പ​ർ: 90745 03720, 9747557737.